| ᠪᠣᠷᠤᠭᠠ ᠱᠠᠭᠢᠭᠰᠠᠨ ᠥᠷᠯᠦᠭᠡ ᠮᠣᠷᠢ ᠲᠠᠢ ᠢᠷᠡᠭᠰᠡᠨ ᠠᠬᠠ ᠮᠢᠨᠢ ᠲᠠ | ᠪᠤᠷᠣ ᠦᠨᠳᠦᠷ ᠤᠨ ᠴᠢᠭᠢᠭ ᠠᠴᠠ ᠬᠡᠰᠢᠭ ᠢ ᠨᠢ ᠠᠪᠴᠢᠷᠠᠭᠰᠠᠨ ᠲᠠ | ᠬᠤᠷᠮᠣᠢ ᠨᠣᠷᠭᠠᠭᠰᠠᠨ ᠵᠦᠯᠭᠡ ᠪᠠᠷ ᠰᠠᠶ᠋ᠢᠬᠠᠨ ᠥᠩᠭᠡᠷᠡᠭᠰᠡᠨ ᠲᠠ | ᠬᠤᠨᠢᠴᠢᠨ ᠪᠦᠰᠡᠬᠦᠢ ᠶᠢᠨ ᠰᠡᠳᠭᠢᠯ ᠳᠤ ᠨᠢ ᠰᠢᠩᠭᠡᠵᠦ ᠦᠯᠡᠳᠡᠭᠰᠡᠨ ᠲᠠ | | | ᠰᠠᠶ᠋ᠢᠬᠠᠨ ᠥᠩᠭᠡᠷᠡᠭᠰᠡᠨ ᠮᠦᠷ ᠲᠡᠭᠡᠷᠡ ᠴᠢᠨᠢ | ᠰᠠᠷᠠᠨ ᠴᠡᠴᠡᠭᠡᠰ ᠲᠡᠯᠭᠡᠷᠡᠭᠡᠳ ᠪᠠᠶᠢᠨᠠ | ᠰᠠᠨᠠᠭᠠᠨ ᠠᠴᠠ ᠭᠠᠷᠳᠠᠭ ᠦᠭᠡᠢ ᠴᠢᠮᠠ ᠶᠢ ᠮᠢᠨᠢ | ᠰᠠᠯᠬᠢ ᠨᠢ ᠬᠦᠷᠳᠡᠯᠡ ᠢᠯᠪᠢᠭᠡᠳ ᠪᠠᠶᠢᠨᠠ | | | ᠣᠷᠤᠭᠠ ᠮᠣᠷᠢᠨ ᠤ ᠵᠣ ᠲᠡᠭᠡᠷᠡ ᠰᠠᠭᠠᠳᠠᠭᠰᠠᠨ ᠠᠬᠠ ᠮᠢᠨᠢ ᠲᠠ | ᠣᠪᠤᠭᠠ ᠬᠤᠷᠠᠬᠤ ᠪᠠᠨ ᠬᠦᠭᠡᠷᠦᠭᠦᠢ ᠪᠠᠶᠢᠨ ᠪᠠᠶᠢᠨ ᠡᠷᠭᠢᠭᠰᠡᠨ ᠨᠢ ᠲᠠ | ᠪᠦᠪᠡᠢ ᠶᠢᠨ ᠲᠠᠭᠤᠤ ᠲᠠᠢ ᠨᠤᠳᠤᠭ ᠢᠶᠠᠨ ᠰᠠᠨᠠᠵᠤ ᠮᠡᠭᠰᠢᠭᠰᠡᠨ ᠲᠠ | ᠪᠦᠬᠦᠳᠡ ᠶᠢᠨ ᠬᠠᠶᠢᠷᠠᠲᠠᠢ ᠦᠯᠦᠭᠡᠢ ᠪᠠᠨ ᠮᠠᠨᠠᠵᠤ ᠤᠶᠠᠷᠠᠭᠰᠠᠨ ᠲᠠ | | | ᠲᠦᠳᠡᠭ ᠭᠠᠯ ᠢᠶᠠᠨ ᠠᠰᠠᠭᠠᠭᠰᠠᠨ ᠠᠨᠳᠠᠢ ᠪᠦᠵᠢᠭᠲᠦ ᠲᠠ | ᠲᠥᠯᠭᠡᠨ ᠪᠦᠷᠢᠳᠦ ᠠᠴᠠ ᠨᠢᠰᠦᠭᠰᠡᠨ ᠠᠩᠭᠢᠷ ᠰᠢᠪᠠᠭᠤ ᠨᠢ ᠲᠠ | ᠴᠠᠢ ᠪᠠᠨ ᠤᠤᠭᠤᠭᠠᠳ ᠢᠨᠢᠶᠡᠭᠰᠡᠨ ᠠᠶᠠᠭᠠ ᠨᠢ ᠬᠠᠯᠠᠭᠤᠨ ᠢᠶᠠᠷ ᠢᠶᠠᠨ | ᠴᠠᠮᠴᠠ ᠪᠠᠨ ᠤᠷᠭᠢᠭᠠᠳ ᠮᠤᠷᠳᠠᠭᠰᠠᠨ ᠤᠷᠣ ᠨᠢ ᠪᠦᠯᠢᠶᠠᠨ ᠢᠶᠠᠷ ᠢᠶᠠᠨ | |