| ᠪᠣᠷᠤᠭᠠ ᠰᠢᠪᠡᠷᠡᠭᠰᠡᠨ ᠲᠩᠷᠢ ᠶᠢᠨ ᠳᠣᠣᠷᠠ ᠪᠣᠷᠤᠭᠠ ᠪᠣᠯᠣᠨ ᠰᠢᠪᠢᠷᠴᠦ ᠯᠠ ᠰᠠᠭᠤᠨᠠ ᠦᠦ ᠡᠵᠢ ᠡ᠃ | ᠪᠣᠰᠤᠨ ᠰᠠᠭᠤᠭᠰᠠᠨ ᠴᠤ ᠬᠤᠶᠠᠷ ᠬᠦᠦ ᠶᠢ ᠮᠢᠨᠢ ᠡᠷᠬᠡᠯᠡᠭᠦᠯᠦᠭᠡᠳ ᠪᠣᠷᠣᠬᠠᠨ ᠬᠤᠨᠤᠭ ᠤᠳ ᠢ ᠲᠤᠭᠤᠯᠵᠤ ᠯᠠ | ᠪᠠᠶᠢᠨᠠ ᠦᠦ᠂ ᠡᠵᠢ ᠡ᠃ ᠡᠵᠢ ᠲᠠᠨ ᠤ ᠪᠠᠨ ᠭᠠᠷ ᠤᠨ ᠣᠷᠣᠨ ᠳᠤ ᠭᠠᠷ᠂ ᠬᠥᠯ ᠤᠨ ᠣᠷᠣᠨ ᠳᠤ ᠬᠥᠯ᠂ | ᠨᠢᠳᠦᠨ ᠤ ᠣᠷᠣᠨ ᠳᠤ ᠨᠢᠳᠦ ᠪᠣᠯᠵᠤ ᠶᠠᠪᠤᠭ ᠭᠡᠵᠦ ᠬᠤᠶᠠᠷ ᠬᠦᠦ ᠪᠠᠨ ᠬᠢᠴᠢᠶᠡᠯ ᠨᠢ ᠠᠮᠠᠷᠠᠩᠭᠤᠲᠠ | ᠶᠠᠪᠤᠭᠤᠯᠤᠭᠰᠠᠨ ᠶᠤᠮ ᠡ᠃ ᠳᠢᠭ ᠦᠭᠡᠢ ᠬᠤᠶᠠᠷ ᠦᠷᠡ ᠮᠢᠨᠢ ᠳᠡᠨᠵᠢ ᠶᠢᠨ ᠴᠡᠴᠡᠭ ᠲᠠᠰᠤᠳᠠᠵᠤ ᠳᠢᠭᠭᠦ᠋ᠢᠲᠦᠵᠦ | ᠪᠠᠶᠢᠨᠠ ᠦᠦ᠂ ᠡᠵᠢ ᠡ᠃ ᠪᠣᠷᠤᠭᠠ ᠵᠣᠭᠰᠣᠨᠠ᠂ ᠰᠣᠯᠣᠩᠭᠠ ᠲᠠᠲᠠᠨᠠ᠃ ᠪᠠᠭᠠ ᠶᠢᠨ ᠵᠠᠩᠭᠤ ᠪᠠᠷ ᠢᠶᠠᠨ | ᠰᠣᠯᠣᠩᠭᠠ ᠲᠠᠰᠤᠳᠠᠵᠤ ᠭᠤᠶᠣᠨᠠ ᠭᠡᠳᠡᠭ ᠳᠡᠪᠡᠷᠡᠭᠦᠨ ᠪᠣᠳᠣᠯ ᠮᠢᠨᠢ ᠴᠤ ᠬᠡᠪ ᠢᠶᠠᠷ ᠢᠶᠠᠨ ᠰᠢᠦ᠂ ᠡᠵᠢ ᠡ᠃ | ᠰᠠᠭᠠᠯᠢ ᠦᠨᠦᠷᠲᠡᠭᠰᠡᠨ ᠶᠠᠭᠠᠨ ᠳᠡᠪᠡᠯ ᠤᠨ ᠲᠠᠨᠢ ᠦᠨᠦᠷ ᠮᠢᠨᠦ ᠡᠨᠡ ᠣᠷᠴᠢᠯᠠᠩ ᠳᠤ ᠮᠡᠳᠡᠷᠡᠭᠰᠡᠨ ᠬᠠᠮᠤᠭ ᠤᠨ | ᠰᠠᠶᠢᠬᠠᠨ ᠦᠨᠦᠷ ᠪᠠᠶᠢᠭᠰᠠᠨ᠃ ᠲᠠᠨ ᠢ ᠪᠠᠨ ᠪᠣᠳᠣᠬᠤ ᠪᠠᠷ ᠣᠳᠣ ᠴᠤ ᠲᠡᠷᠡ ᠵᠥᠭᠡᠯᠡᠨ ᠰᠠᠯᠠᠬᠤ ᠶᠢᠨ ᠠᠷᠭᠠ | ᠦᠭᠡᠢ ᠦᠨᠦᠷ ᠬᠠᠮᠠᠷ ᠴᠣᠷᠭᠢᠳᠠᠭ ᠪᠢᠯᠡ ᠯᠠ᠃ | ᠣᠷᠣᠢ ᠨᠢ ᠴᠣᠭᠤᠷᠠᠬᠠᠢ ᠡᠭᠦᠯᠡᠰ ᠤᠨ ᠰᠡᠶᠢᠮᠡᠬᠡᠢ ᠪᠠᠷ ᠬᠦᠦ ᠪᠠᠨ ᠢᠪᠡᠭᠡᠬᠦ ᠭᠡᠵᠦ ᠢᠯᠴᠢ ᠪᠠᠨ | ᠪᠠᠳᠠᠷᠠᠭᠤᠯᠵᠤ ᠰᠠᠭᠤᠨᠠ ᠦᠦ᠂ ᠡᠵᠢ ᠡ᠃ ᠪᠤᠭᠤᠷᠤᠯᠬᠠᠨ ᠣᠷᠴᠢᠯᠠᠩ ᠤᠨ ᠨᠢᠭᠡᠨ ᠵᠠᠢ ᠳᠤ ᠪᠠᠨ ᠮᠢᠨᠤ ᠲᠥᠯᠦᠭᠡ | ᠰᠠᠴᠤᠯᠢ ᠡᠷᠭᠦᠨ ᠰᠠᠭᠤᠨᠠ ᠦᠦ᠂ ᠡᠵᠢ ᠡ᠃ ᠠᠪᠤ ᠲᠠᠢ ᠬᠠᠮᠲᠤ ᠬᠡᠳᠦᠨ ᠦᠬᠡᠷ ᠤᠨ ᠢᠶᠠᠨ ᠠᠷᠤ ᠠᠴᠠ | ᠬᠥᠭᠡᠭᠡᠴᠡᠯᠳᠦᠵᠦ᠂ ᠠᠪᠤ ᠲᠠᠢ ᠬᠠᠮᠲᠤ ᠭᠤᠷᠪᠠᠨ ᠬᠦᠦ ᠶᠢᠨ ᠢᠶᠠᠨ ᠴᠢᠨᠠᠭᠰᠢᠳᠠ ᠶᠢᠨ ᠵᠠᠮ ᠢ ᠭᠡᠷᠡᠯᠲᠦᠭᠦᠯᠬᠦ ᠪᠠᠷ | ᠵᠠᠯᠪᠠᠷᠢᠵᠤ ᠯᠠ ᠰᠠᠭᠤᠨᠠ ᠦᠦ ᠡᠵᠢ ᠡ᠃ ᠳᠣᠯᠣᠭᠠᠨ ᠳᠠᠪᠬᠤᠷ ᠤᠨ ᠴᠣᠩᠬᠤ ᠪᠠᠷ ᠳᠣᠭᠳᠣᠯᠤᠯ ᠢ ᠮᠢᠨᠢ | ᠲᠡᠭᠡᠭᠡᠭᠰᠡᠨ ᠪᠣᠷᠤᠭᠠ ᠠᠰᠬᠠᠷᠴᠤ ᠪᠠᠶᠢᠨᠠ᠃ ᠳᠣᠲᠣᠭᠠᠳᠤ ᠣᠭᠲᠠᠷᠭᠤᠢ ᠳᠤ ᠮᠢᠨᠢ ᠳᠣᠯᠣᠭᠠᠨ ᠪᠤᠷᠬᠠᠨ᠂ ᠨᠠᠷᠠ᠂ | ᠰᠠᠷᠠ ᠲᠠᠢ ᠪᠠᠨ ᠬᠠᠮᠲᠤ ᠲᠠᠨ ᠳᠤ ᠪᠠᠨ ᠲᠡᠮᠡᠦᠯᠦᠭᠰᠡᠭᠡᠷ ᠯᠠ ᠪᠠᠶᠢᠳᠠᠭ ᠰᠢᠦ᠂ ᠡᠵᠢ ᠡ᠃ | ᠠᠵᠢᠯ ᠢᠶᠠᠨ ᠬᠠᠶᠠᠭᠠᠳ ᠠᠪᠤ᠂ ᠡᠵᠢ ᠳᠤ ᠪᠠᠨ ᠭᠦᠶᠦᠭᠡᠳ ᠣᠴᠢᠮᠠᠷ᠂ ᠳᠡᠪᠡᠩ ᠳᠡᠯᠡᠬᠡᠢ ᠶᠢᠨ ᠵᠦᠢᠯ ᠢ | ᠬᠠᠮᠤᠵᠤ ᠰᠢᠮᠡᠭᠡᠳ ᠶᠠᠷᠢᠵᠤ ᠰᠠᠭᠤᠮᠠᠷ ᠡᠳᠦᠷ ᠶᠤᠮᠰᠠᠨᠵᠢ᠃ ᠤᠳᠤᠬᠤ ᠦᠭᠡᠢ ᠨᠤᠲᠤᠭ ᠲᠤ ᠪᠠᠨ ᠣᠴᠢᠵᠤ ᠡᠵᠢ᠂ | ᠠᠪᠤ ᠳᠤ ᠪᠠᠨ ᠡᠷᠬᠡᠯᠡᠩᠬᠡᠨ ᠰᠠᠭᠤᠶᠠ ᠳ᠋ᠠ᠃ ᠠᠮᠢᠳᠤᠷᠠᠯ ᠳᠤ ᠣᠯᠳᠠᠬᠤ ᠦᠭᠡᠢ ᠠᠵᠢᠯ ᠭᠡᠵᠦ ᠪᠠᠶᠢᠬᠤ ᠪᠢᠰᠢ᠃ | ᠠᠷᠭᠠ ᠡᠪ ᠨᠢ ᠣᠯᠳᠠᠨᠠ ᠰᠢᠦ ᠳ᠋ᠡ᠃ ᠠᠪᠤ᠂ ᠡᠵᠢ ᠠᠴᠠ ᠦᠨᠡᠲᠡᠢ ᠨᠢ ᠶᠠᠭᠠᠬᠢᠭᠰᠠᠨ ᠪᠢᠯᠡ᠃ | ᠪᠤᠷᠬᠠᠨᠡᠵᠢ ᠪᠠᠨ ᠪᠤᠷᠬᠠᠨ ᠪᠣᠯᠲᠠᠯᠠ ᠪᠠᠨ ᠬᠠᠶᠢᠷᠠᠯᠠᠨᠠ᠃ ᠪᠤᠷᠬᠠᠨ ᠠᠪᠤ ᠶᠢ ᠪᠠᠨ ᠪᠤᠴᠠᠨ ᠪᠤᠴᠠᠲᠠᠯᠠ ᠪᠠᠨ | ᠬᠠᠶᠢᠷᠠᠯᠠᠨᠠ ᠡ᠃ ᠡᠨᠡ ᠡᠳᠦᠷ ᠲᠥᠷᠦᠭᠦᠯᠦᠭᠰᠡᠨ ᠡᠷᠬᠢᠮ ᠬᠤᠶᠠᠷ ᠪᠤᠭᠤᠷᠤᠯ ᠳᠤ ᠪᠠᠨ ᠡᠨᠡ ᠰᠡᠳᠬᠢᠯ ᠤᠨ ᠢᠶᠠᠨ | ᠤᠭ ᠠᠴᠠ ᠬᠠᠶᠢᠷᠠᠲᠠᠢ ᠭᠡᠵᠦ ᠬᠡᠯᠡᠶᠡ ᠡ᠃ | ᠷᠠ᠊᠂ ᠰᠣᠶᠣᠯᠲᠣ ᠪᠠᠭᠤᠯᠭᠠᠪᠠ | | |