| ᠮᠤᠩᠭᠤᠯ᠂ ᠲᠦᠪᠡᠳ ᠬᠤᠶᠠᠷ ᠦᠨᠳᠦᠰᠦᠲᠡᠨ ᠤ ᠲᠤᠲᠤᠷᠠ ᠡᠷᠲᠡ ᠳᠡᠭᠡᠷᠡ ᠦᠶᠡ ᠠᠴᠠ ᠤᠯᠠᠮᠵᠢᠯᠠᠭᠳᠠᠵᠤ | ᠢᠷᠡᠭᠰᠡᠨ ᠠᠷᠠᠳ ᠤᠨ ᠠᠮᠠᠨ ᠵᠤᠬᠢᠶᠠᠯ ᠤᠨ ᠪᠠᠭᠠᠲᠤᠷᠯᠢᠭ ᠲᠤᠤᠯᠢ ᠮᠦᠨ᠃ ᠡᠨᠡ ᠪᠣᠯ ᠮᠠᠨ ᠤ ᠤᠯᠤᠰ ᠤᠨ ᠤᠷᠠᠨ | ᠵᠤᠬᠢᠶᠠᠯ ᠤᠨ ᠡᠷᠳᠡᠨᠢᠰ ᠤᠨ ᠰᠠᠩ ᠳᠤ ᠲᠤᠲᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ ᠨᠢᠭᠡᠨ ᠴᠢᠬᠤᠯᠠ ᠪᠦᠲᠦᠭᠡᠯ ᠮᠦᠨ᠃ | ᠢᠯᠠᠩᠭᠤᠶᠠ ᠮᠤᠩᠭᠤᠯ᠂ ᠲᠦᠪᠡᠳ ᠦᠨᠳᠦᠰᠦᠲᠡᠨ ᠤ ᠤᠷᠠᠨ ᠵᠤᠬᠢᠶᠠᠯ ᠤᠨ ᠲᠡᠦᠬᠡᠨ ᠳᠤ ᠪᠣᠯ ᠲᠤᠰ ᠲᠤᠰ ᠵᠤᠬᠢᠬᠤ | ᠪᠠᠶᠢᠷᠢ ᠪᠠᠨ ᠤᠯᠪᠠᠯ ᠵᠤᠬᠢᠬᠤ ᠰᠢᠯᠢᠳᠡᠭ ᠪᠦᠲᠦᠭᠡᠯ ᠮᠦᠨ᠃ ᠲᠡᠦᠬᠡᠨ ᠲᠡᠮᠳᠡᠭᠯᠡᠯ ᠪᠠ ᠡᠷᠳᠡᠮᠳᠡᠳ ᠤᠨ ᠰᠣᠳᠣᠯᠵᠤ | ᠤᠯᠤᠭᠰᠠᠨ ᠠᠴᠠ ᠦᠵᠡᠪᠡᠯ ︽ᠭᠡᠰᠡᠷ ᠤᠨ ᠲᠤᠭᠤᠵᠢ︾ ᠶᠢ ᠤᠤᠯ ᠨᠢ ᠴᠤᠶᠢᠪᠠᠪ ᠭᠡᠳᠡᠭ ᠨᠡᠷᠡ ᠲᠠᠢ ᠰᠢᠯᠦᠭᠴᠢ | ᠪᠢᠴᠢᠵᠡᠢ᠃ ᠭᠡᠪᠡᠴᠦ ᠲᠡᠷᠡ ᠪᠣᠯ ᠣᠳᠣ ᠶᠢᠨ ᠳᠡᠯᠭᠡᠷᠡᠵᠦ ᠪᠠᠶᠢᠭᠠ ᠪᠦᠬᠦ ᠭᠡᠰᠡᠷ ᠢ ᠪᠢᠴᠢᠭᠰᠡᠨ ᠪᠢᠰᠢ᠂ᠵᠦᠪᠬᠡᠨ | ︽ᠭᠡᠰᠡᠷ ᠤᠨ ᠲᠤᠭᠤᠵᠢ︾ ᠶᠢᠨ ᠡᠬᠢᠯᠡᠯᠲᠡ ᠶᠢᠨ ᠪᠦᠯᠦᠭ ᠪᠠ ᠰᠠᠷᠠᠶᠢᠭᠤᠤᠯ ᠤᠨ ᠪᠠᠶᠢᠯᠳᠤᠭᠠᠨ ᠤ ᠪᠦᠯᠦᠭ | ᠬᠤᠶᠠᠷᠬᠠᠨ ᠢ ᠪᠢᠴᠢᠭᠰᠡᠨ ᠲᠦᠯᠦᠪ ᠲᠠᠢ᠃ ᠭᠡᠲᠡᠯᠡ ᠣᠳᠣ ᠦᠷᠭᠡᠨ ᠢᠶᠠᠷ ᠳᠡᠯᠭᠡᠷᠡᠵᠦ ᠪᠠᠶᠢᠭᠠ ︽ᠭᠡᠰᠡᠷ ᠤᠨ | ᠲᠤᠭᠤᠵᠢ︾ ᠪᠣᠯ ᠡᠨᠡᠭᠡᠨ ᠪᠢᠰᠢ᠃ ᠲᠦᠪᠡᠳ ᠭᠡᠰᠡᠷ ᠢᠶᠠᠷ ᠠᠪᠤᠭᠠᠳ ᠬᠡᠯᠡᠬᠦ ᠳᠤ ︽ᠳᠤᠷᠤᠨᠠᠲᠤ ᠲᠦᠪᠡᠳ ᠤᠨ | ᠭᠡᠰᠡᠷ︾᠂ ︽ᠦᠷᠦᠨᠡᠲᠦ ᠲᠦᠪᠡᠳ ᠤᠨ ᠭᠡᠰᠡᠷ︾᠂ ︽ᠲᠦᠪᠡᠳ ᠪᠢᠴᠢᠮᠡᠯ ᠭᠡᠰᠡᠷ︾ ᠭᠡᠵᠦ ᠤᠯᠠᠨ ᠵᠦᠢᠯ ᠪᠠᠶᠢᠬᠤ | ᠪᠠᠷ ᠪᠠᠷᠠᠬᠤ ᠦᠭᠡᠢ ︽ᠲᠦᠪᠡᠳ ᠪᠢᠴᠢᠮᠡᠯ ᠭᠡᠰᠡᠷ︾ ᠨᠢ ᠴᠦ ︽A ᠭᠡᠰᠡᠷ︾᠂ ︽B ᠭᠡᠰᠡᠷ︾᠂ ︽BO ᠭᠡᠰᠡᠷ︾ ᠁ | ᠭᠡᠬᠦ ᠮᠡᠲᠦ ᠤᠯᠠᠨ ᠵᠦᠢᠯ ᠤᠨ ᠠᠳᠠᠯᠢ ᠪᠣᠰᠣ ︽ᠭᠡᠰᠡᠷ︾ ᠪᠠᠶᠢᠨᠠ᠃ ᠢᠯᠠᠩᠭᠤᠶᠠ ᠮᠠᠨ ᠤ ᠮᠤᠩᠭᠤᠯ ︽ᠭᠡᠰᠡᠷ ᠤᠨ | ᠲᠤᠭᠤᠵᠢ︾ ᠪᠠᠷ ᠠᠪᠤᠭᠠᠳ ᠬᠡᠯᠡᠪᠡᠯ᠄ ᠪᠡᠭᠡᠵᠢᠩ ᠪᠠᠷ ᠤᠨ ᠭᠡᠰᠡᠷ᠂ ᠵᠠᠶᠠᠭᠠ ᠶᠢᠨ ᠬᠦᠷᠢᠶᠡᠨ ᠤ ᠭᠡᠰᠡᠷ᠂ ᠮᠤᠩᠭᠤᠯ | ᠯᠢᠩ ᠭᠡᠰᠡᠷ᠂ ᠪᠦᠷᠢᠶᠡᠳ ᠭᠡᠰᠡᠷ ᠤᠨ ᠲᠤᠭᠤᠵᠢ᠂ ᠤᠶᠢᠷᠠᠳ ᠭᠡᠰᠡᠷ ᠤᠨ ᠲᠤᠭᠤᠵᠢ ᠭᠡᠬᠦ ᠵᠡᠷᠭᠡ ᠪᠠᠷ ᠤᠯᠠᠨ ᠵᠦᠢᠯ | ᠪᠠᠶᠢᠨᠠ᠃ ᠡᠶᠢᠨ ᠬᠦ ᠮᠤᠩᠭᠤᠯ ︽ᠭᠡᠰᠡᠷ ᠤᠨ ᠲᠤᠭᠤᠵᠢ︾ ᠠᠭᠤᠯᠭᠠ ᠪᠠᠭᠲᠠᠭᠠᠮᠵᠢ ᠶᠢᠨ ᠲᠠᠯᠠ ᠪᠠᠷ ᠴᠤᠶᠢᠪᠠᠪ ᠤᠨ | ᠪᠢᠴᠢᠭᠰᠡᠨ ᠲᠡᠷᠡ ᠬᠤᠶᠠᠷ ᠪᠦᠯᠦᠭ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠲᠠᠨᠢᠭᠳᠠᠰᠢ ᠦᠭᠡᠢ ᠶᠠᠭᠤᠮᠠ ᠪᠣᠯᠣᠭᠰᠠᠨ ᠢᠶᠠᠷ ᠪᠠᠷᠠᠬᠤ | ᠦᠭᠡᠢ᠂ ᠤᠳᠤ ᠲᠦᠪᠡᠳ ᠤᠷᠤᠨ ᠢᠶᠠᠷ ᠦᠷᠭᠡᠨ ᠳᠡᠯᠭᠡᠷᠡᠵᠦ ᠪᠠᠶᠢᠭᠠ ︽ᠭᠡᠰᠡᠷ︾ ᠤᠳ ᠲᠠᠢ ᠨᠢ ᠴᠦ ᠠᠭᠤᠯᠭᠠ ᠪᠠ | ᠳᠦᠷᠢ ᠶᠢᠨ ᠲᠠᠯᠠ ᠪᠠᠷ ᠢᠶᠠᠨ ᠤᠨᠳᠤᠤ ᠤᠨᠳᠤᠤ ᠪᠣᠯᠬᠤ ᠲᠤᠲᠤᠷᠬᠠᠢ ᠢᠯᠭᠠᠭᠠ ᠲᠠᠢ ᠶᠤᠮ᠃ ︽ᠭᠡᠰᠡᠷ ᠤᠨ | ᠲᠤᠭᠤᠵᠢ︾ ᠮᠠᠨ ᠤ ᠮᠤᠩᠭᠤᠯ ᠬᠡᠯᠡᠨ ᠳᠤ ᠪᠢᠴᠢᠭ ᠢᠶᠠᠷ ᠡᠶᠢᠨ ᠬᠦ ᠦᠷᠭᠡᠨ ᠳᠡᠯᠭᠡᠷᠡᠵᠦ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ | ᠬᠤᠭᠤᠷ ᠤᠨ ᠦᠯᠢᠭᠡᠷ ᠤᠨ ᠬᠡᠯᠪᠡᠷᠢ᠂ ᠬᠤᠯᠪᠣᠭᠠ ᠰᠢᠯᠦᠭ ᠤᠨ ᠬᠡᠯᠪᠡᠷᠢ ᠲᠠᠢ ᠠᠮᠠᠨ ᠶᠠᠷᠢᠶᠠ ᠪᠠᠷ ᠴᠦ ᠲᠤᠩ | ᠦᠷᠭᠡᠨ ᠳᠡᠯᠭᠡᠷᠡᠵᠦ ᠪᠠᠶᠢᠭᠠ ᠶᠤᠮ᠃ ᠲᠡᠶᠢᠮᠦ ᠠᠴᠠ ᠲᠡᠬᠦᠨ ᠤ ᠮᠠᠨ ᠤ ᠤᠷᠠᠨ ᠵᠤᠬᠢᠶᠠᠯ ᠤᠨ ᠡᠩᠨᠡᠭᠡ ᠳᠤ | ᠦᠵᠡᠬᠦᠯᠵᠦ ᠪᠠᠶᠢᠭᠠ ᠨᠦᠯᠦᠭᠡ ᠪᠣᠯ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠶᠤᠮ᠃ ᠲᠡᠭᠦᠨᠴᠢᠯᠡᠨ ᠪᠢᠴᠢᠭᠡᠳ ᠪᠠᠶᠢᠭᠠ ᠬᠡᠰᠡᠭ | ᠪᠦᠯᠦᠭ ᠨᠢ᠂ ᠮᠠᠨ ᠤ ᠬᠢᠨ ᠤ ᠦᠷᠨᠢᠬᠦᠯᠦᠨ ᠵᠤᠬᠢᠶᠠᠬᠤ ᠦᠨᠢᠷ ᠪᠠᠶᠠᠯᠢᠭ ᠰᠡᠳᠦᠪ ᠪᠣᠯᠵᠤ ᠪᠠᠶᠢᠭᠠ ᠶᠤᠮ᠃ ᠡᠭᠦᠨ | ᠳᠤ ᠪᠢᠳᠡ ᠵᠢᠱᠢᠶᠡ ᠪᠣᠯᠭᠠᠵᠤ ᠮᠠᠨ ᠤ ᠢᠷᠠᠭᠤ ᠰᠢᠯᠦᠭᠴᠢ ᠨᠠ᠊ ᠰᠠᠶᠢᠨᠴᠤᠭᠲᠤ ᠭᠤᠸᠠᠢ ᠶᠢᠨ ︽ᠭᠡᠰᠡᠷ ᠤᠨ ᠲᠤᠭᠤᠵᠢ︾ | ᠶᠢᠨ ᠨᠢᠬᠡᠨ ᠪᠦᠯᠦᠭ ᠢ ᠠᠪᠴᠤ ᠤᠳᠤ ᠶᠢᠨ ᠮᠤᠩᠭᠤᠯ ᠬᠡᠯᠡᠨ ᠳᠡᠭᠡᠷᠡ ᠣᠷᠴᠢᠭᠤᠯᠤᠨ ᠵᠤᠬᠢᠶᠠᠭᠰᠠᠨ ︽ᠠᠷᠣᠯᠣᠭᠤᠸᠠ︾ | ᠶᠢ ᠰᠠᠨᠠᠵᠤ ᠪᠣᠯᠬᠤ ᠶᠤᠮ᠃ | |