ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ
ᠬᠤᠳᠠ ᠶᠢᠨ ᠰᠠᠯᠬᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/3/20
     ᠦᠯᠢᠭᠡᠷ ᠡᠬᠢᠯᠡᠬᠦ ᠡᠳᠦᠷ ᠰᠠᠷᠭᠠᠢ ᠨᠢᠭᠡᠨ ᠬᠦᠦ ᠬᠦᠩᠭᠡᠵᠢᠪᠡ᠃ ᠲᠡᠭᠦᠨ ᠳᠤ ᠳᠠᠭᠤᠷᠢᠶᠠᠯ ᠭᠡᠬᠦ ᠨᠡᠷ᠎ᠡ ᠦᠭᠬᠦ ᠪᠠᠷ ᠲᠦᠷᠦᠬᠦ ᠠᠴᠠ ᠨᠢ ᠡᠮᠦᠨ᠎ᠡ ᠲᠤᠭᠳᠠᠴᠢᠬᠠᠭᠰᠠᠨ ᠶᠤᠮ᠃ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠠᠴᠠ ᠭᠠᠷᠤᠭᠰᠠᠨ ᠤ ᠲᠠᠷᠠᠭ᠎ᠠ ᠡᠳᠦᠷ ᠨᠢ ᠡᠯᠡᠰᠦᠨ ᠰᠢᠭᠤᠷᠠᠭ᠎ᠠ ᠶᠡᠭᠡ ᠪᠠᠷ ᠲᠡᠭᠳᠡᠪᠡ᠃            ᠲᠡᠯᠡᠬᠡᠢ ᠬᠦᠷᠳᠦᠨ ᠲᠠᠰᠤᠷᠠᠯᠳᠠ ᠦᠭᠡᠢ ᠡᠷᠭᠢᠭᠰᠡᠭᠡᠷ ᠬᠤᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠤ ᠠᠩᠬᠠᠨ ᠤ ᠱᠠᠳᠤᠨ ᠳᠤ ᠬᠡᠯᠡ ᠪᠤᠰᠤᠭ᠎ᠠ ᠬᠦᠯ ᠬᠦᠩᠭᠡᠨ ᠠᠯᠬᠤᠨ ᠤᠷᠤᠭᠰᠠᠨ᠂ ᠬᠦᠪᠦᠩ ᠴᠠᠭᠠᠨ ᠡᠭᠦᠯᠡᠨ ᠨᠡᠭᠦᠬᠦ ᠮᠡᠳᠦ ᠬᠦᠮᠦᠨ ᠠᠷᠠᠳ ᠨᠢ ᠠᠷᠢᠭᠤᠨ ᠴᠠᠶᠢᠯᠭᠠᠨ ᠰᠡᠳᠭᠢᠯ ᠲᠠᠢ᠂ ᠬᠦᠬᠡ ᠮᠤᠩᠭᠤᠯ ᠤᠷᠤᠨ ᠤ ᠬᠦᠪᠡᠭᠡ ᠦᠭᠡᠢ ᠲᠡᠯᠭᠡᠷ ᠬᠠᠩᠭᠠᠢ ᠨᠤᠳᠤᠭ ᠢᠶᠠᠷ ᠤᠷᠢᠳ ᠡᠮᠦᠨ᠎ᠡ ᠦᠭᠡᠢ ᠴᠠᠭ ᠠᠭᠤᠷ ᠤᠨ ᠬᠤᠪᠢᠷᠠᠯᠳᠠ ᠦᠭᠡᠷᠡᠴᠢᠯᠡᠯᠳᠡ᠂ ᠰᠠᠯᠬᠢ ᠰᠢᠭᠤᠷᠭᠠᠨ ᠤ ᠭᠤᠶᠠᠳᠠᠯᠳᠠ ᠳᠠᠪᠳᠠᠯᠳᠠ ᠳᠤ ᠤᠴᠠᠷᠠᠨ ᠲᠤᠯᠭᠠᠷᠠᠵᠦ᠂ ᠲᠡᠷᠡ ᠲᠤᠮᠳᠠ ᠠᠴᠠ ᠦᠪᠡᠷ ᠤᠨ ᠤᠷᠤᠰᠢᠨ ᠲᠤᠭᠳᠠᠨᠢᠬᠤᠢ᠂ ᠦᠭᠰᠦᠨ ᠤᠷᠤᠭᠤᠳᠠᠨ  ᠲᠡᠯᠴᠢᠯᠡᠬᠦᠢ  ᠬᠦᠴᠢᠷ  ᠰᠢᠯᠭᠠᠯᠳᠠ  ᠪᠦᠬᠦᠨ  ᠢ  ᠬᠦᠯᠢᠶᠡᠨ  ᠬᠠᠷᠢᠭᠤᠯᠠᠬᠤ  ᠠᠴᠠ  ᠤᠨᠳᠤᠦ  ᠭᠠᠷᠤᠭ᠎ᠠ  ᠦᠭᠡᠢ   ᠨᠢ  ᠡᠷᠬᠡ  ᠦᠭᠡᠢ  ᠨᠦᠯᠦᠭᠡᠯᠡᠯ ᠬᠦᠷᠳᠡᠬᠦ  ᠰᠤᠩᠭᠤᠯᠳᠠ ᠠᠵᠠᠢ᠃            ᠰᠠᠷᠭᠠᠢ ᠶᠢᠨ ᠨᠢᠭᠡ ᠡᠬᠡ ᠦᠭᠡᠷ᠎ᠡ ᠡᠴᠢᠭᠡ ᠠᠴᠠ ᠲᠦᠷᠦᠭᠰᠡᠨ ᠡᠭᠡᠴᠢ ᠰᠦᠮᠡᠨ ᠨᠢ ᠡᠭᠦᠳᠡ ᠳᠦᠯᠬᠢᠵᠦ᠂ ᠨᠢᠭᠡᠨ ᠨᠢᠯᠬ᠎ᠠ ᠦᠬᠢᠨ ᠲᠡᠪᠡᠷᠢᠨ ᠤᠷᠤᠵᠦ ᠢᠷᠡᠪᠡ᠃ ᠰᠠᠷᠭᠠᠢ᠄          —ᠡᠨᠡ ᠦᠬᠢᠨ ᠤ ᠲᠦᠷᠦᠭᠰᠡᠨ ᠠᠪᠤ ᠡᠵᠢ ᠶᠢᠨ ᠬᠢᠨ ᠠᠮᠢᠳᠤᠷᠠᠯ ᠨᠢ ᠮᠠᠰᠢ ᠬᠦᠴᠢᠷᠳᠡᠯᠳᠠᠢ ᠪᠤᠯᠬᠤᠷ ᠪᠢ ᠬᠤᠶᠠᠷ ᠲᠦᠮᠡᠨ ᠲᠦᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠵᠦ ᠠᠪᠤᠭᠰᠠᠨ᠂ ᠤᠳᠦ ᠪᠢᠳᠡ ᠨᠢᠭᠡ ᠯᠡ ᠲᠡᠭᠡᠷ᠎ᠡ ᠬᠦᠦ ᠬᠡᠦᠬᠡᠨ ᠲᠠᠢ ᠪᠤᠯᠵᠦ᠂ ᠲᠡᠭᠰᠢ ᠪᠠᠷ ᠦᠰᠭᠡᠬᠦ ᠪᠤᠯᠤᠭᠰᠠᠨ ᠪᠢᠰᠢᠦ ᠭᠡᠵᠦ ᠨᠢᠭᠤᠷ ᠲᠦᠭᠦᠷᠡᠩ ᠢᠨᠢᠶᠡᠮᠰᠦᠭᠯᠡᠯ ᠲᠤᠳᠤᠷᠠᠨ᠎ᠠ᠃           ᠠᠰᠬᠠᠨ ᠪᠠᠭ᠋ᠠᠨ ᠲᠦᠳᠡᠭᠡᠯᠵᠡᠭᠰᠡᠨ ᠢᠶᠠᠨ ᠪᠦᠰᠡᠭᠦᠢ ᠶᠢᠨ ᠬᠢᠨ ᠬᠡᠯᠡᠭᠰᠡᠨ ᠦᠭᠡ ᠪᠠᠰᠠ ᠵᠦᠪᠳᠠᠢ ᠮᠡᠳᠡᠷᠡᠮᠵᠢ ᠬᠦᠷᠳᠡᠭᠡᠵᠦ᠂ᠲᠡᠭᠷᠢ ᠳᠡᠭᠡᠷ᠎ᠡ ᠠᠴᠠ ᠬᠤᠤᠱᠤᠤᠷ ᠤᠨᠠᠵᠦ ᠢᠷᠡᠭᠰᠡᠨ ᠰᠢᠭ ᠭᠠᠶᠢᠬᠠᠭᠰᠠᠨ ᠬᠤᠶᠢᠨ᠎ᠠ ᠪᠠᠨ ᠪᠠᠶᠠᠰᠴᠠᠢ᠂ᠡᠨᠡ ᠦᠬᠢᠨ ᠳᠤ ᠳᠠᠭᠤᠷᠢᠰᠬᠠᠯ ᠭᠡᠬᠦ ᠨᠡᠷ᠎ᠡ ᠦᠭᠪᠡ᠃ ᠲᠠᠨᠢᠯ ᠡᠮᠴᠢ ᠢᠷᠭᠤᠢ ᠶᠢ ᠡᠷᠢᠵᠦ᠂ ᠭᠤᠷᠪᠠᠨ ᠲᠦᠮᠡᠨ ᠲᠦᠭᠦᠷᠢᠭ ᠭᠠᠷᠳᠠᠭᠤᠯᠵᠦ᠂ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠠᠴᠠ ᠬᠦᠦ ᠬᠡᠦᠬᠡᠨ ᠵᠦᠢᠷᠡᠢ ᠬᠦᠩᠭᠡᠵᠢᠭᠰᠡᠨ ᠭᠡᠷᠡᠴᠢ ᠲᠡᠮᠳᠡᠭ ᠪᠢᠴᠢᠭᠦᠯᠵᠦ ᠠᠪᠤᠪᠠ᠃ ᠵᠠᠯᠭᠠᠭᠠᠳ᠂ ᠰᠠᠷᠭᠠᠢ ᠶᠢᠨ ᠲᠡᠭᠦᠦ ᠤᠮᠤᠭᠳᠤ ᠨᠢ ᠳᠤᠳᠤᠭᠠᠳᠦ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠳᠤ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠰᠠᠯᠠᠭᠠᠨ ᠳᠠᠷᠤᠭ᠎ᠠ ᠪᠠᠷ ᠠᠯᠪᠠᠯᠠᠵᠦ ᠪᠠᠶᠢᠬᠤ ᠪᠤᠯᠬᠤᠷ ᠲᠡᠭᠦᠨ ᠢᠶᠠᠷ ᠳᠠᠮᠵᠢᠨ ᠤᠯᠠᠭᠠᠨ ᠲᠤᠭᠤᠷᠢᠭ ᠤᠨ ᠲᠤᠮᠢᠯᠠᠭᠰᠠᠨ ᠰᠠᠯᠪᠤᠷᠢ ᠶᠢᠨ ᠴᠠᠭᠳᠠᠭᠴᠢ ᠵᠠᠪᠰᠢᠶᠠᠨ ᠳᠤ ᠲᠠᠪᠤᠨ ᠲᠦᠮᠡᠨ ᠲᠦᠭᠦᠷᠢᠭ ᠠᠳᠬᠤᠭᠤᠯᠵᠦ᠂ ᠰᠠᠷᠭᠠᠢ ᠶᠢᠨ ᠡᠷᠦᠬᠡ ᠠᠮᠠ ᠶᠢᠨ ᠳᠠᠩᠰᠠᠨ ᠳᠤ ᠬᠦᠦ᠂ ᠦᠬᠢᠨ ᠤ ᠨᠡᠷ᠎ᠡ ᠶᠢ ᠨᠡᠮᠡᠵᠦ ᠤᠷᠤᠭᠤᠯᠠᠪᠠ᠃ ᠰᠠᠷᠭᠠᠢ ᠪᠤᠯ ᠤᠳᠤ ᠳᠤ ᠲᠤᠯᠳᠠᠯ᠎ᠠ ᠭᠤᠷᠪᠠᠳᠠᠬᠢ ᠤᠳᠠᠭ᠎ᠠ ᠪᠠᠨ ᠬᠤᠷᠢᠮᠯᠠᠵᠦ᠂ ᠡᠷᠦᠬᠡ ᠠᠮᠠ ᠶᠢᠨ ᠳᠠᠩᠰᠠ ᠨᠢ ᠠᠰᠬᠠᠨ ᠲᠠᠢ ᠴᠤᠭ ᠪᠠᠶᠢᠭ᠎ᠠ ᠦᠭᠡᠢ᠃ ᠠᠰᠬᠠᠨ ᠴᠦ ᠬᠤᠶᠠᠳᠠᠬᠢ ᠤᠳᠠᠭ᠎ᠠ ᠪᠠᠨ ᠬᠤᠷᠢᠮᠯᠠᠵᠦ᠂ ᠤᠤᠯ ᠤᠨ ᠪᠦᠰᠡᠭᠦᠢ ᠠᠴᠠ ᠪᠠᠨ ᠪᠠᠰᠠ ᠨᠢᠭᠡ ᠬᠦᠦ ᠲᠠᠢ ᠶᠤᠮ᠂ ᠡᠨᠡ ᠬᠦᠦ ᠶᠢᠨ ᠨᠡᠷ᠎ᠡ ᠨᠢ ᠤᠨᠴᠠ ᠭᠡᠳᠡᠭ᠃          ᠬᠡᠳᠦᠨ ᠰᠠᠷ᠎ᠠ ᠶᠢᠨ ᠲᠠᠷᠠᠭ᠎ᠠ᠂ ᠳᠠᠭᠤᠷᠢᠰᠬᠠᠯ ᠭᠡᠨᠡᠳᠳᠡ ᠪᠠᠷ᠎ᠠ ᠰᠤᠷᠠᠭ ᠠᠯᠠᠭ᠎ᠠ ᠪᠤᠯᠪᠠ᠂ ᠠᠰᠬᠠᠨ ᠬᠡᠳᠦ ᠤᠳᠠᠭ᠎ᠠ ᠯᠠᠪᠯᠠᠨ ᠠᠰᠠᠭᠤᠭᠰᠠᠨ ᠴᠦ ᠰᠠᠷᠭᠠᠢ ᠡᠨᠡ ᠲᠤᠬᠠᠢ ᠰᠢᠳᠦᠨ ᠠᠴᠠ ᠪᠠᠨ ᠦᠭᠡ ᠴᠤᠬᠤᠶᠢᠯᠭᠠᠭᠰᠠᠨ ᠦᠭᠡᠢ ᠪᠠᠶᠢᠯ᠎ᠠ᠃          ᠳᠠᠭᠤᠷᠢᠶᠠᠯ ᠠᠷᠪᠠᠨ ᠲᠠᠪᠤᠨ ᠨᠠᠰᠤᠯᠠᠵᠦ᠂ ᠭᠠᠷᠠᠮᠠᠨ ᠬᠤᠳᠠ ᠶᠢᠨ ᠠᠩᠬ᠎ᠠ ᠳᠤᠮᠳᠠᠳᠤ ᠶᠢᠨ ᠭᠤᠷᠪᠠᠳᠤᠭᠠᠷ ᠤᠨ ᠳᠤ ᠪᠢᠴᠢᠭ ᠦᠵᠡᠵᠦ ᠪᠠᠶᠢᠪᠠ᠂ ᠲᠡᠭᠦᠨ ᠢ ᠭᠠᠷᠠᠮᠠᠨ ᠬᠤᠳᠠ ᠠᠴᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠠᠰᠬᠠᠨ᠂ ᠰᠠᠷᠭᠠᠢ ᠬᠤᠶᠠᠭᠤᠯᠠ ᠡᠷᠦᠬᠡ ᠠᠮᠠ ᠶᠢᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠭᠠᠵᠠᠷ ᠬᠦᠷᠴᠦ᠂ ᠡᠷᠦᠬᠡ ᠰᠢᠯᠵᠢᠭᠦᠯᠬᠦ ᠶᠢ ᠰᠤᠷᠠᠭᠯᠠᠬᠤ ᠳᠤ ᠬᠠᠮᠢᠶᠠᠷᠤᠭᠴᠢ ᠴᠠᠭᠳᠠᠭᠴᠢ ᠨᠠᠶᠢᠷᠰᠠᠭ᠂ ᠡᠷᠦᠬᠡ ᠶᠢᠨ ᠡᠵᠡᠨ ᠰᠠᠷᠭᠠᠢ ᠶᠢᠨ ᠬᠦᠮᠦᠨ ᠠᠮᠠᠨ ᠶᠢᠨ ᠲᠠᠩᠰᠠᠨ ᠳᠤ ᠰᠠᠷᠭᠠᠢ᠂ ᠢᠮᠢᠨ ︵ᠰᠠᠷᠭᠠᠢ ᠶᠢᠨ ᠬᠡᠦᠬᠡᠨ ᠲᠡᠭᠦᠦ︶᠂ ᠲᠠᠭᠤᠷᠢᠶᠠᠯ᠂ ᠲᠠᠭᠤᠷᠢᠰᠬᠠᠯ ᠨᠡᠶᠢᠳᠡ ᠳᠦᠷᠪᠡᠨ ᠬᠦᠮᠦᠨ ᠠᠮᠠ ᠪᠠᠶᠢᠬᠤ ᠶᠢ ᠡᠷᠢᠨ ᠪᠠᠶᠢᠴᠠᠭᠠᠵᠦ ᠭᠠᠷᠭᠠᠪᠠ᠃ ᠨᠠᠶᠢᠷᠰᠠᠭ ᠬᠡᠯᠡᠬᠦ ᠳᠡᠭᠡᠨ ᠵᠦᠢᠷᠠᠢ ᠬᠡᠦᠬᠡᠳ ᠢ ᠬᠤᠶᠠᠳᠤᠭᠠᠷ ᠬᠡᠦᠬᠡᠳ ᠢᠶᠠᠷ ᠲᠡᠮᠳᠡᠭᠯᠡᠬᠦ ᠮᠦᠷᠳᠡᠭᠡᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠴᠢᠰᠤᠨ ᠲᠦᠷᠦᠯ ᠤᠨ ᠪᠠᠶᠢᠴᠠᠭᠠᠯᠳᠠ ᠬᠢᠬᠦ ᠬᠡᠷᠡᠭᠳᠠᠢ᠂ ᠡᠰᠡᠬᠦᠯ᠎ᠡ ᠠᠰᠠᠷᠠᠨ ᠲᠡᠵᠢᠭᠡᠬᠦ ᠭᠡᠷᠡᠴᠢ ᠪᠠᠶᠢᠬᠤ ᠬᠡᠷᠡᠭᠳᠠᠢ ᠭᠡᠵᠠᠢ᠃ ᠤᠯᠠᠨ ᠨᠠᠷᠢᠨ ᠲᠦᠪᠡᠭ ᠶᠠᠷᠰᠢᠭ ᠠᠴᠠ ᠵᠠᠶᠢᠯᠠᠰᠭᠢᠬᠤ ᠶᠢᠨ ᠲᠦᠯᠦᠭᠡ ᠠᠰᠬᠠᠨ᠂ ᠰᠠᠷᠭᠠᠢ ᠬᠤᠶᠠᠭᠤᠯᠠ ᠨᠠᠶᠢᠷᠰᠠᠭ ᠲᠤ ᠬᠤᠶᠠᠷ ᠲᠦᠮᠡᠨ ᠲᠦᠭᠦᠷᠢᠭ ᠬᠦᠷᠭᠡᠪᠡ᠃ ᠨᠠᠶᠢᠷᠰᠠᠭ ᠪᠠᠰᠠ ᠬᠡᠯᠡᠬᠦ ᠳᠡᠭᠡᠨ᠄          —ᠬᠠᠭᠤᠷᠮᠠᠭ ᠤᠷᠤᠭ ᠰᠠᠯᠤᠯᠳᠠ ᠶᠢᠨ ᠬᠡᠯᠪᠡᠷᠢ ᠪᠠᠷ ᠤᠷᠤᠭ ᠰᠠᠯᠬᠤ ᠬᠡᠯᠡᠯᠴᠡᠭᠡᠷ ᠳᠡᠭᠡᠷ᠎ᠡ ᠠᠰᠬᠠᠨ᠂ ᠰᠠᠷᠭᠠᠢ ᠬᠤᠶᠠᠭᠤᠯᠠ ᠲᠤᠰᠪᠦᠷᠢ ᠨᠢᠭᠡ ᠬᠡᠦᠬᠡᠳ ︵ᠤᠨᠴᠠ ᠪᠤᠯᠤᠨ ᠲᠠᠭᠤᠷᠢᠶᠠᠯ︶ ᠲᠠᠭᠠᠭᠤᠯᠠᠪᠠᠯ ᠴᠢᠰᠤᠨ ᠲᠤᠷᠦᠯ ᠤᠨ ᠪᠠᠶᠢᠴᠠᠭᠠᠯᠳᠠ ᠬᠢᠬᠦ ᠦᠭᠡᠢ᠂ ᠳᠠᠷᠤᠢ ᠬᠦᠦ ᠤᠨᠴᠠ ᠶᠢ ᠠᠪᠤ ᠠᠰᠬᠠᠨ ᠤ ᠬᠢᠨ ᠨᠡᠷ᠎ᠡ ᠳᠡᠭᠡᠷ᠎ᠡ ᠳᠠᠭᠠᠭᠤᠯᠠᠵᠦ᠂ ᠬᠡᠦᠬᠡᠨ ᠲᠠᠭᠤᠷᠢᠶᠠᠯ ᠢ ᠡᠵᠢ ᠰᠠᠷᠭᠠᠢ ᠶᠢᠨ ᠬᠢᠨ ᠨᠡᠷ᠎ᠡ ᠲᠡᠭᠡᠷ᠎ᠡ ᠳᠠᠭᠠᠭᠤᠯᠠᠪᠠᠯ᠂ ᠲᠠᠭᠤᠷᠢᠶᠠᠯ ᠤᠨ ᠡᠷᠦᠬᠡ ᠠᠮᠠ ᠶᠢ ᠨᠢ ᠭᠠᠷᠠᠮᠠᠨ ᠬᠤᠳᠠ ᠳᠤ ᠰᠢᠯᠵᠢᠭᠦᠯᠵᠦ ᠪᠤᠯᠤᠨ᠎ᠠ ᠭᠡᠪᠡ᠃          ᠰᠠᠷᠭᠠᠢ᠂ ᠠᠰᠬᠠᠨ ᠲᠠᠢ ᠵᠦᠪᠳᠡᠯᠴᠡᠵᠦ᠄          —ᠪᠢᠳᠡ ᠬᠤᠶᠠᠭᠤᠯᠠ ᠬᠠᠭᠤᠷᠮᠠᠭ ᠤᠷᠤᠭ ᠰᠠᠯᠤᠭᠰᠠᠨ ᠴᠦ ᠤᠤᠯ ᠶᠠᠩᠵᠦ ᠪᠠᠷ ᠢᠶᠠᠨ ᠬᠠᠮᠳᠤ ᠠᠮᠢᠳᠤᠷᠠᠨ᠎ᠠ᠂ᠬᠡᠦᠬᠡᠳ  ᠶᠡᠭᠡ  ᠰᠤᠷᠭᠠᠭᠤᠯᠢ  ᠳᠤ  ᠰᠢᠯᠭᠠᠵᠦ  ᠤᠷᠤᠭᠰᠠᠨ  ᠤ  ᠳᠠᠷᠠᠭ᠎ᠠ  ᠳᠠᠬᠢᠵᠦ  ᠴᠤᠭ  ᠬᠤᠷᠢᠮᠯᠠᠵᠦ  ᠪᠤᠯᠤᠨ᠎ᠠ  ᠭᠡᠪᠡ᠃          ᠠᠰᠬᠠᠨ ᠶᠡᠬᠡᠪᠡᠷ ᠡᠷᠡᠭᠡᠯᠵᠡᠨ ᠡᠰᠡ ᠵᠦᠪᠰᠢᠶᠡᠷᠡᠪᠡ᠂ ᠠᠰᠬᠠᠨ ᠤ ᠠᠮᠢ ᠲᠡᠮᠡᠴᠡᠨ ᠤᠯᠤᠭᠰᠠᠨ ᠬᠡᠳᠦᠨ ᠮᠢᠩᠭᠠᠨ ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠭᠡᠷ ᠬᠦᠷᠦᠩᠭᠡ ᠶᠢᠨ ᠤᠯᠠᠩᠬᠢ ᠨᠢ ᠰᠠᠷᠭᠠᠢ ᠶᠢᠨ ᠨᠡᠷ᠎ᠡ ᠳᠡᠭᠡᠷ᠎ᠡ ᠪᠠᠶᠢᠵᠦ᠂ ᠠᠰᠬᠠᠨ ᠤ ᠨᠡᠷ᠎ᠡ ᠳᠡᠭᠡᠷ᠎ᠡ ᠵᠦᠪᠬᠡᠨ ᠭᠠᠭᠴᠠ ᠭᠡᠷ ᠪᠠᠶᠢᠳᠠᠭ᠃ ᠰᠠᠷᠭᠠᠢ ᠬᠡᠯᠡᠬᠦ ᠳᠡᠭᠡᠨ᠄          —ᠪᠢᠳᠡ ᠵᠢᠩᠬᠢᠨᠢ ᠤᠷᠤᠭ ᠰᠠᠯᠤᠭᠰᠠᠨ ᠪᠢᠰᠢ᠂ ᠬᠠᠷᠢᠯᠴᠠᠨ ᠢᠳᠡᠭᠡᠯ ᠢᠶᠠᠨ ᠪᠠᠲᠤᠯᠠᠬᠤ ᠶᠢᠨ ᠲᠦᠯᠦᠭᠡ ᠬᠠᠭᠤᠷᠮᠠᠭ ᠤᠷᠤᠭ ᠰᠠᠯᠬᠤ ᠬᠡᠯᠡᠯᠴᠡᠭᠡᠷ ᠲᠡᠭᠡᠷ᠎ᠡ ᠬᠤᠶᠠᠭᠤᠯᠠ ᠪᠠᠨ ᠬᠡᠨ ᠠᠯᠢᠨ ᠴᠦ ᠭᠡᠷ ᠬᠦᠷᠦᠩᠭᠡ ᠪᠠ ᠬᠠᠳᠠᠭᠠᠯᠠᠮᠵᠢ ᠮᠦᠩᠭᠦ ᠦᠭᠡᠢ ᠭᠡᠰᠡᠨ ᠦᠰᠦᠭ ᠪᠢᠴᠢᠪᠡᠯ ᠬᠠᠮᠢᠶ᠎ᠠ ᠦᠭᠡᠢ ᠪᠢᠰᠢᠦ᠂ ᠤᠳᠤ ᠰᠠᠨᠠᠭ᠎ᠠ ᠴᠢᠨᠢ ᠠᠮᠠᠷᠠᠯ᠎ᠠ ᠪᠢᠵᠠ ᠭᠡᠵᠠᠢ᠃          ᠲᠡᠭᠡᠭᠡᠳ᠂ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠠᠷᠠᠳ ᠵᠠᠰᠠᠭ ᠤᠨ ᠲᠤᠪᠴᠢᠶᠠᠨ ᠳᠤ ᠬᠦᠷᠴᠦ᠂ ᠬᠤᠶᠠᠭᠤᠯᠠ ᠬᠠᠭᠤᠷᠮᠠᠭ ᠤᠷᠤᠭ ᠰᠠᠯᠵᠠᠢ᠃ ᠠᠮᠢᠳᠤᠷᠠᠯ ᠨᠢ ᠤᠤᠯ ᠶᠠᠩᠵᠦ ᠪᠠᠷ ᠦᠷᠭᠦᠯᠵᠢᠯᠡᠨ᠎ᠡ᠂ ᠬᠤᠶᠠᠷ ᠵᠢᠯ ᠤᠨ ᠬᠤᠶᠢᠨ᠎ᠠ  ᠨᠢ ᠰᠠᠷᠭᠠᠢ ᠮᠡᠰᠡ ᠵᠠᠰᠠᠯ ᠬᠢᠯᠭᠡᠬᠦ ᠳᠤ ᠡᠨᠡ ᠬᠤᠶᠠᠭᠤᠯᠠ ᠡᠷ᠎ᠡ ᠡᠮ᠎ᠡ ᠶᠢᠨ ᠬᠠᠷᠢᠴᠠᠭ᠎ᠠ ᠶᠢᠨ ᠨᠠᠶᠢᠳᠠᠯᠭ᠎ᠠ ᠶᠢᠨ ᠪᠢᠴᠢᠭ ᠪᠢᠴᠢᠵᠦ᠂ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠭᠠᠷ ᠭᠦᠢᠴᠡᠳᠭᠡᠯ  ᠲᠡᠭᠡᠷ᠎ᠡ ᠠᠰᠬᠠᠨ ᠨᠡᠷ᠎ᠡ ᠪᠠᠨ ᠲᠡᠮᠳᠡᠭᠯᠡᠵᠦ ᠪᠠᠶᠢᠯ᠎ᠠ᠃          ᠠᠰᠬᠠᠨ᠂ ᠠᠷᠪᠠᠭᠠᠳ ᠵᠢᠯ ᠤᠨ ᠡᠮᠦᠨ᠎ᠡ ᠤᠯᠤᠰ ᠤᠨ ᠦᠮᠴᠢᠯᠡᠯᠳᠦ ᠺᠤᠮᠫᠠᠨᠢ ᠠᠴᠠ ᠴᠠᠯᠢᠩ ᠢᠶᠠᠨ ᠵᠤᠭᠰᠤᠵᠤ᠂ ᠨᠡᠷ᠎ᠡ ᠪᠠᠨ ᠦᠯᠡᠳᠡᠭᠡᠳ᠂ ᠬᠤᠪᠢ ᠪᠠᠷ ᠢᠶᠠᠨ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠪᠦᠬᠡᠯᠢᠭ ᠨᠡᠷᠡᠮᠵᠢᠳᠦ ᠲᠡᠮᠦᠷᠯᠢᠭ ᠪᠠᠷᠢᠯᠭ᠎ᠠ ᠶᠢᠨ ᠮᠠᠲ᠋ᠧᠷᠢᠶᠠᠯ ᠡᠵᠡᠩᠨᠡᠬᠦ ᠭᠠᠵᠠᠷ ᠵᠢᠴᠢ ᠬᠤᠶᠠᠳᠠᠬᠢ ᠲᠡᠯᠭᠡᠭᠦᠷ ᠢ ᠪᠠᠶᠢᠭᠤᠯᠠᠪᠠ᠃ ᠤᠶᠢᠷ᠎ᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠲᠤᠰ ᠬᠤᠶᠠᠷ ᠬᠤᠪᠢ ᠶᠢᠨ ᠺᠤᠮᠫᠠᠨᠢ ᠶᠢᠨ ᠬᠠᠳᠠᠭᠠᠯᠠᠮᠵᠢ ᠶᠢᠨ ᠮᠦᠩᠭᠦ ᠪᠠ ᠦᠰᠢ ᠬᠤᠳᠠ ᠶᠢᠨ ᠴᠠᠬᠢᠯᠭᠠᠨ ᠤᠳᠠᠰᠤᠨ ᠦᠢᠯᠡᠳᠪᠦᠷᠢ ᠠᠴᠠ ᠢᠷᠡᠭᠦᠯᠦᠭᠰᠡᠨ ᠪᠠᠷᠠᠭᠠᠨ ᠤ ᠠᠪᠴᠠᠭᠠᠨ ᠮᠦᠩᠭᠦ ᠪᠠᠨ ᠨᠡᠶᠢᠯᠡᠭᠦᠯᠵᠦ ᠪᠠᠶᠢᠭᠠᠳ ᠰᠠᠷᠭᠠᠢ ᠳᠤ ᠭᠤᠷᠪᠠᠨ ᠵᠠᠭᠤᠨ ᠲᠦᠮᠡ ᠢᠯᠡᠭᠦᠦ ᠲᠦᠭᠦᠷᠢᠭ ᠭᠤᠪᠢᠭᠤᠯᠵᠦ᠂ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠬᠦᠬᠡ ᠲᠤᠭᠤᠷᠢᠭ ᠲᠤ ᠪᠠᠶᠢᠭ᠎ᠠ ᠰᠠᠭᠤᠭᠠᠯᠢ ᠠᠰᠠᠷ᠂ ᠪᠡᠭᠡᠵᠢᠩ ᠬᠤᠳᠠ ᠶᠢᠨ ᠬᠠᠢ ᠳ᠋ᠢᠶᠠᠨ ‍ᠤᠤᠢ ᠳᠤ ᠪᠠᠶᠢᠭ᠎ᠠ ᠰᠠᠭᠤᠭᠠᠯᠢ ᠠᠰᠠᠷ ᠤᠨ ᠲᠤᠳᠠᠭᠤ ᠵᠤᠭᠤᠰ ᠢ ᠲᠦᠯᠦᠪᠡ᠃          ᠭᠡᠳᠡᠯ᠎ᠡ᠂ ᠰᠠᠷᠭᠠᠢ ᠬᠠᠷᠢᠨ ᠭᠠᠷᠠᠮᠠᠨ ᠬᠤᠳᠠ ᠶᠢᠨ ᠨᠢᠭᠡ ᠭᠤᠶᠤ ᠵᠠᠯᠠᠭᠤ ᠵᠢᠪᠬᠤᠭ᠎ᠠ ᠲᠠᠢ ᠭᠠᠳᠠᠭᠤᠷ ᠭᠠᠷ ᠬᠤᠯᠪᠤᠵᠤ᠂ ᠬᠦᠳᠡᠭᠦᠷ ᠬᠦᠯ ᠨᠡᠶᠢᠯᠡᠵᠦ ᠪᠠᠶᠢᠭᠰᠠᠨ ᠢ ᠠᠰᠬᠠᠨ ᠬᠠᠷᠢᠨ ᠰᠠᠨᠠᠵᠤ ᠤᠯᠤᠭᠰᠠᠨ ᠦᠭᠡᠢ᠃ ᠳᠠᠭᠤᠷᠢᠶᠠᠯ ᠭᠠᠷᠠᠮᠠᠨ ᠬᠤᠳᠠ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠵᠤ ᠤᠷᠤᠭᠰᠠᠨ ᠤ ᠳᠠᠷᠠᠭ᠎ᠠ ᠵᠢᠯ ᠤᠨ ᠬᠠᠪᠤᠷ ᠠᠰᠬᠠᠨ᠂ ᠰᠠᠷᠭᠠᠢ ᠭᠡᠷ ᠤᠨ ᠬᠦᠮᠦᠰ ᠢᠶᠠᠨ ᠳᠠᠭᠠᠭᠤᠯᠵᠤ᠂ ᠬᠠᠶᠢᠨᠠᠨ ᠳᠤ ᠬᠤᠷᠢᠮᠯᠠᠬᠤ ᠰᠡᠭᠦᠳᠡᠷ ᠳᠠᠳᠠᠬᠤ ᠪᠠᠷ ᠶᠠᠪᠤᠭᠰᠠᠨ ᠶᠤᠮ᠃ ᠬᠡᠳᠦᠨ ᠡᠳᠦᠷ ᠤᠨ ᠳᠠᠷᠠᠭ᠎ᠠ ᠨᠢ ᠠᠰᠬᠠᠨ ᠬᠦᠦ ᠪᠠᠨ ᠭᠠᠷᠠᠮᠠᠨ ᠬᠤᠳᠠ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠬᠦᠷᠭᠡᠵᠤ ᠦᠭᠬᠦ  ᠪᠠᠷ ᠤᠷᠢᠳᠠᠪᠡᠷ ᠪᠤᠴᠠᠵᠤ ᠢᠷᠡᠭᠰᠡᠨ ᠤ ᠬᠤᠶᠢᠨ᠎ᠠ ᠨᠢ ᠵᠢᠪᠬᠤᠭ᠎ᠠ ᠬᠠᠶᠢᠨᠠᠨ ᠳᠤ ᠬᠦᠷᠴᠦ ᠰᠠᠷᠭᠠᠢ  ᠲᠠᠢ ᠴᠡᠩᠬᠡᠨ ᠵᠢᠷᠭᠠᠭᠰᠠᠨ ᠤᠴᠢᠷ ᠢ ᠢᠮᠢᠨ ᠮᠡᠳᠡᠭᠡᠳ᠂ ᠠᠰᠬᠠᠨ ᠳᠤ ᠰᠡᠮᠡᠭᠡᠷ ᠴᠢᠮᠡᠭᠡ ᠬᠡᠯᠡᠵᠦ ᠦᠭᠴᠡᠢ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠠᠰᠬᠠᠨ᠂ ᠰᠠᠷᠭᠠᠢ ᠬᠤᠶᠠᠷ ᠭᠠᠯ ᠤᠰᠤ ᠪᠤᠯᠵᠤ᠂ ᠮᠠᠨ ᠤ ᠲᠠᠯ᠎ᠠ ᠶᠢᠨ ᠬᠢᠨ ᠲᠠᠨ ᠤ ᠲᠠᠯ᠎ᠠ ᠶᠢᠨ ᠬᠢᠨ ᠪᠤᠯᠵᠤ᠂ ᠮᠤᠤᠷ ᠬᠤᠯᠤᠭᠠᠨ᠎ᠠ ᠮᠡᠳᠦ ᠪᠤᠯᠪᠠ᠃ ᠰᠠᠷᠭᠠᠢ ᠬᠡᠯᠡᠬᠦ ᠳᠡᠭᠡᠨ ᠠᠰᠬᠠᠨ ᠤᠷᠢᠳᠠᠪᠡᠷ ᠭᠡᠷ ᠤᠨ ᠠᠰᠠᠷᠠᠭᠴᠢ ᠡᠮᠡᠭᠳᠡᠢ ᠲᠠᠢ  ᠪᠠᠨ ᠰᠠᠶᠢᠨ ᠪᠤᠯᠤᠯᠴᠠᠪᠠ ᠭᠡᠨ᠎ᠡ᠂ ᠪᠠᠰᠠ ᠠᠰᠬᠠᠨ ᠤ ᠰᠠᠷᠭᠠᠢ ᠲᠠᠢ ᠬᠤᠷᠢᠮᠯᠠᠭᠰᠠᠨ ᠨᠢ ᠰᠠᠷᠭᠠᠢ ᠶᠢᠨ ᠲᠥᠷᠬᠦᠮ ᠤᠨ ᠭᠡᠷ ᠤᠨ ᠡᠳ᠋ ᠬᠦᠷᠦᠩᠭᠡ ᠳᠤ ᠭᠤᠷᠢᠯᠠᠨ ᠤᠯᠵᠠᠯᠠᠬᠤ ᠵᠤᠷᠢᠯᠭ᠎ᠠ ᠲᠠᠢ ᠭᠡᠬᠦ ᠶᠤᠮ᠃ ᠶᠠᠭᠤ ᠪᠤᠯᠤᠭᠰᠠᠨ ᠴᠦ ᠡᠨᠡ ᠬᠤᠶᠠᠷ ᠨᠡᠶᠢᠯᠡᠭᠦᠯᠵᠦ ᠳᠡᠶᠢᠯᠦᠰᠢ ᠦᠭᠡᠢ ᠬᠠᠭᠠᠷᠠᠬᠠᠢ ᠰᠢᠯ ᠯᠤᠩᠬᠤ᠂ ᠬᠤᠭᠤᠷᠬᠠᠢ ᠮᠤᠳᠤᠨ ᠲᠠᠶ᠋ᠢᠭ᠂ ᠡᠮᠳᠡᠷᠬᠡᠢ ᠱᠠᠵᠠᠩ ᠰᠠᠪᠠ᠂ ᠡᠪᠳᠡᠷᠡᠬᠡᠢ ᠰᠢᠪᠠᠷ ᠪᠠᠶᠢᠰᠢᠩ ᠬᠤᠪᠢᠯᠠᠪᠠ᠃ ᠰᠠᠷᠭᠠᠢ ᠭᠠᠯᠵᠠᠭᠤᠷᠠᠭᠰᠠᠨ ᠮᠡᠳᠦ ᠭᠤᠷᠪᠠᠨ ᠭᠡᠷ ᠬᠦᠷᠦᠩᠭᠡ ᠪᠠᠨ ᠨᠢᠭᠤᠴᠠ ᠪᠠᠷ ᠱᠠᠯᠠᠪᠳᠠᠨ ᠬᠤᠳᠠᠯᠳᠤᠵᠤ᠂ ᠵᠢᠷᠭᠤᠭᠠᠨ ᠵᠠᠭᠤ ᠳᠠᠯᠠᠨ ᠳᠦᠷᠪᠡᠨ ᠲᠦᠭᠦᠷᠢᠭ ᠢ ᠤᠷᠢᠳᠠᠪᠡᠷ ᠭᠠᠷ ᠲᠠᠭᠠᠨ ᠤᠷᠥᠭᠤᠯᠠᠪᠠ᠃            ᠡᠷᠳᠡᠨᠢᠱᠢᠷᠦ ᠪᠤᠯ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ︿︿ᠦᠢᠯᠡᠰ﹀﹀ ᠨᠡᠷᠡᠮᠵᠢᠳᠦ ᠭᠡᠷ ᠪᠠᠷᠢᠯᠭ᠎ᠠ ᠶᠢᠨ ᠺᠤᠮᠫᠠᠨᠢ ᠶᠢᠨ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ  ᠶᠤᠮ᠃ ᠲᠡᠭᠦᠨ ᠤ ᠨᠡᠷ᠎ᠡ ᠳᠡᠭᠡᠷ᠎ᠡ ᠲᠠᠪᠤᠨ ᠬᠡᠦᠬᠡᠳ ᠲᠠᠢ᠂ ᠶᠡᠭᠡ ᠦᠬᠢᠨ ᠰᠦᠮᠡᠨ ᠨᠢ ᠠᠩᠬᠠᠨ ᠤ ᠡᠷ᠎ᠡ ᠨᠦᠬᠦᠷ ᠲᠠᠢ ᠪᠠᠨ ᠭᠠᠷᠤᠭᠠᠰᠠᠨ ᠬᠡᠦᠬᠡᠳ᠂ ᠰᠠᠷᠭᠠᠢ ᠪᠤᠯᠤᠨ ᠤᠮᠤᠭᠳᠤ ᠨᠢ ᠰᠡᠭᠦᠯ ᠤᠨ ᠡᠷ᠎ᠡ ᠨᠦᠬᠦᠷ ᠲᠠᠢ ᠪᠠᠨ ᠭᠠᠷᠤᠭᠰᠠᠨ ᠬᠡᠦᠬᠡᠳ ᠶᠤᠮ᠂ ᠢᠮᠢᠨ ᠪᠤᠯ ᠲᠡᠵᠢᠭᠡᠭᠰᠡᠨ ᠦᠬᠢᠨ ᠨᠢ ᠭᠡᠳᠡᠭ᠂ ᠪᠠᠭ᠎ᠠ ᠬᠦᠦ ᠪᠤᠯᠬᠤ ᠪᠠᠭ᠎ᠠ ᠠᠰᠢᠳᠠ ᠨᠢ ᠲᠡᠭᠦᠨ ᠤ ᠲᠦᠷᠦᠭᠰᠡᠨ ᠬᠦᠦ ᠴᠦ ᠡᠴᠢᠭᠡ ᠨᠢ ᠬᠡᠨ ᠭᠡᠳᠡᠭ ᠢ ᠲᠡᠷᠡ ᠯᠡ ᠲᠠᠶᠢᠯᠪᠤᠷᠢᠯᠠᠬᠤ ᠤᠨᠢᠰᠤᠭ᠎ᠠ᠃ ᠡᠷᠳᠡᠨᠢᠱᠢᠷᠦ ᠵᠠᠯᠠᠭᠤ ᠲᠠᠩᠬᠢᠯ ᠨᠠᠰᠤᠨ ᠳᠠᠭᠠᠨ ᠦᠩᠭᠡ ᠵᠢᠰᠦ ᠪᠡᠶ᠎ᠡ ᠴᠤᠭᠴᠠ ᠭᠤᠸ᠎ᠠ ᠬᠡᠭᠡᠨᠴᠢᠷ ᠲᠦᠷᠦᠭᠰᠡᠨ ᠨᠦᠬᠦᠴᠡᠯ ᠢᠶᠠᠨ ᠠᠰᠢᠭᠯᠠᠨ᠂ ᠡᠳ᠋ ᠬᠦᠷᠦᠩᠭᠡ ᠡᠷᠬᠡ ᠵᠡᠷᠭᠡ ᠶᠢ ᠬᠦᠭᠡᠭᠡᠴᠡᠯᠳᠦᠬᠦ ᠵᠠᠮ ᠢᠶᠠᠷ ᠨᠢᠳᠦ ᠬᠠᠮᠬᠢᠯ ᠦᠭᠡᠢ ᠰᠢᠢᠳᠦᠨ ᠰᠢᠷᠭᠤᠯᠠᠭᠰᠠᠨ ᠪᠢᠯᠡ᠃          ᠠᠰᠬᠠᠨ᠂ ᠦᠪᠡᠷ ᠤᠨ ᠡᠷᠬᠡ ᠠᠰᠢᠭ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠭᠡ ᠬᠠᠥᠯᠢᠴᠢ ᠡᠷᠢᠪᠡ᠃ ᠠᠩᠬᠠᠨ ᠤ ᠵᠠᠭᠠᠯᠳᠥᠯᠭ᠎ᠠ ᠶᠢᠨ ᠪᠢᠴᠢᠭ ᠢᠶᠠᠨ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠬᠦᠬᠡ ᠲᠤᠭᠤᠷᠢᠭ ᠤᠨ ᠠᠷᠠᠳ ᠤᠨ ᠰᠢᠭᠦᠬᠦ ᠬᠤᠷᠢᠶᠠᠨ ᠳᠤ ᠡᠷᠭᠦᠪᠡ᠃          ᠬᠠᠤᠯᠢ ᠶᠢᠨ ᠲᠠᠰᠥᠯᠠᠭᠴᠢ ᠰᠦᠷᠯᠢᠭ ᠤᠨ ᠪᠠᠭᠤᠯᠭᠠᠭᠰᠠᠨ ᠲᠠᠰᠥᠯᠠᠯᠳᠠ ᠶᠢᠨ ᠪᠢᠴᠢᠭ ᠲᠤ᠄ ᠲᠤᠰ ᠰᠢᠭᠦᠬᠦ ᠬᠤᠷᠢᠶᠠᠨ ᠤ ᠦᠵᠡᠬᠦ ᠪᠠᠷ᠂ ᠠᠷᠠᠳ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠭᠡᠷᠡᠴᠢᠯᠡᠭᠰᠡᠨ ᠵᠠᠭᠠᠯᠳᠤᠭᠴᠢ ᠶᠢᠨ ᠤᠷᠤᠭ ᠰᠠᠯᠬᠤ ᠬᠡᠯᠡᠯᠴᠡᠭᠡᠷ ᠤᠨ ᠪᠢᠴᠢᠭ ᠤᠨ ᠲᠦᠷᠪᠡᠳᠦᠭᠡᠷ ᠵᠤᠷᠪᠤᠰ ᠤᠨ ᠡᠳ᠋ ᠬᠦᠷᠦᠩᠭᠡ ᠶᠢᠨ ᠬᠤᠪᠢᠶᠠᠷᠢᠯᠠᠯ ᠤᠨ ᠠᠭᠤᠯᠭ᠎ᠠ ᠳᠤ ︿︿ᠭᠡᠷ ᠬᠦᠷᠦᠩᠭᠡ ᠦᠭᠡᠢ﹀﹀ ᠭᠡᠰᠡᠨ ᠲᠤᠳᠤᠷᠠᠬᠠᠢ ᠦᠰᠦᠭ ᠪᠢᠴᠢᠵᠦ ᠪᠤᠢ᠃ ︿︿ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠲᠤᠮᠳᠠᠳᠦ ᠠᠷᠠᠳ ᠤᠯᠤᠰ ᠤᠨ ᠤᠷᠤᠭ ᠤᠨ ᠬᠠᠤᠯᠢ﹀﹀ ᠶᠢᠨ ᠵᠠᠷᠢᠮ ᠠᠰᠠᠭᠤᠳᠠᠯ ᠤᠨ ᠲᠠᠶᠢᠯᠠᠪᠤᠷᠢ ︵ᠬᠤᠶᠠᠷ︶  ᠤᠨ ᠶᠢᠰᠦᠳᠦᠭᠡᠷ ᠵᠤᠷᠪᠤᠰ ᠲᠤ ︿︿ᠡᠷᠡᠭᠳᠠᠢ ᠡᠮᠡᠭᠲᠡᠢ ᠬᠤᠶᠠᠷ ᠲᠠᠯ᠎ᠠ ᠪᠠᠷ ᠢᠶᠠᠨ ᠰᠠᠶᠢᠨ ᠳᠤᠷ᠎ᠠ ᠠᠴᠠ ᠪᠠᠨ ᠤᠷᠤᠭ ᠰᠠᠯᠤᠭᠰᠠᠨ ᠤ ᠰᠡᠭᠦᠯᠡᠷ ᠨᠢᠭᠡ ᠵᠢᠯ ᠤᠨ ᠳᠤᠲᠤᠷ᠎ᠠ ᠡᠳ᠋ ᠬᠦᠷᠦᠩᠭᠡ ᠶᠢᠨ ᠬᠤᠪᠢᠶᠠᠷᠢᠯᠠᠯ ᠤᠨ ᠠᠰᠠᠭᠤᠳᠠᠯ ᠳᠤ ᠪᠤᠴᠠᠨ ᠬᠠᠷᠠᠮᠰᠠᠵᠦ᠂ ᠤᠤᠯ ᠤᠨ ᠡᠳ᠋ ᠬᠦᠷᠦᠩᠭᠡ ᠶᠢᠨ ᠬᠤᠪᠢᠶᠠᠷᠢᠯᠠᠯ ᠤᠨ ᠬᠡᠯᠡᠯᠴᠡᠭᠡᠷ ᠢᠶᠠᠨ ᠦᠭᠡᠷᠡᠴᠢᠯᠡᠬᠦ ᠪᠤᠶᠤ ᠬᠦᠴᠦᠨ ᠦᠭᠡᠢ ᠪᠤᠯᠭᠠᠬᠤ ᠪᠠᠷ ᠭᠤᠶᠤᠴᠢᠯᠠᠪᠠᠯ ᠠᠷᠠᠳ ᠤᠨ ᠰᠢᠭᠦᠬᠦ ᠬᠤᠷᠢᠶ᠎ᠠ ᠲᠤᠰ ᠭᠤᠶᠤᠴᠢᠯᠠᠯᠳᠠ ᠶᠢ ᠬᠦᠯᠢᠶᠡᠨ ᠠᠪᠤᠨ᠎ᠠ᠃ ᠭᠡᠪᠡᠴᠦ᠂ ᠵᠠᠭᠠᠯᠳᠤᠭᠴᠢ ᠲᠦᠷᠪᠡᠨ ᠵᠢᠯ ᠤᠨ ᠬᠤᠶᠢᠨ᠎ᠠ ᠡᠳ᠋ ᠬᠦᠷᠦᠩᠭᠡ ᠬᠤᠪᠢᠶᠠᠷᠢᠯᠠᠬᠤ ᠶᠢ ᠳᠤᠷᠠᠳᠤᠭᠰᠠᠨ ᠪᠤᠯᠬᠤᠷ ᠠᠷᠠᠳ ᠤᠨ ᠰᠢᠭᠦᠬᠦ ᠬᠤᠷᠢᠶ᠎ᠠ ᠠᠴᠠ ᠲᠤᠰ ᠭᠤᠶᠤᠴᠢᠯᠠᠯᠳᠠ ᠶᠢ ᠬᠦᠯᠢᠶᠡᠨ ᠠᠪᠬᠤ ᠦᠭᠡᠢ᠃ ᠲᠡᠭᠡᠭᠡᠳ᠂ ᠵᠠᠭᠠᠯᠳᠤᠭᠴᠢ ᠠᠰᠬᠠᠨ ᠤ ᠵᠠᠭᠠᠯᠳᠤᠯᠭ᠎ᠠ ᠶᠢᠨ ᠭᠤᠶᠥᠴᠢᠯᠠᠯᠭ᠎ᠠ ᠶᠢᠨ ᠪᠢᠴᠢᠭ ᠢ ᠨᠢ ᠡᠷᠭᠢᠭᠦᠯᠦᠨ ᠪᠤᠴᠠᠭᠠᠪᠠ᠃          ᠠᠰᠬᠠᠨ ᠤ ᠬᠠᠤᠯᠢᠴᠢ ᠶᠢᠨ ᠬᠡᠯᠡᠭᠰᠡᠨ ᠨᠢ ᠰᠢᠭᠦᠨ ᠲᠠᠰᠤᠯᠠᠯᠳᠠ ᠬᠢᠬᠦ ᠠᠴᠠ ᠡᠮᠦᠨ᠎ᠡ ᠰᠦᠷᠯᠢᠭ ᠤᠳᠠᠰᠦ ᠢᠷᠡᠭᠦᠯᠵᠦ᠂ ᠬᠠᠤᠯᠢᠴᠢ ᠶᠢ ᠵᠠᠷᠭᠤ ᠪᠠᠨ ᠪᠤᠴᠠᠭᠠᠬᠤ ᠶᠢ ᠱᠠᠭᠠᠷᠳᠠᠭᠰᠠᠨ ᠪᠦᠭᠡᠳ ᠡᠨᠡ ᠤᠴᠢᠷ ᠢ ᠠᠰᠬᠠᠨ ᠲᠠᠢ ᠠᠭᠤᠯᠵᠠᠵᠦ ᠶᠠᠷᠢᠯᠴᠠᠬᠤ ᠰᠠᠨᠠᠭ᠎ᠠ ᠲᠠᠢ᠂ ᠰᠦᠷᠯᠢᠭ ᠤᠨ ᠵᠠᠬᠢᠭᠰᠠᠨ ᠨᠢ᠄          —ᠵᠠᠷᠭᠤ ᠪᠠᠨ ᠪᠤᠴᠠᠭᠠᠬᠤ ᠦᠭᠡᠢ ᠴᠦ ᠭᠡᠰᠡᠨ ᠲᠡᠶᠢᠯᠦᠭᠳᠡᠨ᠎ᠡ᠂ ᠳᠤᠮᠳᠠ ᠵᠡᠷᠭᠡ ᠶᠢᠨ ᠰᠢᠭᠦᠬᠦ ᠬᠤᠷᠢᠶᠠᠨ ᠠᠴᠠ ᠤᠳᠠᠰᠦ ᠢᠷᠡᠭᠦᠯᠵᠦ᠂ ᠰᠦᠷᠯᠢᠭ ᠲᠤ ᠲᠠᠷᠤᠯᠳᠠ ᠦᠭᠴᠦ ᠪᠤᠢ᠂ ᠲᠠ ᠳᠤᠮᠳᠠ ᠵᠡᠷᠭᠡ ᠶᠢᠨ ᠰᠢᠭᠦᠬᠦ ᠬᠤᠷᠢᠶᠠᠨ ᠳᠤ ᠳᠠᠬᠢᠨ ᠵᠠᠭᠠᠯᠳᠤᠭᠰᠠᠨ ᠴᠦ ᠲᠡᠶᠢᠯᠦᠭᠳᠡᠨ᠎ᠡ᠂ ᠬᠡᠷᠪᠡ ᠤᠷᠢᠳᠠᠪᠡᠷ ᠵᠠᠷᠭᠤ ᠪᠠᠨ ᠪᠤᠴᠠᠭᠠᠪᠠᠯ ᠵᠠᠷᠭᠤ ᠶᠢᠨ ᠰᠦᠢᠳᠭᠡᠯ ᠢ ᠴᠢᠨᠢ ᠠᠰᠬᠠᠨ ᠳᠤ ᠪᠦᠬᠦᠨ ᠢ ᠡᠷᠭᠢᠭᠦᠯᠵᠦ ᠦᠭᠬᠦ ᠶᠢ ᠪᠠᠳᠤᠯᠠᠶ᠎ᠠ ᠭᠡᠵᠠᠢ᠃          ᠡᠨᠡ ᠨᠢ ᠦᠨᠡᠨᠳᠡᠭᠡᠨ ᠬᠠᠭᠤᠷᠮᠠᠭ ᠤᠷᠤᠭ ᠰᠠᠯᠤᠭᠰᠠᠨ ᠤᠴᠢᠷ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠠᠰᠬᠠᠨ ᠪᠢᠰᠢᠷᠡᠭᠰᠡᠨ ᠦᠭᠡᠢ᠂ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠳᠤᠮᠳᠠ ᠵᠡᠷᠭᠡ ᠶᠢᠨ ᠰᠢᠭᠦᠬᠦ ᠬᠤᠷᠢᠶᠠᠨ ᠳᠤ ᠳᠠᠬᠢᠨᠳᠠ ᠵᠠᠭᠠᠯᠳᠤᠯᠭ᠎ᠠ ᠡᠷᠭᠦᠪᠡ᠃ ᠳᠠᠩᠬᠢᠮ ᠤᠨ ᠲᠠᠷᠤᠭ᠎ᠠ ᠦᠨᠢ᠂ ᠲᠤᠰ ᠵᠠᠷᠭᠤ ᠶᠢᠨ ᠭᠡᠷᠡᠴᠢ ᠭᠦᠢᠴᠡᠳ ᠦᠭᠡᠢ ᠭᠡᠳ ᠭᠤᠶᠤᠴᠢᠯᠠᠯᠭ᠎ᠠ ᠶᠢᠨ ᠪᠢᠴᠢᠭ ᠢ ᠨᠢ ᠪᠠᠰᠠ ᠪᠤᠴᠠᠭᠠᠵᠠᠢ᠃ ᠠᠰᠬᠠᠨ᠂ ᠳᠡᠭᠡᠭᠰᠢ ᠲᠡᠭᠷᠢ ᠶᠢ ᠰᠢᠷᠳᠡᠨ ᠤᠷᠳᠤᠬᠠᠨ ᠰᠠᠨᠠᠭ᠎ᠠ ᠠᠯᠳᠠᠨ᠎ᠠ᠃ ᠲᠡᠷᠡ ᠵᠠᠷᠭᠤ ᠶᠢᠨ ᠰᠦᠢᠳᠭᠡᠯ᠂ ᠬᠠᠤᠯᠢᠴᠢ ᠡᠷᠢᠭᠰᠡᠨ ᠵᠠᠷᠤᠳᠠᠯ᠂ ᠶᠠᠪᠤᠵᠦ ᠰᠠᠭᠤᠭᠰᠠᠨ  ᠰᠦᠢᠳᠭᠡᠯ  ᠬᠡᠳᠦᠨ  ᠠᠷᠪᠠᠨ  ᠲᠦᠭᠦᠷᠢᠭ  ᠵᠠᠷᠤᠴᠠᠭᠤᠯᠵᠦ᠂ ᠤᠳᠦ  ᠪᠤᠯᠬᠤ ᠳᠤ  ᠨᠢᠭᠡᠮᠦᠰᠦᠨ  ᠰᠠᠭᠤᠬᠤ  ᠤᠷᠤᠨ  ᠴᠦ  ᠪᠠᠶᠢᠬᠤ  ᠦᠭᠡᠢ  ᠪᠤᠯᠪᠠ᠃            ᠠᠰᠬᠠᠨ ᠭᠤᠷᠪᠠᠳᠠᠬᠢ ᠤᠳᠠᠭᠠᠨ ᠤ ᠵᠠᠭᠠᠯᠳᠤᠯᠭ᠎ᠠ ᠶᠢᠨ ᠪᠢᠴᠢᠭ ᠢᠶᠠᠨ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠰᠠᠬᠢᠯᠭ᠎ᠠ ᠪᠠᠳᠦ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠳᠤ ᠡᠷᠭᠦᠪᠡ᠃ ᠡᠭᠦᠨ ᠳᠤ ᠭᠤᠤᠯᠳᠠᠭᠤ ᠠᠰᠬᠠᠨ᠂ ᠰᠠᠷᠭᠠᠢ ᠬᠤᠶᠠᠷ ᠤᠨ ᠬᠠᠭᠤᠷᠮᠠᠭ ᠢᠶᠠᠷ ᠤᠷᠤᠭ ᠰᠠᠯᠵᠦ᠂ ᠪᠤᠳᠠᠳᠠᠢ ᠪᠠᠷ ᠴᠤᠭ ᠠᠮᠢᠳᠤᠷᠠᠭᠰᠠᠨ ᠠᠷᠪᠠᠨ ᠵᠤᠷᠪᠤᠰ ᠠᠭᠤᠯᠭ᠎ᠠ ᠶᠢ ᠪᠠᠭᠳᠠᠭᠠᠭᠰᠠᠨ ᠵᠢᠴᠢ ᠬᠠᠮᠢᠶ᠎ᠠ ᠪᠦᠬᠦᠢ ᠭᠡᠷᠡᠴᠢ ᠪᠠᠷᠢᠮᠳᠠ ᠤᠳ ᠢ ᠬᠠᠩᠭᠠᠪᠠ᠄          ᠨᠢᠭᠡ᠂ ᠲᠠᠭᠤᠷᠢᠶᠠᠯ ᠤᠨ ᠭᠠᠷᠠᠮᠠᠨ ᠬᠤᠳᠠ ᠳᠤ ᠡᠷᠦᠬᠡ ᠠᠮᠠ ᠰᠢᠯᠵᠢᠬᠦ ᠳᠤ ᠤᠯᠭᠤᠭᠰᠠᠨ ᠲᠤᠳᠠᠭᠠᠳᠦ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠤ ᠭᠠᠷ ᠭᠦᠢᠴᠡᠳᠭᠡᠯ ᠪᠤᠯᠤᠨ ᠲᠠᠭᠤᠷᠢᠰᠬᠠᠯ ᠤᠨ ᠡᠷᠦᠬᠡ ᠠᠮᠠ ᠶᠢᠨ ᠬᠠᠮᠢᠶ᠎ᠠ ᠪᠦᠬᠦᠢ ᠴᠢᠮᠡᠭᠡ ᠰᠤᠷᠠᠭ᠃          ᠬᠤᠶᠠᠷ᠂ ᠤᠷᠤᠭ ᠰᠠᠯᠤᠭᠰᠠᠨ ᠤ ᠰᠡᠭᠦᠯᠡᠷ ᠠᠮᠤᠭᠤᠯᠠᠩ ᠲᠤᠭᠤᠷᠢᠭ ᠲᠤ ᠠᠰᠬᠠᠨ ᠪᠤᠯᠤᠨ ᠰᠠᠷᠭᠠᠢ ᠶᠢᠨ ᠬᠠᠮᠳᠦ ᠪᠠᠷ ᠭᠠᠷ ᠤᠨ ᠦᠰᠦᠭ ᠵᠢᠷᠤᠵᠦ᠂ ᠭᠡᠷ ᠳᠦᠷᠢᠶᠡᠰᠦᠯᠡᠭᠰᠡᠨ ᠬᠡᠯᠡᠯᠴᠡᠭᠡᠷ ᠤᠨ ᠪᠢᠴᠢᠭ ᠪᠠ ᠭᠡᠷᠡᠴᠢ ᠶᠢᠨ ᠬᠦᠮᠦᠨ ᠵᠢᠴᠢ ᠲᠡᠭᠦᠨ ᠤ ᠨᠡᠷ᠎ᠡ᠃            ᠭᠤᠷᠪᠠ᠂ ᠠᠰᠬᠠᠨ ᠪᠤᠯᠤᠨ ᠰᠠᠷᠭᠠᠢ ᠶᠢᠨ ᠭᠠᠷ ᠤᠳᠠᠰᠤᠨ ᠤ ᠪᠢᠴᠢᠯ ᠴᠢᠮᠡᠭᠡ ᠶᠠᠪᠤᠯᠴᠠᠭᠠᠨ ᠤ ᠬᠠᠶᠢᠴᠢᠯᠠᠮᠠᠯ ᠵᠢᠷᠤᠭ᠃          ᠲᠦᠷᠪᠡ᠂ ᠲᠠᠭᠤᠷᠢᠶᠠᠯ ᠤᠨ ︿︿ᠤᠯᠤᠰ ᠤᠨ ᠭᠠᠳᠠᠨ᠎ᠠ ᠰᠤᠷᠤᠯᠴᠠᠬᠤ ᠬᠡᠯᠡᠯᠴᠡᠭᠡᠷ ᠤᠨ ᠪᠢᠴᠢᠭ﹀﹀ ᠳᠡᠭᠡᠷ᠎ᠠ ᠡᠷ᠎ᠡ ᠡᠮ᠎ᠡ ᠶᠢᠨ ᠬᠤᠪᠢ ᠪᠠᠷ ᠭᠠᠷ ᠤᠨ ᠦᠰᠦᠭ ᠵᠢᠷᠤᠭᠰᠠᠨ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ᠃          ᠲᠠᠪᠤ᠂ ᠬᠠᠭᠤᠷᠮᠠᠭ ᠤᠷᠤᠭ ᠰᠠᠯᠤᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠵᠠᠭᠠᠯᠳᠤᠭᠴᠢ ᠵᠠᠭᠠᠯᠳᠤᠭᠳᠠᠭᠴᠢ ᠲᠡᠳᠡ ᠬᠤᠶᠠᠷ ᠤᠨ ᠨᠠᠶᠢᠵᠠ ᠨᠦᠭᠦᠳ ᠤᠨ ᠨᠢᠭᠡ ᠭᠡᠷ ᠤᠨ ᠬᠢᠨ ᠲᠠᠢ ᠬᠠᠮᠳᠦ ᠪᠠᠷ ᠰᠡᠭᠦᠳᠡᠷᠯᠡᠭᠰᠡᠨ ᠵᠢᠷᠤᠭ ᠰᠡᠭᠦᠳᠡᠷ ᠤᠳ᠃          ᠵᠢᠷᠭᠤᠭ᠎ᠠ᠂ ᠰᠠᠷᠭᠠᠢ ᠶᠢᠨ ᠮᠡᠰᠡ ᠵᠠᠰᠠᠯ ᠤᠨ ᠡᠮᠦᠨᠡᠬᠢ ᠠᠰᠬᠠᠨ ᠪᠤᠯᠤᠨ ᠰᠠᠷᠭᠠᠢ ᠶᠢᠨ ᠡᠷ᠎ᠡ ᠡᠮ᠎ᠡ ᠶᠢᠨ ᠬᠠᠷᠢᠴᠠᠭᠠᠨ ᠤ ᠨᠠᠶᠢᠳᠠᠯᠭ᠎ᠠ ᠶᠢᠨ ᠪᠢᠴᠢᠭ᠃          ᠳᠤᠯᠤᠭ᠎ᠠ᠂ ᠠᠰᠬᠠᠨ ᠤ ᠬᠠᠮᠢᠶ᠎ᠠ ᠪᠦᠬᠦᠢ ᠺᠤᠮᠫᠠᠨᠢ ᠶᠢᠨ ᠳᠠᠩᠰᠠ ᠡᠪᠬᠡᠮᠡᠯ ᠪᠠ ᠺᠤᠮᠫᠠᠨᠢ ᠶᠢᠨ ᠪᠠᠩᠬᠢ ᠶᠢᠨ ᠬᠠᠳᠠᠭᠠᠯᠠᠮᠵᠢ ᠶᠢᠨ ᠡᠷᠦᠬᠡ ᠶᠢᠨ ᠨᠤᠮᠧᠷ᠃          ᠨᠠᠢᠮᠠ᠂ ᠠᠰᠬᠠᠨ  ᠤᠯᠠᠨ  ᠤᠳᠠᠭ᠎ᠠ  ᠰᠠᠷᠭᠠᠢ  ᠳᠤ  ᠵᠤᠭᠤᠰ  ᠭᠤᠪᠢᠭᠤᠯᠠᠭᠰᠠᠨ  ᠪᠠᠩᠬᠢ  ᠶᠢᠨ  ᠺᠠᠷᠲ   ᠤᠨ  ᠨᠤᠮᠧᠷ᠃          ᠶᠢᠰᠦ᠂ ᠬᠠᠭᠤᠷᠮᠠᠭ ᠤᠷᠤᠭ ᠰᠠᠯᠬᠤ ᠠᠴᠠ ᠡᠮᠦᠨ᠎ᠡ᠂ ᠨᠡᠶᠢᠳᠡ ᠲᠤᠯᠤᠭᠠᠨ ᠠᠰᠠᠷ ᠢ ᠤᠷᠢᠳ ᠬᠤᠵᠢᠳ ᠬᠤᠳᠠᠯᠳᠤᠵᠦ ᠠᠪᠬᠤ ᠳᠠᠭᠠᠨ ᠵᠤᠭᠤᠰ ᠲᠤᠰᠢᠶᠠᠭᠰᠠᠨ ᠬᠠᠮᠢᠶ᠎ᠠ ᠪᠦᠬᠦᠢ ᠪᠠᠷᠢᠮᠳᠠ ᠨᠤᠭᠤᠳ᠃          ᠠᠷᠪᠠ᠂ ᠡᠭᠦᠨ ᠠᠴᠠ ᠪᠤᠰᠤᠳ ᠡᠷᠳᠡᠨᠢᠱᠢᠷᠦ ᠭᠠᠳᠠᠨ᠎ᠠ ᠮᠤᠵᠢ ᠶᠢᠨ ᠠᠷᠠᠯᠵᠢᠶᠠᠴᠢᠨ ᠠᠯᠢᠮ᠎ᠠ ᠤᠪᠤᠭᠳᠤ ᠲᠠᠢ ᠰᠤᠷᠳᠠᠯ ᠤᠨ ᠶᠠᠪᠤᠳᠠᠯ ᠲᠠᠢ ᠪᠠ ᠤᠯᠤᠰ ᠤᠨ ᠭᠠᠶᠢᠯᠢ ᠠᠴᠠ ᠲᠤᠳᠠᠭᠠᠬᠤ ᠶᠢᠨ ᠲᠦᠯᠦᠭᠡ ᠭᠠᠶᠢᠯᠢ ᠶᠢᠨ ᠲᠤᠪᠴᠢᠶᠠᠨ ᠤ ᠶᠡᠭᠡ ᠠᠰᠢᠳᠠ ᠳᠠᠷᠤᠭ᠎ᠠ ᠲᠠᠢ ᠲᠦᠪ ᠪᠤᠰᠤ ᠶᠠᠪᠤᠯᠴᠠᠭ᠎ᠠ ᠲᠠᠢ ᠳᠡᠭᠡᠷ᠎ᠡ ᠪᠠᠨ ᠠᠰᠢᠳᠠ ᠳᠠᠷᠤᠭ᠎ᠠ ᠳᠤ ᠬᠤᠳᠠᠯᠳᠤᠭᠠᠨ ᠤ ᠲᠠᠩᠬᠢᠮ ᠪᠡᠯᠡᠭᠯᠡᠭᠰᠡᠨ᠂ ᠪᠠᠰᠠ ᠤᠮᠤᠭᠳᠤ ᠡᠷᠬᠡ ᠵᠡᠷᠭᠡ ᠲᠡᠪᠰᠢᠬᠦ ᠶᠢᠨ ᠲᠦᠯᠦᠭᠡ ᠤᠯᠠᠭᠠᠨ ᠲᠤᠭᠤᠷᠢᠭ ᠤᠨ ᠳᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠤ ᠲᠤᠪᠴᠢᠶᠠᠨ ᠳᠠᠷᠤᠭ᠎ᠠ ᠦᠷᠯᠦᠭ ᠲᠤ ᠬᠡᠳᠦᠨ ᠲᠦᠮᠡᠨ ᠲᠦᠭᠦᠷᠢᠭ ᠳᠦᠯᠬᠢᠭᠰᠡᠨ ᠵᠢᠴᠢ ᠢᠮᠢᠨ ᠬᠡᠦᠬᠡᠨ ᠢ ᠪᠤᠰᠤᠳ ᠲᠠᠢ ᠤᠷᠤᠭ ᠬᠡᠯᠡᠯᠴᠡᠭᠦᠯᠬᠦ ᠦᠭᠡᠢ ᠤᠮᠤᠭᠳᠤ ᠬᠦᠴᠦ ᠪᠠᠷ ᠳᠠᠷᠤᠯᠠᠨ ᠨᠤᠵᠢᠳᠯᠠᠭᠰᠠᠨ ᠵᠡᠷᠭᠡ ᠭᠡᠷ ᠤᠨ ᠲᠤᠳᠤᠷ᠎ᠠ ᠡᠭᠦᠰᠤᠭ᠍ᠰᠡᠨ ᠬᠡᠷᠡᠭ ᠤᠴᠢᠷ ᠢ ᠮᠡᠳᠡᠳᠡᠭ ᠰᠡᠵᠢᠭᠯᠡᠳᠡᠭ  ᠬᠢᠷᠢ  ᠪᠠᠷ  ᠵᠠᠭᠠᠯᠳᠤᠯᠭ᠎ᠠ  ᠶᠢᠨ  ᠪᠢᠴᠢᠭ  ᠲᠡᠬᠡ᠊ ‍ᠨ  ᠨᠦᠬᠦᠪᠦᠷᠢ  ᠠᠭᠤᠯᠭ᠎ᠠ  ᠪᠠᠷ  ᠨᠡᠮᠡᠵᠦ  ᠤᠷᠤᠭᠤᠯᠵᠠᠢ  ᠃          ᠡᠨᠡ ᠬᠡᠷᠡᠭ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠰᠠᠬᠢᠯᠭ᠎ᠠ ᠪᠠᠳᠦ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠳᠤ ᠬᠦᠷᠦᠭᠰᠡᠨ ᠳᠠᠷᠠᠭ᠎ᠠ᠂ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠤᠯᠤᠰ ᠲᠦᠷᠦ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠬᠤᠷᠢᠶᠠᠨ ᠤ ᠳᠡᠳ᠋ ᠱᠦᠵᠢ ᠪᠠᠯᠳᠠᠨ ᠭᠤᠸᠠᠢ ᠠᠴᠠ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠰᠠᠬᠢᠯᠭ᠎ᠠ ᠪᠠᠳᠦ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠤ ᠱᠦᠵᠢ ᠳᠤᠭᠳᠠᠭᠤᠨ ᠳᠤ ᠤᠳᠠᠰᠦ ᠢᠷᠡᠭᠦᠯᠵᠦ᠄          — ᠰᠠᠷᠭᠠᠢ ᠪᠤᠯ ᠪᠠᠯᠳᠠᠨ ᠤ ᠬᠠᠭᠤᠷᠠᠢ ᠬᠡᠦᠬᠡᠨ ᠳᠡᠭᠦᠦ ᠪᠤᠯᠬᠤ ᠶᠤᠮ᠂ ᠰᠠᠷᠭᠠᠢ ᠤᠳᠤᠬᠠᠨ ᠨᠢᠭᠡᠨᠳᠡ ᠠᠭᠤᠰᠭᠢᠨ ᠤ ᠠᠢ ᠡᠪᠡᠳᠴᠢᠨ ᠤᠯᠤᠭᠰᠠᠨ᠂ ᠡᠨᠡ ᠬᠡᠷᠡᠭ ᠭᠡᠷ ᠤᠨ ᠳᠤᠳᠤᠷ᠎ᠠ ᠡᠭᠦᠰᠦᠭᠰᠡᠨ ᠤᠴᠢᠷ ᠪᠤᠯᠬᠤᠷ ᠬᠤᠭᠤᠷᠤᠨᠳᠦ ᠨᠢ ᠡᠪᠰᠡᠭᠦᠯᠵᠦ᠂ ᠶᠡᠬᠡᠰᠭᠡᠬᠦ ᠦᠭᠡᠢ ᠪᠠᠷ ᠰᠢᠢᠳᠪᠦᠷᠢᠯᠡᠵᠦ ᠦᠭᠬᠦ ᠶᠢ ᠬᠦᠰᠡᠨ ᠨᠠᠶᠢᠳᠠᠵᠦ ᠪᠠᠶᠢᠨ᠎ᠠ ᠭᠡᠵᠠᠢ᠃          ᠡᠭᠦᠨ ᠤ ᠳᠠᠷᠠᠭ᠎ᠠ ᠳᠤᠭᠳᠠᠭᠤᠨ ᠱᠦᠵᠢ ᠬᠤᠳᠠ ᠶᠢᠨ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠱᠦᠵᠢ ᠳᠡᠯᠡᠬᠡᠢ ᠲᠠᠷᠤᠭ᠎ᠠ  ᠶᠢᠨ ᠠᠯᠪᠠᠨ ᠭᠡᠷ ᠲᠤ ᠬᠦᠷᠴᠦ ᠬᠡᠷᠡᠭ ᠤᠨ ᠦᠨᠳᠦᠰᠦᠨ ᠪᠠᠶᠢᠳᠠᠯ ᠢ ᠶᠡᠭᠡ ᠲᠦᠯᠦᠪ ᠤᠷᠢᠳᠴᠢᠯᠠᠨ ᠮᠡᠳᠡᠭᠦᠯᠵᠦ᠂ ᠤᠳᠤᠷᠢᠳᠬᠤ ᠺᠠᠳᠠᠷ ᠨᠡᠯᠢᠶᠡᠳ ᠤᠯᠠᠨ ᠬᠤᠯᠪᠤᠭᠳᠠᠬᠤ ᠳᠤᠬᠠᠢ  ᠶᠠᠷᠢᠬᠤ ᠳᠤ᠂ ᠳᠡᠯᠡᠬᠡᠢ ᠱᠦᠵᠢ᠄          — ᠬᠡᠨ ᠬᠠᠤᠯᠢ ᠶᠢ ᠵᠦᠷᠢᠴᠡᠪᠡᠯ ᠬᠡᠨ ᠠᠴᠠ ᠳᠠᠷᠤᠢ ᠬᠠᠷᠢᠭᠤᠴᠠᠯᠭ᠎ᠠ ᠨᠡᠬᠡᠮᠵᠢᠯᠡᠨ᠎ᠡ᠂ ᠬᠠᠤᠯᠢ ᠶᠢ ᠵᠦᠷᠢᠴᠡᠭᠰᠡᠳ ᠢ ᠲᠡᠭ ᠢᠶᠠᠷ ᠠᠭᠤᠴᠢᠯᠠᠬᠤ  ᠳᠦᠷᠢᠮ ᠢ ᠪᠠᠷᠢᠮᠳᠠᠯᠠᠬᠤ ᠬᠡᠷᠭᠳᠠᠢ᠂ ᠡᠭᠦᠨ ᠳᠤ ᠭᠠᠳᠠᠭᠠᠳᠦ ᠳᠤᠳᠤᠭᠠᠳᠦ ᠤᠷᠴᠢᠨ ᠲᠤᠭᠤᠷᠢᠨ ᠤ ᠡᠷᠬᠡ ᠵᠡᠷᠭᠡ ᠶᠢᠨ ᠲᠠᠷᠤᠯᠳᠠ ᠳᠤ ᠭᠤᠶᠢᠪᠢᠵᠦ ᠪᠤᠯᠬᠤ ᠦᠭᠡᠢ ᠭᠡᠵᠦ ᠲᠦᠪ ᠴᠢᠩᠭ᠎ᠠ ᠱᠠᠭᠠᠷᠳᠠᠯᠭ᠎ᠠ ᠲᠠᠯᠪᠢᠵᠠᠢ᠃          ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠰᠠᠬᠢᠯᠭ᠎ᠠ ᠪᠠᠳᠦ ᠪᠠᠶᠢᠴᠠᠭᠠᠬᠤ ᠬᠤᠷᠢᠶ᠎ᠠ ᠨᠢ ᠲᠤᠰ ᠬᠡᠷᠡᠭ ᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠳᠡᠭᠡᠳᠦ ᠬᠡᠮᠵᠢᠶ᠎ᠡ ᠪᠠᠷ ᠬᠦᠨᠳᠦᠳᠭᠡᠨ ᠴᠢᠬᠤᠯᠠᠴᠢᠯᠠᠵᠦ᠂ ᠰᠤᠳᠤᠯᠠᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠬᠢᠵᠦ᠂ ᠲᠤᠰᠠᠬᠠᠢ ᠪᠠᠶᠢᠴᠠᠭᠠᠬᠤ ᠲᠤᠭᠤᠶᠢᠯᠠᠩ ᠪᠠᠶᠢᠭᠤᠯᠵᠦ᠂ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠮᠦᠷᠳᠡᠨ ᠪᠠᠶᠢᠴᠠᠭᠠᠯᠳᠠ ᠦᠷᠨᠢᠬᠦᠯᠦᠭᠰᠡᠨ ᠪᠠᠶᠢᠨ᠎ᠠ᠃          ᠨᠢᠭᠡ᠂ ᠪᠢᠴᠢᠬᠠᠨ ᠬᠡᠦᠬᠡᠨ ᠲᠠᠭᠤᠷᠢᠰᠬᠠᠯ ᠪᠤᠯᠦᠨ ᠢᠮᠢᠨ ᠤ ᠢᠷᠡᠯ ᠭᠠᠷᠤᠯ ᠤᠨ ᠲᠤᠬᠠᠢ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠪᠠᠶᠢᠴᠠᠭᠠᠯᠳᠠ ᠬᠢᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠡᠷᠳᠡᠨᠢᠱᠢᠷᠦ᠂ ᠰᠦᠮᠡᠨ᠂ ᠰᠠᠷᠭᠠᠢ ᠵᠡᠷᠭᠡ ᠬᠦᠮᠦᠰ  ᠤᠨ ᠬᠡᠦᠬᠡᠳ ᠰᠠᠷᠭᠠᠶᠢᠯᠠᠭᠰᠠᠨ ᠬᠡᠷᠡᠭ ᠲᠤ ᠬᠤᠯᠪᠤᠭᠳᠠᠬᠤ᠂ ᠪᠠᠰᠠ ᠶᠡᠭᠡ ᠬᠡᠦᠬᠡᠨ ᠰᠦᠮᠡᠨ ᠤ ᠡᠷᠳᠡᠨ ᠤ ᠡᠳ᠋ ᠰᠠᠷᠭᠠᠶᠢᠯᠠᠭᠰᠠᠨ ᠬᠡᠷᠡᠭ  ᠤᠨ ᠳᠤᠬᠠᠢ ᠬᠠᠮᠢᠶ᠎ᠠ ᠪᠦᠬᠦᠢ ᠰᠡᠵᠢᠭ ᠲᠠᠢ ᠮᠠᠲ᠋ᠧᠷᠢᠶᠠᠯ ᠢ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠲᠤᠳᠤᠭᠠᠳᠦ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠳᠤ ᠲᠤᠰᠢᠶᠠᠨ ᠦᠭᠴᠦ᠂ ᠲᠤᠳᠤᠭᠠᠳᠦ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶ᠎ᠠ ᠤᠯᠠᠮ ᠨᠢᠭᠡ ᠠᠯᠬᠤᠮ ᠨᠠᠷᠢᠯᠢᠭ ᠪᠠᠶᠢᠴᠠᠭᠠᠯᠳᠠ ᠬᠢᠬᠦ ᠪᠠ ᠪᠤᠳᠠᠳᠠᠢ ᠪᠠᠶᠢᠴᠠᠭᠠᠭᠰᠠᠨ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠳᠡ ᠪᠢᠴᠢᠭᠦᠯᠬᠦ ᠪᠠᠷ ᠱᠠᠭᠠᠷᠳᠠᠭᠰᠠᠨ ᠪᠠᠶᠢᠨ᠎ᠠ᠃          ᠬᠤᠶᠠᠷ᠂ ᠶᠡᠭᠡ ᠬᠡᠦᠬᠡᠨ ᠰᠦᠮᠡᠨ ᠤ ᠡᠷᠳᠡᠨ ᠤ ᠡᠳ᠋ ᠰᠠᠷᠭᠠᠶᠢᠯᠠᠭᠰᠠᠨ ᠬᠡᠷᠡᠭ ᠲᠤ ᠲᠡᠭᠦᠨ ᠤ ᠳᠡᠭᠦᠦ ᠤᠮᠤᠭᠳᠤ ᠨᠢ ᠬᠤᠳᠠ ᠶᠢᠨ ᠳᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠤ ᠳᠠᠷᠤᠭ᠎ᠠ ᠡᠷᠴᠢ ᠳᠤ ᠪᠡᠯᠡᠭ ᠵᠤᠭᠤᠰ ᠬᠦᠷᠭᠡᠵᠦ᠂ ᠯᠢᠶᠤᠤᠨᠢᠩ ᠮᠤᠵᠢ ᠶᠢᠨ ᠳᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠤ ᠬᠠᠮᠢᠶ᠎ᠠ ᠪᠦᠬᠦᠢ ᠳᠠᠷᠤᠭ᠎ᠠ ᠲᠠᠢ ᠬᠤᠯᠪᠤᠭᠠᠯᠠᠨ ᠲᠤᠰ ᠬᠡᠷᠡᠭ ᠢ ᠪᠠᠯᠠᠯᠤᠭᠰᠠᠨ ᠬᠡᠷᠡᠭ ᠤᠴᠢᠷ ᠬᠢᠭᠡᠳ ᠤᠮᠤᠭᠳᠤ ᠪᠠᠰᠠ ᠤᠯᠠᠭᠠᠨ ᠲᠤᠭᠤᠷᠢᠭ ᠤᠨ ᠳᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠤ ᠲᠤᠪᠴᠢᠶᠠᠨ ᠳᠠᠷᠤᠭ᠎ᠠ ᠦᠷᠯᠦᠭ ᠲᠤ ᠪᠡᠯᠡᠭ ᠰᠡᠯᠳᠡ ᠬᠦᠷᠭᠡᠵᠦ ᠪᠠᠶᠢᠭᠠᠳ᠂ ᠳᠤᠳᠤᠭᠠᠳᠦ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠤ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠰᠠᠯᠠᠭᠠᠨ ᠳᠠᠷᠤᠭ᠎ᠠ  ᠶᠢᠨ ᠲᠤᠰᠢᠶᠠᠯ ᠳᠡᠪᠰᠢᠭᠰᠡᠨ ᠵᠢᠴᠢ  ᠢᠮᠢᠨ ᠢ ᠨᠤᠵᠢᠳᠯᠠᠭᠰᠠᠨ ᠬᠡᠷᠡᠭ ᠤᠴᠢᠷ᠃            ᠭᠤᠷᠪᠠ᠂ ︿︿ᠦᠢᠯᠡᠰ﹀﹀ ᠨᠡᠷᠡᠮᠵᠢᠳᠦ ᠭᠡᠷ ᠪᠠᠷᠢᠯᠭ᠎ᠠ ᠶᠢᠨ ᠺᠤᠮᠫᠠᠨᠢ  ᠶᠢᠨ ᠳᠠᠭᠠᠭᠠᠮᠠᠯ ᠡᠷᠳᠡᠨᠢᠱᠢᠷᠦ ᠤᠯᠤᠰ ᠤᠨ ᠭᠠᠶᠢᠯᠢ ᠠᠴᠠ ᠲᠤᠳᠠᠭᠠᠬᠤ ᠶᠢᠨ ᠲᠦᠯᠦᠭᠡ ᠬᠤᠳᠠ ᠶᠢᠨ ᠭᠠᠶᠢᠯᠢ ᠶᠢᠨ ᠲᠤᠪᠴᠢᠶᠠᠨ ᠤ ᠲᠤᠪᠴᠢᠶᠠᠨ ᠳᠠᠷᠤᠭ᠎ᠠ ᠶᠡᠭᠡ ᠠᠰᠢᠳᠠ ᠲᠠᠢ ᠡᠷᠡᠭᠳᠠᠢ ᠡᠮᠡᠭᠳᠡᠢ ᠶᠢᠨ ᠲᠦᠪ ᠪᠤᠰᠦ ᠬᠠᠷᠢᠴᠠᠭ᠎ᠠ ᠪᠠᠶᠢᠭᠤᠯᠤᠭᠰᠠᠨ ᠪᠠ ᠶᠡᠭᠡ ᠠᠰᠢᠳᠠ ᠳᠠᠷᠤᠭ᠎ᠠ ᠳᠤ ᠬᠤᠳᠠᠯᠳᠤᠭᠠᠨ ᠤ ᠲᠠᠩᠬᠢᠮ ᠪᠡᠯᠡᠭᠯᠡᠭᠰᠡᠨ ᠬᠡᠷᠡᠭ ᠤᠴᠢᠷ᠃            ᠳᠦᠷᠪᠡ᠂ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠬᠦᠬᠡ ᠲᠤᠭᠤᠷᠢᠭ ᠤᠨ ᠠᠷᠠᠳ ᠤᠨ ᠰᠢᠭᠦᠬᠦ ᠬᠤᠷᠢᠶᠠᠨ ᠤ ᠬᠠᠤᠯᠢ ᠶᠢᠨ ᠲᠠᠰᠥᠯᠠᠭᠴᠢ ᠰᠦᠷᠯᠢᠭ ᠪᠤᠯᠤᠨ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠳᠤᠮᠳᠠ ᠵᠡᠷᠭᠡ ᠶᠢᠨ ᠰᠢᠭᠦᠬᠦ ᠬᠤᠷᠢᠶᠠᠨ ᠤ ᠳᠠᠩᠬᠢᠮ ᠤᠨ ᠲᠠᠷᠤᠭ᠎ᠠ ᠦᠨᠢ ᠬᠤᠶᠠᠷ ᠤᠨ ᠰᠠᠷᠭᠠᠢ ᠶᠢᠨ ᠬᠦᠷᠭᠡᠭᠰᠡᠨ ᠬᠡᠭᠡᠯᠢ ᠬᠠᠭ᠋ᠤᠤᠯᠢ  ᠶᠢ ᠢᠳᠡᠭᠰᠡᠨ ᠵᠢᠴᠢ ᠰᠠᠷᠭᠠᠢ ᠶᠢᠨ ᠬᠡᠭᠡᠯᠢ ᠳᠦᠯᠬᠢᠭᠰᠡᠨ ᠬᠡᠷᠡᠭ ᠤᠴᠢᠷ᠃          ᠲᠠᠪᠦ᠂ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠡᠮᠴᠢ ᠢᠷᠭᠤᠢ  ᠶᠢᠨ ᠭᠤᠷᠪᠠᠨ ᠲᠦᠮᠡᠨ ᠲᠦᠭᠦᠷᠢᠭ ᠬᠡᠭᠡᠯᠢ ᠢᠳᠡᠵᠦ᠂ ᠬᠦᠦ ᠬᠡᠦᠬᠡᠨ ᠵᠦᠢᠷᠡᠢ ᠬᠦᠩᠭᠡᠵᠢᠭᠰᠡᠨ ᠭᠡᠷᠡᠴᠢ ᠲᠡᠮᠳᠡᠭ ᠪᠢᠴᠢᠵᠦ ᠦᠭᠭᠦᠭᠰᠡᠨ ᠬᠡᠷᠡᠭ ᠤᠴᠢᠷ᠃          ᠵᠢᠷᠭᠤᠭ᠎ᠠ᠂ ᠤᠯᠠᠭᠠᠨ ᠲᠤᠭᠤᠷᠢᠭ ᠤᠨ ᠲᠤᠮᠢᠯᠠᠭᠰᠠᠨ ᠰᠠᠯᠪᠤᠷᠢ ᠶᠢᠨ ᠴᠠᠭᠳᠠᠭᠴᠢ ᠵᠠᠪᠰᠢᠶᠠᠨ ᠲᠠᠪᠤᠨ ᠲᠦᠮᠡᠨ ᠲᠦᠭᠦᠷᠢᠭ ᠬᠡᠭᠡᠯᠢ ᠢᠳᠡᠵᠦ᠂ ᠰᠠᠷᠭᠠᠢ ᠶᠢᠨ ᠡᠷᠦᠬᠡ ᠠᠮᠠ ᠶᠢᠨ ᠳᠠᠩᠰᠠᠨ ᠳᠤ ᠬᠦᠦ᠂ ᠦᠬᠢᠨ ᠤ ᠨᠡᠷ᠎ᠡ ᠶᠢ ᠨᠡᠮᠡᠵᠦ ᠤᠷᠤᠭᠤᠯᠠᠭᠰᠠᠨ ᠬᠡᠷᠡᠭ ᠤᠴᠢᠷ᠃            ᠳᠤᠯᠤᠭ᠎ᠠ᠂ ᠳᠠᠭᠤᠷᠢᠶᠠᠯ ᠢ ᠡᠷᠦᠬᠡ ᠠᠮᠠ ᠰᠢᠯᠵᠢᠭᠦᠯᠬᠦ ᠳᠤ ᠡᠷᠦᠬᠡ ᠠᠮᠠ ᠶᠢᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠭᠠᠵᠠᠷ  ᠤᠨ ᠬᠠᠮᠢᠶᠠᠷᠤᠭᠴᠢ ᠴᠠᠭᠳᠠᠭᠴᠢ ᠨᠠᠶᠢᠷᠰᠠᠭ  ᠤᠨ ᠬᠤᠶᠠᠷ ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠬᠡᠭᠡᠯᠢ ᠪᠡᠯᠡᠭ ᠢᠳᠡᠭᠰᠡᠨ ᠬᠡᠷᠡᠭ ᠤᠴᠢᠷ᠃          ᠨᠠᠢᠮᠠ᠂ ᠵᠠᠭᠠᠯᠳᠤᠭᠴᠢ ᠠᠰᠬᠠᠨ᠂ ᠠᠷᠪᠠᠭᠠᠳ ᠵᠢᠯ ᠤᠨ ᠡᠮᠦᠨ᠎ᠡ ᠤᠯᠤᠰ ᠤᠨ ᠦᠮᠴᠢᠯᠡᠯᠳᠦ ᠺᠤᠮᠫᠠᠨᠢ ᠳᠤ ᠠᠵᠢᠯᠯᠠᠵᠦ ᠪᠠᠶᠢᠬᠤ ᠳᠠᠭᠠᠨ ᠤᠯᠤᠰ ᠤᠨ ᠡᠳ᠋ ᠬᠦᠷᠦᠩᠭᠡ ᠶᠢ ᠶᠡᠬᠡᠪᠡᠷ ᠮᠦᠯᠵᠢᠭᠰᠡᠨ ᠬᠡᠷᠡᠭ ᠤᠴᠢᠷ᠃          ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠰᠠᠬᠢᠯᠭ᠎ᠠ ᠪᠠᠳᠦ ᠪᠠᠶᠢᠴᠠᠭᠠᠬᠤ ᠬᠤᠷᠢᠶ᠎ᠠ ᠨᠢ ᠶᠡᠭᠡ ᠬᠡᠪᠴᠢᠶᠡᠨ ᠤ ᠨᠠᠷᠢᠯᠢᠭ ᠪᠠᠶᠢᠴᠠᠭᠠᠯᠳᠠ ᠪᠠᠷ ᠳᠠᠮᠵᠢᠭᠠᠳ᠂ ᠲᠤᠰ ᠬᠡᠷᠡᠭ ᠲᠤ ᠬᠤᠯᠪᠤᠭᠳᠠᠭᠰᠠᠨ ᠡᠳᠡᠭᠡᠷ ᠬᠡᠷᠡᠭ ᠤᠴᠢᠷ ᠢ ᠮᠦᠷᠳᠡᠨ ᠭᠠᠷᠭᠠᠵᠦ᠂ ᠬᠡᠷᠡᠭ ᠶᠠᠯ᠎ᠠ ᠦᠢᠯᠡᠳᠤᠭ᠍ᠰᠡᠨ ᠰᠡᠵᠢᠭ ᠲᠠᠢ ᠬᠦᠮᠦᠰ ᠢ ᠪᠦᠬᠦᠨ ᠢ ᠪᠠᠷᠢᠪᠴᠢᠯᠠᠵᠦ᠂ ᠱᠤᠤᠭᠢᠶᠠᠨ ᠬᠤᠳᠠ ᠶᠢᠨ ᠠᠷᠠᠳ ᠤᠨ ᠪᠠᠶᠢᠴᠠᠭᠠᠬᠤ  ᠬᠤᠷᠢᠶ᠎ᠠ  ᠪᠤᠯᠤᠨ  ᠠᠷᠠᠳ  ᠤᠨ  ᠰᠢᠭᠦᠬᠦ  ᠬᠤᠷᠢᠶᠠᠨ  ᠳᠤ  ᠲᠤᠰᠢᠶᠠᠨ  ᠦᠭᠭᠦᠭᠰᠡᠨ  ᠪᠠᠶᠢᠯ᠎ᠠ᠃          ᠤᠭᠳᠠᠷᠭᠤᠢ ᠳᠤ ᠪᠠᠷᠠᠭᠠᠨ ᠡᠭᠦᠯᠡ ᠡᠯᠡᠰᠦᠨ ᠰᠢᠭᠤᠷᠠᠭ᠎ᠠ ᠳᠡᠭᠳᠡᠵᠦ᠂ ᠭᠠᠷᠠᠮᠠᠨ ᠬᠤᠳᠠ ᠶᠢᠨ ᠤᠷᠤᠢ ᠲᠡᠭᠡᠭᠦᠷ ᠪᠤᠷᠤᠭᠠᠨ ᠰᠠᠯᠬᠢᠨ ᠬᠤᠶᠢᠯᠠᠷᠠᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠭᠡᠨᠡᠳᠳᠠ ᠬᠦᠬᠡ ᠲᠡᠭᠷᠢ ᠠᠭᠤᠷᠰᠠᠨ᠂ ᠠᠶᠤᠩᠭ᠎ᠠ ᠴᠠᠬᠢᠯᠭᠠᠨ ᠨᠢᠵᠢᠭᠡᠨᠡᠵᠦ᠂ ᠬᠤᠷᠤᠮᠬᠠᠨ ᠵᠠᠭᠤᠷ᠎ᠠ ᠦᠷ ᠭᠡᠶᠢᠨ ᠡᠳᠦᠷ ᠭᠡᠭᠡᠷᠡᠨ ᠲᠤᠩᠭᠠᠯᠠᠭᠰᠢᠨ᠎ᠠ᠃ ᠵᠠᠷᠢᠮ ᠳᠠᠭᠠᠨ ᠪᠠᠶᠢᠭᠠᠯᠢ ᠶᠢᠷᠳᠢᠨᠴᠦ ᠶᠢᠨ ᠴᠠᠭ ᠠᠭᠤᠷ ᠤᠨ ᠬᠤᠪᠢᠷᠠᠯᠳᠠ ᠨᠢ ᠬᠦᠮᠦᠨ ᠤ ᠪᠤᠳᠤᠯ ᠰᠢᠭ᠋ ᠢᠶᠠᠨ ᠡᠰᠡᠬᠦᠯ᠎ᠡ ᠬᠦᠮᠦᠨ ᠤ ᠪᠤᠳᠤᠯ ᠨᠢ ᠪᠠᠶᠢᠭᠠᠯᠢ ᠶᠢᠷᠳᠢᠨᠴᠦ ᠰᠢᠭ ᠢᠶᠠᠨ ᠡᠭᠡᠳᠡᠷᠡᠭᠡᠨ ᠪᠤᠳᠤᠯᠢᠶᠠᠨ ᠲᠠᠢ ᠶᠢ ᠤᠷᠢᠳᠴᠢᠯᠠᠵᠦ ᠲᠦᠰᠦᠪᠯᠡᠬᠦ ᠳᠤ ᠪᠡᠷᠬᠡᠰᠢᠶᠡᠨ᠎ᠡ᠃ ᠠᠮᠢᠳᠤᠷᠠᠯ ᠠᠬᠤᠢ ᠳᠤᠮᠳᠠ ᠦᠨᠡᠨ ᠬᠤᠳᠠᠯ᠂ ᠵᠦᠪ ᠪᠤᠷᠤᠭᠤ ᠦᠨᠦᠷ ᠠᠮᠳᠠ ᠪᠠ ᠬᠠᠷ᠎ᠠ ᠴᠠᠭᠠᠨ ᠤᠯᠠᠨ ᠦᠩᠭᠡ ᠬᠤᠯᠢᠴᠠᠭᠰᠠᠨ ᠤᠴᠠᠷᠠᠯ ᠲᠤᠬᠢᠶᠠᠯᠳᠤᠯ ᠤᠳ ᠨᠢᠳᠦ ᠰᠡᠳᠭᠢᠯ ᠢ ᠡᠷᠢᠶᠡᠨᠳᠡᠭᠦᠯᠦᠨ᠂ ᠰᠢᠷᠤᠢ ᠲᠤᠳᠤᠷ᠎ᠠ ᠠᠴᠠ ᠬᠠᠰ ᠲᠡᠭᠦᠬᠦ ᠮᠡᠳᠦ ᠠᠮᠠᠷᠬᠠᠨ ᠰᠢᠭᠤᠳ ᠢᠯᠭᠠᠨ ᠰᠠᠯᠭᠠᠬᠤ ᠳᠤ ᠬᠦᠴᠢᠷᠳᠡᠨ᠎ᠡ᠃ ᠢᠯᠠᠭᠴᠢ᠂ ᠢᠯᠠᠭᠳᠠᠭᠴᠢ ᠬᠤᠶᠠᠷ ᠲᠠᠯ᠎ᠠ ᠶᠢᠨ ᠬᠦᠮᠦᠰ ᠤᠨ ᠡᠷᠡᠭᠦᠯ ᠪᠤᠰᠦ ᠦᠷᠢᠰᠦᠯᠳᠦᠭᠡᠨ ᠤ ᠬᠤᠷᠤᠮ ᠰᠠᠨᠠᠭ᠎ᠠ᠂ ᠵᠠᠯᠢ ᠮᠡᠭᠡ ᠠᠬᠤᠭᠤᠯᠠᠭᠴᠢ ᠶᠢᠨ ᠬᠡᠨ ᠠᠯᠢᠨ ᠴᠦ ᠬᠠᠮᠤᠭ ᠡᠴᠦᠰ ᠲᠡᠭᠡᠨ ᠲᠠᠯᠠᠭᠠᠷ ᠪᠤᠯᠬᠤ ᠬᠤᠤᠷ ᠤᠨ ᠦᠨᠳᠦᠰᠦᠨ ᠲᠡᠷᠡ ᠪᠢᠰᠢᠦ︕  
 
ᠢᠷᠡᠯᠲᠡ᠄ ᠲᠤᠭᠤᠷᠢᠭ ᠤᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号