| ᠬᠦᠳᠡᠭᠡ ᠶᠢᠨ ᠪᠠᠶᠢᠳᠠᠯ ᠡᠯᠦᠢ ᠬᠤᠯᠤᠢ᠂ ᠴᠠᠭ ᠤᠨ ᠪᠠᠶᠢᠳᠠᠯ ᠤᠷᠤᠭᠠ ᠪᠤᠰᠬᠠᠭᠠ᠂ ᠠᠷᠪᠠ ᠶᠢ | ᠪᠦᠷᠬᠦᠭᠦᠯᠦᠭᠰᠡᠨ ᠠᠷᠠᠳ ᠤᠨ ᠰᠠᠭᠤᠴᠠ ᠠᠲᠡ ᠳᠡᠨᠲᠡ ᠡᠩᠨᠡᠷᠡᠵᠤ᠂ ᠬᠠᠶᠠ ᠵᠠᠷᠢᠮ ᠭᠡᠷ ᠠᠴᠠ ᠤᠳᠤᠭᠠ | ᠰᠤᠭᠤᠨᠤᠭᠯᠠᠨᠠ᠂ ᠠᠶᠢᠯ ᠳᠤᠮᠳᠠ ᠠᠪᠴᠠᠭᠠᠨ ᠤ ᠲᠡᠷᠭᠡ ᠵᠦᠷᠢᠯᠳᠦᠨ᠂ ᠠᠳᠡ ᠲᠡᠨᠳᠡ ᠡᠪᠡᠳᠴᠢᠨ ᠬᠢᠵᠢᠭ ᠤᠨ | ᠴᠢᠮᠡᠭᠡ ᠲᠤᠭᠤᠯᠳᠤᠵᠤ᠂ᠮᠠᠯᠴᠢᠨ ᠬᠦᠮᠦᠨ ᠤ ᠰᠡᠳᠬᠢᠯ ᠢ ᠪᠤᠬᠢᠨᠢᠳᠤᠭᠤᠯᠤᠨᠠ᠂ ᠮᠡᠳᠡᠭᠡ ᠤᠷᠤᠬᠤ ᠠᠴᠠ ᠠᠪᠤᠭᠠᠳ | ᠮᠠᠩᠨᠠᠢ ᠦᠷᠴᠡᠶᠢᠬᠦ ᠪᠤᠯᠲᠠᠯᠠ ᠨᠢᠬᠡ ᠨᠤᠲᠤᠭ ᠢ ᠰᠠᠬᠢᠵᠤ ᠨᠢᠬᠡ ᠠᠮᠢᠳᠤᠷᠠᠯ ᠡᠴᠦᠰᠯᠡᠨᠠ᠃ ᠤᠷᠬᠢᠭᠠ ᠵᠠᠮᠪᠠᠯ ᠤᠨ | ᠬᠤᠪᠳᠤᠭ ᠨᠤᠶᠠᠳ ᠤᠨ ᠵᠤᠭᠤᠭ ᠪᠠ ᠬᠡᠰᠦᠭᠦᠯ ᠲᠤᠷᠵᠢ ᠶᠢᠨ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠶᠠᠷᠢᠶᠠ ᠶᠢ ᠰᠤᠨᠤᠰᠴᠤ ᠴᠠᠭ | ᠬᠤᠭᠤᠴᠠᠭᠠ ᠶᠢ ᠨᠦᠭᠴᠢᠭᠡᠨᠡ᠃ ᠰᠤᠷᠤᠭᠰᠠᠨ ᠠᠵᠢᠯ ᠢᠶᠠᠨ ᠬᠢᠵᠤ᠂ ᠳᠠᠰᠤᠭᠰᠠᠨ ᠠᠮᠢᠳᠤᠷᠠᠯ ᠢᠶᠠᠨ ᠳᠠᠪᠲᠠᠭᠰᠠᠭᠠᠷ᠂ | ᠲᠡᠯᠡᠬᠡᠢ ᠶᠢᠨ ᠬᠦᠭᠵᠢᠯᠲᠠ ᠠᠴᠠ ᠬᠤᠴᠤᠷᠤᠨᠠ᠃ ᠬᠤᠪᠢ ᠵᠠᠶᠠᠭᠠ ᠪᠠᠨ ᠲᠡᠭᠷᠢ ᠳᠤ ᠳᠠᠭᠠᠳᠬᠠᠵᠤ᠂ ᠲᠦᠮᠡᠨ ᠬᠡᠷᠡᠭ | ᠠᠴᠠ ᠬᠤᠴᠤᠷᠤᠨᠠ᠃ ᠬᠠᠭᠤᠴᠢᠨ ᠬᠦᠦ ᠤᠯᠠᠭᠠᠨ ᠮᠤᠲ᠋ᠤᠷ ᠢᠶᠠᠨ ᠤᠨᠤᠭᠰᠠᠭᠠᠷ ᠬᠦᠷᠴᠦ ᠢᠷᠡᠪᠡ᠂ ᠬᠦᠬᠡ | ᠦᠩᠬᠡ ᠲᠠᠢ ᠮᠠᠯᠠᠭᠠᠢ ᠶᠢ ᠲᠤᠯᠤᠭᠠᠢ ᠳᠡᠭᠡᠷᠡ ᠪᠠᠨ ᠲᠠᠯᠪᠢᠵᠠᠢ᠃ ᠬᠦᠨᠳᠦ ᠳᠠᠷᠤᠭᠠᠰᠤ ᠲᠠᠢ ᠴᠢᠷᠠᠢ ᠠᠴᠠ ᠨᠢ | ᠬᠦᠯᠦᠰᠦ ᠪᠦᠮᠪᠦᠷᠢᠵᠤ᠂ ᠬᠠᠨᠴᠤᠢ ᠪᠠᠷ ᠢᠶᠠᠨ ᠬᠦᠯᠦᠰᠦ ᠪᠠᠨ ᠠᠷᠴᠢᠵᠤ ᠠᠪᠤᠭᠠᠳ ᠭᠡᠷ ᠲᠤ ᠤᠷᠤᠪᠠ᠂ ᠭᠠᠯᠳᠠᠨ ᠤ | ᠬᠢ ᠬᠤᠨᠢ ᠬᠤᠳᠠᠯᠳᠤᠪᠠ᠂ ᠪᠠᠭᠠᠲᠤᠷ ᠤᠨ ᠬᠢ ᠬᠤᠲᠠ ᠤᠷᠤᠵᠤ ᠠᠵᠢᠯ ᠤᠯᠪᠠ᠂ ᠵᠢᠭᠮᠡᠳ ᠤᠨ ᠦᠷᠢ ᠶᠢᠨ ᠡᠵᠡᠨ | ᠰᠢᠬᠦᠬᠦ ᠳᠤ ᠵᠠᠭᠠᠯᠳᠤᠪᠠ᠂ ᠰᠦᠮᠪᠦᠷ ᠡᠷᠡ ᠡᠮᠡ ᠬᠤᠶᠠᠷ ᠬᠡᠷᠡᠭᠦᠯ ᠬᠢᠪᠡ ᠬᠡᠬᠦ ᠮᠡᠲᠤ ᠶᠢᠨ ᠠᠶᠢᠯ ᠤᠨ ᠵᠤᠭᠤᠭ ᠢ | ᠰᠤᠨᠢᠨ ᠪᠤᠯᠭᠠᠵᠤ᠂ ᠲᠠᠯᠵᠢ ᠦᠬᠡᠢ ᠭᠡᠵᠤ ᠲᠤᠤᠭᠤᠷ ᠬᠠᠷᠠᠵᠤ᠂ ᠭᠠᠯᠵᠢ ᠦᠬᠡᠢ ᠭᠡᠵᠤ ᠭᠠᠵᠠᠷ ᠢ ᠰᠢᠷᠲᠡᠨᠡ᠃ | ᠬᠡᠳᠦᠶᠢᠪᠡᠷ ᠤᠬᠠᠭᠠᠨ ᠰᠡᠷᠭᠦᠯᠡᠩ ᠪᠤᠯᠪᠠᠴᠤ ᠬᠤᠯᠠ ᠭᠠᠵᠠᠷ ᠶᠠᠪᠤᠭᠰᠠᠨ ᠦᠬᠡᠢ᠂ ᠬᠤᠲᠠ ᠭᠠᠵᠠᠷ ᠢ | ᠦᠵᠡᠭᠰᠡᠨ ᠦᠬᠡᠢ᠂ ᠭᠤᠷᠪᠠᠨ ᠲᠠᠰᠤᠯᠭᠠ ᠮᠠᠯ ᠤᠨ ᠫᠧᠩ ᠳᠤ ᠬᠤᠨᠢ᠂ ᠢᠮᠠᠭᠠ᠂ ᠭᠠᠭ᠋ᠠᠢ ᠭᠤᠷᠪᠠ ᠶᠢ ᠡᠭᠡᠯᠵᠢᠯᠡᠵᠤ | ᠲᠡᠵᠢᠬᠡᠵᠤ᠂ ᠠᠷᠪᠠᠨ ᠮᠤ᠋ ᠭᠠᠵᠠᠷ ᠲᠠᠭᠠᠨ ᠪᠤᠷᠴᠠᠭ᠂ ᠰᠢᠰᠢ᠂ ᠨᠠᠷᠢᠮᠤ ᠭᠤᠷᠪᠠ ᠶᠢ ᠡᠭᠡᠯᠵᠢᠯᠡᠵᠤ ᠲᠠᠷᠢᠵᠤ᠂ ᠤᠷᠲᠤ | ᠤᠳᠠᠭᠠᠨ ᠤᠨ ᠰᠠᠷᠠ ᠶᠢ ᠨᠦᠭᠴᠡᠭᠡᠵᠤ ᠢᠷᠡᠵᠡᠢ᠃ ᠠᠶᠢᠯ ᠤᠨ ᠬᠤᠷᠰᠢᠶᠠᠨ ᠳᠤ ᠤᠴᠢᠪᠡᠯ ᠦᠷᠢ ᠨᠡᠬᠡᠭᠲᠡᠬᠦ ᠠᠴᠠ | ᠠᠶᠤᠵᠤ᠂ ᠪᠠᠯᠭᠠᠰᠤ ᠤᠷᠤᠭᠤ ᠤᠷᠤᠪᠠᠯ ᠪᠠᠩᠬᠢ ᠶᠢᠨ ᠬᠦᠮᠦᠨ ᠲᠠᠭᠠᠷᠠᠬᠤ ᠠᠴᠠ ᠠᠶᠤᠨᠠ᠂ ᠲᠠᠪᠤᠨ ᠵᠢᠯ ᠭᠤᠷᠪᠠᠨ | ᠮᠤᠲ᠋ᠤᠷ ᠰᠤᠯᠢᠭᠰᠠᠨ ᠪᠤᠯᠪᠠᠴᠤ ᠠᠯᠢᠨ ᠤ ᠬᠢᠨ ᠮᠦᠩᠭᠦ ᠶᠢ ᠬᠦᠢᠴᠡᠳ ᠲᠦᠯᠦᠵᠤ ᠲᠡᠶᠢᠯᠦᠬᠡ ᠦᠬᠡᠢ᠂ ᠠᠲᠡ | ᠲᠡᠨᠲᠡ ᠬᠦᠴᠦ ᠪᠠᠷ ᠬᠤᠨᠢ ᠬᠠᠷᠢᠭᠤᠯᠵᠤ ᠦᠵᠡᠭᠰᠡᠨ ᠪᠤᠯᠪᠠᠴᠤ ᠲᠡᠮᠡᠢ ᠦᠯᠡᠳᠡᠬᠦ ᠶᠠᠭᠤᠮᠠ ᠦᠬᠡᠢ᠂ ᠬᠦᠮᠦᠨ | ᠭᠤᠶᠤᠵᠤ ᠠᠮᠢ ᠠᠬᠤᠢ ᠶᠢᠨ ᠠᠩᠬᠢ ᠶᠢ ᠳᠠᠭᠠᠵᠤ ᠠᠵᠢᠯ ᠬᠢᠭᠰᠡᠨ ᠪᠤᠯᠪᠠᠴᠤ ᠬᠦᠮᠦᠨ ᠤ ᠬᠠᠷᠢᠶᠠᠯ ᠢ ᠢᠳᠡᠬᠦ ᠨᠢ | ᠬᠡᠴᠡᠬᠦᠦ᠂ ᠠᠷᠭᠠ ᠪᠤᠰᠤ ᠰᠤᠯᠠ ᠰᠡᠯᠡᠬᠦᠦ ᠪᠠᠷ ᠢᠶᠠᠨ ᠬᠤᠲᠠ ᠤᠷᠤᠵᠤ ᠲᠡᠬᠡᠬᠡᠵᠤ ᠪᠠᠭᠤᠯᠭᠠᠬᠤ ᠠᠵᠢᠯ ᠤᠯᠵᠤ | ᠬᠢᠪᠡ᠂ ᠡᠳᠦᠷ ᠤᠨ ᠤᠯᠤᠭᠰᠠᠨ ᠢᠶᠠᠨ ᠡᠳᠦᠷ ᠲᠡᠭᠡᠨ ᠵᠠᠷᠤᠵᠤ ᠪᠤᠯᠬᠤ ᠲᠤᠯᠠ ᠬᠠᠮᠤᠭ ᠤᠨ ᠡᠷᠬᠡ ᠴᠢᠯᠬᠡ ᠲᠠᠢ ᠠᠵᠢᠯ | ᠪᠤᠯᠪᠠ᠂ ᠬᠤᠲᠠ ᠬᠦᠳᠡᠭᠡ ᠦᠬᠡᠢ ᠲᠤᠤᠷ ᠰᠦᠯᠵᠢᠶᠠ ᠨᠡᠪᠲᠡᠷᠡᠭᠰᠡᠨ ᠲᠤᠯᠠ ᠰᠤᠷᠠᠭ ᠲᠤᠬᠢᠶᠠ ᠰᠠᠶᠢᠨ᠂ ︽ᠺᠤᠸᠠᠢ | ᠱᠸᠤ᠂ ᡁᠢ ᠪᠦᠸᠧ᠂ ᠳ᠋ᠸᠤ ᠶᠢᠨ︶ ᠬᠡᠵᠤ ᠤᠶᠢᠳᠬᠠᠷᠯᠠᠬᠤ ᠶᠠᠭᠤᠮᠠ ᠦᠬᠡᠢ᠂ ᠢᠳᠡᠬᠦ ᠡᠮᠦᠰᠬᠦ ᠪᠠᠰᠠ ᠲᠤᠳᠠᠬᠤ | ᠶᠠᠭᠤᠮᠠ ᠦᠬᠡᠢ᠂ ᠨᠡᠶᠢᠭᠡᠮ ᠤᠨ ᠰᠠᠶᠢᠨ᠂ ᠴᠠᠭ ᠤᠨ ᠰᠠᠶᠢᠬᠠᠨ ᠳᠤ ᠰᠡᠳᠬᠢᠯ ᠰᠠᠨᠠᠭᠠᠨ ᠤ ᠳᠠᠷᠤᠭᠠᠰᠤ ᠲᠠᠢ ᠴᠦ | ᠠᠵᠢᠭ ᠦᠬᠡᠢ ᠠᠮᠢᠳᠤᠷᠠᠵᠤ ᠶᠠᠪᠤᠨᠠ᠂ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠠᠵᠤ ᠠᠬᠤᠢ ᠡᠬᠢᠯᠡᠭᠰᠡᠨ ᠠᠴᠠ ᠠᠪᠤᠭᠠᠳ ᠲᠡᠭᠦᠨ ᠤ | ᠲᠡᠭᠡᠳᠤ ᠦᠶᠡ ᠠᠴᠠ ᠠᠮᠢᠳᠤᠷᠠᠵᠤ ᠢᠷᠡᠭᠰᠡᠨ ᠡᠷᠬᠡ ᠴᠢᠯᠦᠬᠡ ᠲᠠᠢ ᠠᠮᠢᠳᠤᠷᠠᠯ ᠨᠢ ᠨᠡᠬᠡᠨᠲᠡ ᠠᠯᠳᠠᠭᠳᠠᠵᠤ᠂ ᠠᠲᠡ | ᠲᠡᠨᠲᠡ ᠲᠤᠭᠤᠷᠢᠨ ᠡᠯᠳᠡᠪ ᠤᠨ ᠠᠮᠢᠳᠤᠷᠠᠯ ᠢ ᠬᠢᠵᠤ ᠦᠷᠦᠨᠡᠲᠡᠬᠢᠨ ᠤ ᠬᠦᠯᠦᠰᠦᠨ ᠤ ᠠᠵᠢᠯᠴᠢᠨ ᠪᠤᠯᠵᠠᠢ᠂ ᠡᠯᠡ | ᠵᠦᠢᠯ ᠤᠨ ᠵᠠᠷᠤᠳᠠᠯ ᠰᠦᠢᠳᠬᠡᠯ ᠳᠤ ᠬᠠᠷᠢᠭᠤᠴᠠᠬᠤ ᠴᠢᠳᠠᠯ ᠢᠶᠠᠨ ᠠᠯᠳᠠᠵᠤ᠂ ᠬᠡᠶᠢᠰᠦᠪᠡᠯ ᠲᠡᠭᠷᠢ ᠶᠢᠨ ᠳᠤᠤᠷᠠ᠂ | ᠬᠡᠰᠦᠪᠡᠯ ᠦᠪᠡᠷ ᠤᠨ ᠲᠤᠷᠠ ᠬᠡᠵᠤ ᠢᠲᠡᠭᠡᠯ ᠵᠤᠷᠢᠭ ᠢᠶᠠᠨ ᠨᠢᠬᠡᠨᠲᠡ ᠠᠯᠳᠠᠵᠤ᠂ ᠬᠤᠶᠠᠷ ᠨᠢᠲᠤ ᠪᠠᠨ ᠲᠠᠭ ᠠᠨᠢᠵᠤ᠂ | ᠬᠤᠶᠠᠷ ᠴᠢᠬᠢ ᠪᠠᠨ ᠪᠦᠭᠯᠡᠵᠤ᠂ ᠨᠢᠬᠡ ᠠᠶᠢᠮᠠᠭ ᠤᠭᠰᠠᠭᠠ ᠪᠦᠬᠦᠨ ᠢᠶᠠᠷ ᠢᠶᠠᠨ ᠭᠡᠭᠡᠷᠡ ᠬᠦᠲᠡᠭᠡ ᠬᠠᠶᠠᠭᠳᠠᠬᠤ ᠳᠤ | ᠬᠦᠷᠴᠡᠢ᠃ ᠬᠠᠭᠤᠴᠢᠨ ᠨᠡᠶᠢᠭᠡᠮ ᠤᠨ ᠳᠠᠷᠤᠯᠠᠯ᠂ ᠬᠦᠷᠦᠩᠬᠡᠲᠤ ᠨᠡᠶᠢᠭᠡᠮ ᠤᠨ ᠳᠠᠷᠤᠯᠠᠯ᠂ ᠬᠦᠷᠦᠩᠬᠡᠲᠤ ᠶᠤᠰᠤᠨ ᠤ | ᠮᠦᠯᠵᠢᠯ ᠢ ᠬᠠᠭᠤᠴᠢᠨ ᠬᠦᠦ ᠬᠡᠷᠬᠢᠨ ᠮᠡᠳᠡᠵᠤ ᠪᠤᠯᠬᠤ ᠪᠤᠢ᠂ ᠦᠩᠬᠡᠨ ᠲᠠᠯᠠ ᠶᠢᠨ ᠦᠵᠡᠭᠲᠡᠯ ᠳᠤ ᠬᠠᠭᠤᠷᠲᠠᠵᠤ᠂ | ᠦᠰᠦᠨ ᠠᠴᠠ ᠪᠠᠨ ᠤᠯᠠᠨ ᠦᠷᠢ ᠶᠢᠨ ᠡᠵᠡᠨ ᠲᠠᠢ ᠪᠤᠯᠵᠤ ᠶᠠᠪᠤᠨᠠ᠃ | ᠬᠠᠮᠢᠭᠠ ᠲᠠᠷᠤᠯᠠᠯ ᠪᠠᠶᠢᠪᠠᠯ ᠲᠡᠨᠲᠡ ᠡᠰᠡᠷᠭᠦᠴᠡᠯ ᠪᠠᠶᠢᠨᠠ᠂ ᠶᠠᠮᠠᠷ ᠴᠦ ᠶᠠᠭᠤᠮᠠ ᠲᠣᠶᠢᠯ ᠳᠤ ᠪᠠᠨ ᠲᠤᠯᠪᠠᠯ | ᠪᠤᠴᠠᠬᠤ ᠵᠠᠮ ᠪᠤᠢ᠂ ᠬᠠᠭᠤᠴᠢᠨ ᠬᠦᠦ ᠶᠢᠨ ᠨᠢᠬᠡ ᠨᠦᠬᠦᠷ ᠨᠢ ᠬᠤᠪᠢᠰᠬᠠᠯ ᠤᠨ ᠫᠤᠤ ᠲᠠᠯᠪᠢᠭᠰᠠᠨ ᠠᠴᠠ ᠨᠢᠬᠡ | ᠠᠶᠢᠮᠠᠭ ᠰᠡᠷᠢᠪᠡ᠂ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠠᠴᠠ ᠴᠠᠰᠢ ᠭᠠᠵᠠᠷ ᠪᠠᠶᠢᠬᠤ ᠶᠢ ᠮᠡᠳᠡᠵᠤ᠂ ᠬᠢᠵᠠᠭᠠᠷ ᠲᠠᠢ ᠬᠡᠳᠦᠨ | ᠬᠦᠷᠦᠩᠬᠡ ᠠᠴᠠ ᠨᠢ ᠬᠢᠵᠠᠭᠠᠷ ᠦᠬᠡᠢ ᠶᠡᠭᠡ ᠦᠷᠲᠡᠭ ᠪᠠᠶᠢᠬᠤ ᠶᠢ ᠮᠡᠳᠡᠪᠡ᠂ ᠵᠠᠬᠠ ᠲᠡᠯᠭᠡᠭᠦᠷ ᠢᠶᠠᠨ ᠬᠠᠮᠠᠭᠠᠯᠠᠬᠤ | ᠲᠡᠶᠢᠯᠬᠦ ᠦᠬᠡᠢ ᠪᠤᠯ ᠭᠠᠵᠠᠷ ᠰᠢᠷᠤᠢ ᠮᠠᠯ ᠰᠦᠷᠦᠭ ᠪᠠᠶᠢᠲᠤᠭᠠᠢ ᠦᠪᠡᠷ ᠤᠨ ᠡᠷᠬᠡ ᠴᠢᠯᠦᠬᠡ ᠪᠠᠨ ᠬᠠᠮᠠᠭᠠᠯᠠᠵᠤ | ᠲᠡᠶᠢᠯᠬᠦ ᠦᠬᠡᠢ ᠭᠡᠳᠡᠭ ᠢ ᠤᠬᠠᠭᠠᠷᠠᠪᠠ᠂ ᠶᠠᠭᠤᠮᠠ ᠨᠢ ᠬᠦᠭᠵᠢᠬᠦ ᠲᠤᠳᠤᠮ ᠬᠦᠮᠦᠨ ᠨᠢ ᠶᠠᠳᠠᠭᠤᠷᠠᠵᠤ ᠪᠠᠶᠢᠭᠠ᠂ | ᠴᠢᠮᠡᠭᠡ ᠰᠤᠷᠠᠭ ᠨᠢ ᠢᠯᠡ ᠪᠤᠯᠬᠤ ᠲᠤᠳᠤᠮ ᠦᠨᠡᠨ ᠬᠤᠳᠠᠯ ᠢ ᠨᠡᠩ ᠢᠯᠭᠠᠵᠤ ᠲᠡᠶᠢᠯᠬᠦ ᠦᠬᠡᠢ ᠪᠤᠯᠵᠤ ᠪᠠᠶᠢᠭᠠ ᠶᠢ | ᠰᠡᠳᠬᠢᠵᠤ ᠡᠬᠢᠯᠡᠪᠡ᠃ ᠠᠯᠢᠪᠠ ᠶᠢ ᠨᠡᠪᠲᠡ ᠮᠡᠳᠡᠭᠰᠡᠨ ᠰᠢᠭ ᠠᠭᠠᠰᠢᠯᠠᠳᠠᠭ ᠬᠦᠮᠦᠨ ᠭᠡᠳᠡᠭ ᠠᠮᠢᠲᠠᠨ ᠤ ᠬᠢᠷᠢ ᠬᠡᠮ | ᠢ ᠰᠡᠵᠢᠭᠯᠡᠵᠤ ᠡᠬᠢᠯᠡᠪᠡ᠃ ᠦᠯᠦᠰᠭᠦᠯᠡᠩ ᠪᠠᠶᠢᠲᠠᠯᠠ ᠪᠠᠨ ᠴᠠᠳᠬᠤᠯᠠᠩ ᠤᠪᠯᠠᠬᠤ᠂ ᠡᠪᠡᠳᠴᠢᠨ ᠲᠠᠢ ᠪᠠᠶᠢᠲᠠᠯᠠ | ᠪᠠᠨ ᠡᠷᠡᠭᠦᠯ ᠢᠶᠠᠷ ᠤᠪᠯᠠᠬᠤ᠂ ᠦᠷᠢ ᠲᠠᠢ ᠪᠠᠶᠢᠲᠠᠯᠠ ᠪᠠᠨ ᠪᠠᠶᠠᠨ ᠢᠶᠠᠷ ᠤᠪᠯᠠᠬᠤ᠂ ᠦᠬᠡᠨᠴᠡ ᠪᠠᠶᠢᠲᠠᠯᠠ ᠪᠠᠨ | ᠮᠡᠷᠬᠡᠨ ᠢᠶᠠᠷ ᠤᠪᠯᠠᠬᠤ ᠲᠡᠳᠡᠭᠡᠷ ᠬᠦᠮᠦᠨ ᠢ ᠵᠢᠭ᠍ᠰᠢᠵᠤ ᠡᠬᠢᠯᠡᠪᠡ᠃ ᠨᠢᠴᠦᠭᠦᠨ ᠬᠠᠭᠠᠨ ᠢ ᠬᠠᠷᠠᠭᠠᠳ ᠬᠤᠪᠴᠠᠰᠤ ᠨᠢ | ᠭᠤᠶᠤ ᠭᠡᠵᠤ ᠮᠠᠭᠳᠠᠭᠰᠠᠨ ᠲᠤᠮᠤ ᠬᠦᠮᠦᠨ ᠪᠤᠯᠤᠨ᠂ ᠦᠨᠡᠨ ᠲᠦᠷᠢ ᠶᠢ ᠨᠢ ᠰᠢᠭᠤᠳ ᠬᠡᠯᠡᠭᠰᠡᠨ ᠪᠢᠴᠢᠬᠠᠨ ᠬᠡᠦᠬᠡᠨ | ᠤ ᠦᠯᠢᠬᠡᠷ ᠲᠤᠳᠤᠷᠠ ᠨᠢ ᠪᠤᠳᠤᠭᠳᠠᠵᠤ ᠢᠷᠡᠪᠡ᠃ ᠲᠡᠭᠷᠢ ᠶᠢᠨ ᠳᠤᠤᠷᠠ ᠲᠡᠭᠰᠢ ᠪᠠᠶᠢᠳᠠᠭ ᠶᠤᠰᠤ ᠶᠢ, ᠮᠡᠳᠡᠵᠤ᠂ | ᠲᠠᠪᠤᠨ ᠲᠢᠪ᠂ ᠲᠦᠷᠪᠡᠨ ᠲᠠᠯᠠᠢ᠂ ᠲᠡᠦᠬᠡ ᠶᠢᠨ ᠲᠡᠮᠡᠴᠡᠵᠤ ᠢᠷᠡᠭᠰᠡᠨ ᠦᠨᠡᠨ ᠶᠤᠰᠤ ᠶᠢ ᠤᠶᠢᠯᠠᠭᠠᠨ ᠬᠠᠮᠲᠤ | ᠶᠠᠪᠤᠬᠤ ᠵᠠᠮ ᠢ ᠨᠡᠬᠡᠭᠡᠪᠡ᠂ ᠬᠦᠬᠡ ᠮᠤᠩᠭᠤᠯ ᠤᠯᠭᠠᠨ ᠮᠤᠩᠭᠤᠯ ᠪᠤᠯᠪᠠ᠂ ᠬᠠᠭᠤᠴᠢᠨ ᠬᠦᠦ ᠰᠢᠨᠠ ᠬᠦᠦ ᠪᠤᠯᠪᠠ᠂ | ᠶᠠᠭᠤᠲᠠᠢ ᠪᠠᠶᠠᠷ᠂ ᠶᠠᠭᠤᠲᠠᠢ ᠵᠠᠪᠰᠢᠶᠠᠨ︕ | | |