| ᠲᠦᠨᠡᠷ ᠬᠠᠷᠠᠩᠭᠤᠢ ᠰᠦᠨᠢ ᠶᠢᠨ ᠲᠡᠭᠷᠢ ᠳᠤ ᠮᠥᠩᠭᠦᠨ ᠰᠠᠷᠠᠨ ᠳᠡᠭᠡᠷᠡ ᠳᠡᠭᠳᠡᠭᠰᠡᠨ ᠨᠢ ᠬᠦᠮᠦᠨ ᠳᠤ ᠶᠠᠮᠠᠷ | ᠨᠢᠭᠡᠨ ᠢ ᠰᠡᠳᠭᠢᠭᠦᠯᠦᠮᠡᠷ᠃ ᠡᠨᠡ ᠴᠤ ᠶᠠᠭᠠᠬᠢᠮᠠᠢ᠃ ᠮᠣᠩᠭᠤᠯ ᠠᠢᠯ ᠤᠨ ᠭᠡᠷ ᠤᠨ ᠭᠠᠳᠠᠨᠠ ᠪᠦᠲᠦᠨ ᠡᠳᠦᠷ | ᠢᠳᠡᠰᠢᠯᠡᠭᠡᠳ ᠢᠷᠠᠭᠯᠠᠨ ᠬᠡᠪᠲᠡᠭᠡ ᠴᠠᠳᠬᠬᠤᠯᠠᠩ ᠬᠤᠨᠢᠳ ᠡᠵᠡᠨ ᠤ ᠬᠢ ᠪᠠᠨ ᠬᠤᠨᠢᠨ ᠬᠤᠲᠠ ᠶᠢ ᠲᠦᠭᠦᠷᠭᠡᠨᠡ᠃ | ᠮᠥᠩᠭᠦᠨ ᠰᠠᠷᠠᠨ ᠳᠡᠭᠡᠷᠡ ᠳᠡᠭᠳᠡᠵᠦ ᠲᠦᠨᠡᠷ ᠬᠠᠷᠠᠩᠭᠤᠢ᠃ ᠬᠥᠮᠦᠨ ᠤ ᠬᠥᠯ ᠨᠠᠮᠵᠢᠵᠤ ᠲᠠᠢᠪᠤᠩ ᠪᠠᠢᠳᠠᠯ ᠳᠤ | ᠣᠷᠤᠭᠰᠠᠨ ᠡᠬᠡ ᠲᠡᠯᠡᠬᠡᠢ ᠶᠢ ᠭᠡᠢᠭᠦᠯᠬᠦ ᠳᠤ ᠴᠠᠳᠬᠤᠯᠠᠩ ᠬᠤᠨᠢᠳ ᠡᠵᠡᠨ ᠤ ᠬᠢ ᠪᠠᠨ ᠪᠤᠶᠠᠨ ᠨᠢ ᠪᠣᠯᠵᠤ | ᠬᠤᠷᠢᠶᠠᠭᠳᠠᠨᠠ᠃ ᠮᠣᠩᠭᠤᠯ ᠠᠮᠢᠳᠤᠷᠠᠯ ᠢᠮᠦ ᠯᠡ ᠰᠠᠢᠬᠠᠨ ᠪᠠᠢᠳᠠᠭ ᠠᠵᠢ᠃ ᠢᠰᠡᠭᠡᠢ ᠲᠤᠭᠤᠷᠭᠠᠲᠠᠨ ᠥᠭᠡᠬᠦᠨ | ᠴᠠᠭᠠᠨ ᠢᠰᠡᠭᠡᠢ ᠭᠡᠷ ᠲᠤ ᠪᠠᠨ ᠰᠠᠭᠤᠳᠠᠭ ᠭᠡᠳᠡᠭ᠃ ᠭᠡᠲᠡᠯᠡ ᠁ ᠮᠠᠨ ᠤ ᠨᠤᠲᠤᠭ ᠤᠨ ᠬᠢᠨ ᠡᠷᠲᠡᠨ ᠠᠴᠠ ᠪᠠᠨ | ᠡᠨᠡ ᠬᠦ ᠮᠣᠩᠭᠤᠯ ᠵᠠᠩᠰᠢᠯ ᠢᠶᠠᠨ ᠬᠠᠶᠠᠵᠤ ᠲᠦᠷᠪᠡᠯᠵᠢᠨ ᠭᠤᠷᠪᠠᠨ ᠲᠠᠰᠤᠯᠭᠠ ᠤᠯᠠᠭᠠᠨ ᠸᠠᠭᠠᠷᠤᠨ ᠪᠠᠢᠰᠢᠩ ᠳᠤ | ᠶᠡᠭᠡ ᠯᠡ ᠡᠷᠬᠡ ᠰᠦᠷ ᠲᠠᠢ ᠬᠤᠰᠢᠭᠤ ᠸᠠᠩ ᠤᠨ ᠨᠣᠶᠠᠨ ᠮᠡᠲᠦ ᠰᠠᠭᠤᠳᠠᠭ ᠪᠣᠯᠤᠭᠰᠠᠨ ᠨᠢ ᠶᠠᠮᠠᠷ ᠭᠡᠵᠦ ᠶᠠᠷᠢᠬᠤ | ᠪᠣᠢ︖ ᠪᠢ ᠶᠠᠭ ᠢᠮᠦᠷᠬᠡᠨ ᠡᠩ ᠤᠨ ᠨᠢᠭᠡᠨ ᠮᠠᠯᠴᠢᠨ ᠤ ᠤᠲᠤᠭᠠᠲᠤ ᠪᠣᠷᠤ ᠭᠡᠷ ᠲᠤ 2007 ᠣᠨ ᠳᠤ | ᠮᠠᠨᠴᠤᠢ ᠳᠤ ᠪᠠᠨ ᠢᠷᠡᠵᠦ ᠮᠠᠯᠴᠢᠨ ᠴᠢᠯᠠᠭᠤ ᠰᠤᠮᠢᠶᠠᠭᠡᠷᠡᠯ ᠤᠨ ᠦᠷᠡ ᠶᠢᠨ ᠭᠠᠭᠴᠠ ᠦᠬᠢᠨ ᠨᠢ ᠪᠣᠯᠵᠤ | ᠵᠠᠶᠠᠭᠠᠭᠠᠳ ᠬᠠᠷᠠᠴᠤ ᠶᠢᠨ ᠭᠡᠷ ᠲᠤ ᠪᠠᠶᠠᠷ ᠤᠨ ᠴᠢᠮᠡᠭᠡ ᠭᠦᠷᠭᠡᠵᠦ ᠢᠷᠡᠵᠦ ᠪᠢᠯᠡ᠃ ᠮᠠᠨᠴᠤᠢ ᠳᠤ ᠪᠠᠨ ᠢᠷᠡᠵᠦ | ᠡᠵᠢ ᠪᠠᠨ ᠪᠢ ᠭᠠᠭᠴᠠᠬᠠᠨ ᠤᠳᠠᠭᠠ ᠵᠢᠷᠭᠠᠭᠠᠭᠰᠠᠨ᠂ ᠮᠠᠭᠠᠳ ᠦᠭᠡᠢ ᠲᠡᠭᠦᠨ ᠠᠴᠠ ᠬᠤᠢᠰᠢ ᠡᠵᠢ ᠪᠠᠨ ᠪᠢ | ᠳᠡᠩᠳᠡ ᠪᠠᠨ ᠵᠣᠪᠠᠭᠠᠭᠰᠠᠨ᠃ ᠤᠯᠠᠠᠭᠠᠨ ᠨᠢᠯᠬᠠ ᠠᠴᠠ ᠪᠠᠨ ᠲᠣᠰᠤᠨ ᠳᠡᠭᠡᠷᠡ ᠲᠣᠭᠯᠠᠵᠤ᠂ ᠲᠣᠷᠭᠠᠨ ᠳᠤ | ᠪᠠᠭᠯᠠᠭᠳᠠᠵᠤ ᠥᠰᠦᠭᠡᠳ ᠲᠠᠪᠤᠨ ᠨᠠᠰᠤᠲᠠᠢ ᠲᠡᠷᠡ ᠵᠢᠯ ᠳᠤ ᠪᠠᠨ ᠪᠢ ᠠᠩᠬᠠ ᠬᠡᠦᠬᠡᠳ ᠤᠨ ᠴᠡᠴᠡᠷᠯᠢᠭ ᠤᠨ ᠠᠯᠲᠠᠨ | ᠪᠣᠱᠤᠭᠠ ᠶᠢ ᠠᠯᠬᠤᠨ ᠤᠷᠤᠭᠰᠠᠨ ᠨᠢ ᠰᠤᠷᠭᠠᠭᠤᠯᠢ ᠰᠣᠶᠤᠯ ᠤᠨ ᠮᠦᠷ ᠬᠥᠭᠡᠭᠡᠵᠦ ᠬᠤᠨ ᠭᠠᠯᠠᠭᠤᠨ ᠤ ᠨᠢᠰᠦᠭᠡᠳ | ᠬᠦᠷᠬᠦ ᠦᠭᠡᠢ ᠭᠠᠵᠠᠷ ᠠᠴᠠ ᠡᠷᠳᠡᠨᠢ ᠡᠪᠦᠷᠯᠡᠬᠦ ᠠᠵᠠ ᠲᠠᠢ ᠪᠣᠯᠤᠭᠰᠠᠨ ᠢᠶᠠᠨ ᠮᠡᠳᠡᠯ ᠦᠭᠡᠢ ᠶᠠᠪᠤᠭᠰᠠᠨ᠃ ᠲᠡᠭᠡᠭᠡᠳ | ᠭᠠᠷᠠᠭ ᠲᠠᠷᠬᠠᠬᠤ ᠪᠦᠷᠢ ᠳᠤ ᠪᠠᠨ ᠭᠡᠷ ᠲᠤ ᠪᠠᠨ ᠬᠠᠷᠢᠳᠠᠭ ᠪᠠᠢᠭᠰᠠᠨ᠃ ᠮᠠᠯᠴᠢᠨ ᠬᠦᠮᠦᠨ ᠳᠤ ᠭᠠᠷᠠᠭ ᠤᠨ | ᠠᠮᠠᠷᠠᠯᠲᠠ ᠭᠡᠵᠦ ᠪᠠᠢᠳᠠᠭ ᠦᠭᠡᠢ᠃ ᠠᠵᠢᠯ ᠨᠢ ᠴᠤ ᠤᠨᠳᠤᠷᠤᠭᠠᠳ ᠯᠡ ᠪᠠᠶᠢᠳᠠᠭ᠃ ᠮᠠᠨ ᠤ ᠬᠢ ᠭᠡᠷ ᠲᠤ ᠶᠠᠭᠠᠷᠠᠤ | ᠭᠡᠳ ᠵᠠᠷᠢᠮ ᠭᠠᠷᠠᠭ ᠲᠤ ᠪᠠᠨ ᠬᠠᠷᠢᠳᠠᠭ ᠦᠭᠡᠢ᠃ ᠨᠠᠳᠠ ᠶᠢ ᠬᠠᠷᠠᠭᠠᠯᠵᠠᠳᠠᠭ ᠠᠢᠯ ᠤᠨ ᠠᠨᠢᠶᠠ ᠶᠢᠨ ᠳᠤ ᠰᠠᠭᠤᠳᠠᠭ᠃ | ᠪᠢ ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠪᠠᠯᠭᠠᠰᠤᠨ ᠤ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠵᠠᠢ᠃ ᠪᠠᠯᠭᠠᠰᠤ ᠮᠠᠨ ᠤ ᠲᠣᠰᠬᠤᠨ ᠠᠴᠠ ᠵᠠᠭᠤ | ᠢᠯᠡᠭᠦᠦ ᠺᠢᠯᠣᠮᠧᠳ᠋ᠷ ᠵᠶᠢᠲᠠᠢ᠃ ᠪᠢ ᠲᠠᠪᠤᠨ ᠨᠠᠰᠤᠲᠠᠢ ᠴᠡᠴᠡᠷᠯᠢᠭ ᠲᠤ ᠬᠦᠷᠭᠡᠭᠳᠡᠵᠡᠢ᠃ ᠨᠠᠳᠠ ᠲᠠᠢ ᠬᠠᠮᠲᠤ ᠬᠠᠮᠤᠭ | ᠠᠩᠬᠠ ᠴᠡᠴᠡᠷᠯᠢᠭ ᠤᠨ ᠡᠭᠦᠳᠡ ᠶᠢ ᠠᠯᠬᠤᠭᠰᠠᠨ ᠬᠦᠮᠦᠨ ᠨᠢ ᠡᠵᠢ ᠮᠢᠨᠢ ᠪᠠᠢᠭᠰᠠᠨ ᠪᠣᠯ ᠲᠡᠭᠦᠨ ᠠᠴᠠ ᠰᠡᠭᠦᠯᠡᠷ | ᠨᠠᠳᠠ ᠲᠠᠢ ᠬᠠᠮᠲᠤ ᠴᠡᠴᠡᠷᠯᠢᠭ ᠤᠨ ᠡᠭᠦᠳᠡ ᠶᠢ ᠠᠯᠬᠤᠳᠠᠭ ᠬᠦᠮᠦᠨ ᠨᠢ ᠠᠢᠯ ᠤᠨ ᠠᠨᠢᠶᠠ ᠪᠠᠢᠭᠰᠠᠨ ᠨᠢ ᠣᠳᠤ | ᠡᠷᠭᠢᠴᠡᠭᠦᠯᠬᠦ ᠳᠤ ᠲᠡᠷᠡ ᠨᠢ ᠴᠤ ᠠᠷᠭᠠ ᠦᠭᠡᠢ ᠪᠠᠢᠭᠰᠠᠨ ᠪᠠᠢᠵᠠᠢ᠃ | ᠲᠡᠷᠡ ᠤᠳᠠᠭᠠ ᠪᠢ ᠭᠡᠷ ᠲᠤ ᠪᠠᠨ ᠬᠠᠷᠢᠭᠰᠠᠨ ᠰᠥᠨᠢ ᠰᠠᠨ᠃᠃ ᠠᠩᠬᠠ ᠴᠡᠴᠡᠷᠯᠢᠭ ᠲᠤ ᠣᠷᠤᠭᠠᠳ | ᠠᠷᠪᠠᠭᠠᠳ ᠡᠳᠦᠷ ᠤᠨ ᠳᠠᠷᠠᠭᠠ᠃ ᠬᠤᠶᠠᠳᠡᠬᠢ ᠤᠳᠠᠭᠠᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠠ ᠲᠠᠷᠬᠠᠯᠲᠠ ᠳᠡᠭᠡᠷᠡ᠃ ᠪᠢ | ᠭᠡᠷ ᠲᠤ ᠪᠠᠨ ᠬᠠᠷᠢᠬᠤ ᠳᠤ ᠡᠵᠢ ᠡᠮᠲᠡᠷᠡᠵᠦ ᠬᠤᠯᠲᠠᠷᠠᠭᠰᠠᠨ ᠨᠣᠮ ᠬᠠᠳᠠᠭᠠᠯᠠᠳᠠᠭ ᠪᠣᠷᠤ ᠬᠠᠢᠷᠴᠠᠭ ᠠᠴᠠ ᠪᠠᠨ ᠨᠢᠭᠡ | ᠳᠡᠪᠲᠡᠷ ᠬᠠᠰᠢ ᠶᠢᠨ ᠪᠣᠷᠤ ᠥᠩᠭᠡ ᠲᠠᠢ ︽ᠬᠡᠦᠬᠡᠳ ᠤᠨ ᠰᠣᠳᠤᠨ ᠦᠯᠢᠭᠡᠷ︾ ᠬᠡᠮᠡᠬᠦ ᠨᠣᠮ ᠢ ᠭᠠᠷᠭᠠᠵᠤ ᠢᠷᠡᠭᠰᠡᠨ | ᠪᠢᠯᠡ᠃ ᠪᠢ ᠲᠡᠷᠡ ᠦᠶᠡ ᠨᠣᠮ ᠭᠡᠭᠴᠢ ᠶᠠᠭᠤ ᠶᠢ ᠮᠡᠳᠡᠬᠦ ᠴᠤ ᠨᠢᠭᠡ ᠦᠰᠦᠭ ᠲᠠᠨᠢᠬᠤ ᠦᠭᠡᠢ ︽ᠰᠣᠬᠤᠷ︾ | ᠬᠦᠮᠦᠨ ᠪᠠᠢᠭᠰᠠᠨ᠃ ᠪᠢ ᠡᠵᠢ ᠠᠴᠠ ᠪᠡ ︽ᠡᠨᠡ ᠶᠠᠭᠤᠨ ᠤ ᠳᠡᠪᠲᠡᠷ ᠪᠣᠢ︖︾ ᠭᠡᠵᠦ ᠬᠡᠦᠬᠡᠳ ᠤᠨ | ᠴᠣᠪᠤᠭᠤᠯᠢᠭ ᠳᠠᠭᠤᠨ ᠢᠶᠠᠷ ᠬᠠᠴᠢᠷᠬᠠᠨ ᠠᠰᠠᠭᠤᠯᠠ᠃ ᠡᠵᠢ ︽ᠦᠯᠢᠭᠡᠷ ᠤᠨ ᠳᠡᠪᠲᠡᠷ᠂ ᠴᠢᠮᠠ ᠶᠢ ᠴᠡᠴᠡᠷᠯᠢᠭ ᠤᠨ | ᠡᠭᠦᠳᠡ ᠶᠢ ᠠᠯᠬᠤᠭᠰᠠᠨ ᠤ ᠴᠢᠨᠢ ᠬᠠᠮᠤᠭ ᠠᠩᠬᠠᠨ ᠤ ᠪᠡᠯᠡᠭ︾ ᠭᠡᠯᠡ᠃ ︽ᠲᠠ ᠨᠠᠳᠠ ᠳᠤ ᠦᠯᠢᠭᠡᠷ ᠢ ᠨᠢ | ᠶᠠᠷᠢᠵᠤ ᠥᠭᠴᠦ ᠪᠣᠯᠬᠤ ᠦᠦ︖︾ ᠭᠡᠬᠦ ᠳᠤ ᠡᠵᠢ ︽ᠲᠡᠭᠡᠶᠡ᠃ ᠡᠯᠳᠡᠪ ᠵᠦᠢᠯ ᠢᠵᠢᠢ ᠨᠢ ᠨᠠᠭᠠᠳᠤᠬᠢ | ᠠᠵᠢᠯ ᠢᠶᠠᠨ ᠳᠠᠭᠤᠰᠬᠠᠴᠢᠬᠠᠭᠠᠳ ᠦᠬᠢᠨ ᠳᠤ ᠪᠠᠨ ᠶᠠᠷᠢᠵᠤ ᠥᠭᠭᠦᠨᠡ︾ ᠭᠡᠯᠡ᠃ | ᠢᠵᠢᠢ ᠮᠢᠨᠢ ᠤᠳᠠᠵᠤ ᠲᠦᠳᠡᠯ ᠦᠭᠡᠢ ᠪᠠᠷ ᠭᠠᠷ ᠲᠠᠬᠢ ᠠᠵᠢᠯ ᠢᠶᠠᠨ ᠳᠠᠭᠤᠰᠬᠠᠯᠠ᠃ ᠨᠠᠳᠠ ᠳᠤ ᠦᠰᠦᠭ | ᠭᠡᠭᠡᠯ ᠦᠭᠡᠢ ᠤᠩᠰᠢᠵᠤ ᠥᠭᠭᠦᠯᠡ᠃ ᠭᠠᠳᠠᠨᠠ ᠲᠡᠷᠭᠡᠯ ᠰᠠᠷᠠᠨ ᠣᠭᠲᠠᠷᠭᠤᠢ ᠳᠡᠭᠡᠷᠡ ᠲᠠᠢᠪᠤᠩ ᠳᠡᠭᠳᠡᠨᠡ᠃ | ᠭᠤᠷᠪᠠᠨ ᠲᠠᠰᠤᠯᠭᠠ ᠤᠯᠠᠭᠠᠨ ᠸᠠᠭᠠᠷᠤᠨ ᠪᠠᠢᠰᠢᠩ ᠳᠤ ᠦᠯᠢᠭᠡᠷ ᠶᠠᠷᠢᠬᠤ ᠳᠠᠭᠤᠨ ᠦᠷᠭᠦᠯᠵᠢᠯᠡᠨᠡ᠃ | ᠢᠵᠢᠢ ᠮᠢᠨᠢ ᠶᠡᠷᠦ ᠠᠴᠠ ᠪᠠᠨ ᠠᠵᠢᠯ ᠳᠤ ᠰᠠᠢᠨ᠃ ᠬᠥᠯ ᠬᠥᠩᠭᠡᠨ᠃ ᠭᠡᠲᠡᠯᠡ ᠲᠡᠷᠡ ᠡᠳᠦᠷ ᠢᠵᠢᠢ ᠮᠢᠨᠢ | ᠶᠡᠷᠦ ᠪᠣᠰᠤ ᠶᠢᠨ ᠪᠠᠶᠠᠷᠲᠠᠢ᠃ ᠶᠠᠭᠤᠨ ᠳᠤ ᠨᠢ ᠪᠦᠦ ᠮᠡᠳᠡ᠃ ᠠᠵᠢᠯ ᠳᠤ ᠪᠠᠨ ᠨᠢᠭᠡ ᠯᠡ ᠡᠩ ᠤᠨ ᠪᠢᠰᠢ ᠰᠠᠢᠨ | ᠪᠠᠢᠯᠠ᠃ ᠪᠣᠳᠤᠬᠤ ᠳᠤ ᠠᠵᠢᠯ ᠢᠶᠠᠨ ᠬᠤᠷᠳᠤᠬᠠᠨ ᠥᠨᠳᠦᠷᠯᠡᠭᠦᠯᠴᠢᠬᠡᠭᠡᠳ ᠦᠷᠡ ᠨᠠᠳᠠ ᠳᠤ ᠪᠠᠨ ᠰᠤᠶᠤᠯ ᠤᠨ | ᠨᠢᠯᠬᠠ ᠰᠣᠶᠤᠭᠠ ᠶᠢ ᠤᠷᠭᠤᠭᠤᠯᠬᠤ ᠭᠡᠰᠡᠨ ᠬᠦᠰᠡᠯ ᠲᠠᠢ ᠪᠠᠢᠯ ᠦᠭᠡᠢ᠃ | ᠲᠡᠷᠡ ᠰᠥᠨᠢ ᠶᠢ ᠪᠣᠳᠤᠬᠤ ᠪᠦᠷᠢ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠨᠣᠮ ᠤᠷᠤᠭᠤ ᠲᠡᠮᠡᠦᠯᠡᠨᠡ᠃ ᠣᠳᠣ ᠪᠣᠯᠲᠠᠯᠠ | ᠨᠠᠮᠠ ᠶᠢ ᠨᠣᠮ ᠤᠨ ᠠᠮᠲᠠᠨ ᠳᠤ ᠰᠠᠭᠠᠲᠠᠭᠠᠳᠠᠭ ᠤᠨ ᠤᠴᠢᠷ ᠨᠢ ᠯᠠᠪ ᠲᠡᠷᠡ ᠰᠥᠨᠢ ᠶᠢᠨ ᠤᠴᠢᠷ ᠠᠴᠠ ᠪᠠᠢᠬᠠ ᠳ᠋ᠠ᠃ | | |