ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ
50᠂ ︽ᠪᠢᠴᠢᠬᠠᠨ ᠬᠤᠩ ᠲᠠᠶᠢᠵᠢ︾ — ᠠᠨ᠋ᠲ᠋ᠤᠨᠢᠤ᠋ ᠳ᠋ᠧ ᠰᠧᠨ᠋ᠲ ᠡᠺᠶᠤᠫᠷᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/6/24
      50᠂ ︽ᠪᠢᠴᠢᠬᠠᠨ ᠬᠤᠩ ᠲᠠᠶᠢᠵᠢ︾ — ᠠᠨ᠋ᠲ᠋ᠤᠨᠢᠤ᠋ ᠳ᠋ᠧ ᠰᠧᠨ᠋ᠲ ᠡᠺᠶᠤᠫᠷᠢ     ᠲᠤᠰ ᠨᠤᠮ ᠳᠤ ᠤᠰᠺᠠᠷ ᠤᠸᠠᠶᠢᠯᠢᠳ᠋ ᠶᠢᠨ ᠪᠢᠴᠢᠭᠰᠡᠨ ᠵᠢᠷᠭᠤᠭᠠᠨ ᠵᠤᠬᠢᠶᠠᠯ ᠪᠠᠭᠳᠠᠯᠵᠠᠨ᠎ᠠ᠃             ︽ᠵᠠᠯᠠᠭᠤ ᠬᠠᠭᠠᠨ︾   ᠬᠠᠭᠠᠨ ᠤ ᠡᠷᠬᠢᠮᠰᠥᠭ ᠠᠮᠢᠳᠤᠷᠠᠯ ᠬᠢᠭᠡᠳ ᠬᠠᠷᠠᠴᠤ ᠪᠤᠭᠤᠯᠴᠤᠳ ᠤᠨ ᠬᠠᠷᠠᠰᠠᠯᠳᠠᠢ ᠠᠮᠢᠳᠤᠷᠠᠯ ᠢ ᠬᠠᠷᠢᠴᠠᠭᠤᠯᠤᠨ ᠪᠢᠴᠢᠵᠠᠢ᠃   ︽ᠲᠡᠷᠡ ᠮᠢᠨᠤ ᠯᠡ ᠨᠢᠭᠡᠨ ᠠᠳᠠᠯᠢ ᠬᠥᠮᠥᠨ᠃ ᠪᠢᠳᠡᠨ  ᠤ ᠬᠤᠭᠤᠷᠤᠨᠳᠤ ᠶᠢᠨ ᠢᠯᠭᠠᠭ᠎ᠠ ᠭᠡᠪᠡᠯ ᠲᠠᠷᠠ ᠵᠥᠪᠭᠡᠨ ᠭᠤᠶᠤ ᠰᠠᠶᠢᠬᠠᠨ᠂ ᠥᠨᠡᠳᠤ ᠬᠤᠪᠴᠠᠰᠤ ᠡᠮᠤᠰᠳᠡᠭ᠃ ᠬᠠᠷᠢᠨ ᠪᠢ ᠨᠤᠤᠷᠬᠠᠢ᠂ ᠮᠥᠷᠤ ᠪᠠᠨ ᠤᠯᠠᠶᠢᠯᠭᠠᠨ ᠶᠠᠪᠤᠳᠠᠭ᠂ ᠪᠢ ᠴᠠᠭ ᠢᠮᠠᠬᠳᠠ ᠥᠯᠥᠰᠬᠦᠯᠡᠩ ᠠᠴᠠ ᠪᠤᠯᠵᠤ ᠰᠤᠯᠠᠳᠠᠨ ᠴᠡᠴᠡᠷᠡᠳᠡᠭ᠂ ᠬᠠᠷᠢᠨ ᠲᠡᠷᠡ ᠬᠡᠳᠤᠷᠭᠡᠢ ᠶᠡᠭᠡ ᠢᠳᠡᠭᠰᠡᠨ ᠳᠤ ᠪᠠᠨ ᠬᠡᠬᠡᠷᠡᠨ ᠵᠤᠪᠠᠳᠠᠭ ᠯᠡ ᠪᠠᠶᠢᠭ᠎ᠠ ᠪᠠᠶᠢᠬ᠎ᠠ︾ ᠭᠡᠵᠤ ᠲᠥᠷᠰᠤᠯᠡᠵᠡᠢ᠃     ︽ᠭᠠᠶᠢᠬᠠᠮᠰᠢᠬᠳᠤ ᠭᠠᠯᠳᠤ ᠰᠤᠮᠤ︾   ᠨᠢᠭᠡᠨ ᠤᠮᠤᠷᠬᠠᠭ ᠪᠠᠷᠳᠠᠮ ᠭᠠᠯᠳᠤ ᠰᠤᠮᠤᠨ ᠤ ᠥᠪᠡᠷ ᠤᠨ ᠬᠢᠨᠢ ᠤᠮᠤᠷᠬᠠᠯ ᠪᠠᠭ᠋ᠠᠷᠬᠠᠯ᠂ ᠪᠤᠰᠤᠳ ᠢ ᠪᠠᠰᠤᠮᠵᠢᠯᠠᠨ ᠲᠤᠭᠤᠬᠢᠯᠠᠬᠰᠠᠨ᠂ ᠡᠴᠤᠰ  ᠲᠤ ᠪᠠᠨ ᠮᠥᠬᠦᠨ ᠰᠥᠢᠷᠡᠭᠰᠡᠨ ᠢ ᠲᠥᠷᠰᠤᠯᠡᠨ ᠪᠢᠴᠢᠵᠠᠢ᠃           ︽ᠺᠧᠨ᠋ᠲ᠋ᠧᠷᠸᠢᠯ ᠤᠨ ᠬᠡᠢ ᠥᠵᠡᠭᠳᠡᠯ︾             ᠠᠷᠢᠭᠤᠨ ᠴᠠᠶᠢᠯᠭᠠᠨ ᠰᠡᠳᠬᠢᠯᠳᠤ ᠵᠢᠭᠠᠯ ᠥᠬᠢᠨ ᠬᠡᠢ ᠥᠵᠡᠭᠳᠡᠯ ᠲᠠᠢ ᠲᠡᠮᠡᠴᠡᠵᠤ ᠤᠶᠤᠨ ᠤᠬᠠᠭᠠᠨ ᠠᠪᠢᠶᠠᠰ ᠪᠢᠯᠢᠭ ᠢᠶᠠᠷ ᠢᠶᠠᠨ ᠲᠡᠬᠦᠨ ᠢ ᠢᠯᠠᠨ ᠲᠠᠪᠠᠭᠰᠠᠨ ᠭᠠᠶᠢᠬᠠᠮᠰᠢᠬᠳᠤ ᠥᠯᠢᠭᠡᠷ ᠢ ᠪᠢᠴᠢᠵᠠᠢ᠃           ︽ᠢᠳᠡᠭᠡᠯᠳᠤ ᠨᠥᠬᠦᠷ︾             ᠵᠢᠭᠠᠬᠠᠨ ᠬᠠᠨᠠᠰ ᠤᠨ ᠠᠷᠢᠭᠤᠨ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠢ ᠠᠳᠠᠭ ᠮᠠᠭᠤᠬᠠᠢ ᠪᠠᠷ ᠠᠰᠢᠬᠯᠠᠬᠰᠠᠨ ᠲᠡᠭᠡᠷᠡᠮᠴᠢᠨ ᠢ ᠢᠳᠡᠭᠡᠯᠳᠤ ᠨᠥᠬᠦᠷ ᠭᠡᠵᠤ ᠠᠳᠡᠬᠦᠷᠡᠨ ᠲᠠᠰᠢᠶᠠᠷᠠᠬᠰᠠᠨ ᠤᠴᠢᠷ ᠢ ᠪᠢᠴᠢᠵᠠᠢ᠃ ᠬᠠᠷᠠᠮᠴᠢ ᠬᠠᠷᠬᠢᠰ ᠬᠡᠷᠴᠡᠭᠡᠢ ᠲᠡᠨᠡᠭ ᠲᠡᠭᠡᠷᠡᠮᠴᠢᠨ ᠳᠤ ᠲᠤᠰᠠᠯᠠᠬᠰᠠᠭᠠᠷ ᠪᠠᠶᠢᠵᠤ ᠬᠠᠶᠢᠷᠨᠨ ᠠᠮᠢ ᠪᠠᠨ ᠠᠯᠳᠠᠬᠰᠠᠨ ᠲᠤᠬᠠᠢ ᠪᠢᠴᠢᠵᠤ ᠨᠥᠬᠦᠷ ᠲᠠᠶᠢᠰᠤᠨ ᠢ ᠢᠯᠭᠠᠨ ᠲᠠᠨᠢᠬᠤ ᠶᠢ ᠲᠠᠮ ᠢᠶᠠᠷ ᠥᠬᠦᠯᠡᠵᠡᠢ᠃           ︽ᠢᠨ᠋ᠹᠠᠨᠲ᠋ᠠ ᠶᠢᠨ ᠲᠥᠷᠥᠭᠰᠡᠨ ᠡᠳᠤᠷ ᠢᠶᠠᠷ︾             ᠬᠠᠭᠠᠨ ᠤ ᠬᠥᠩᠵᠤ ᠢᠨ᠋ᠹᠠᠨᠲ᠋ᠠ ᠶᠢᠨ ᠲᠥᠷᠥᠭᠰᠡᠨ ᠡᠳᠤᠷ ᠢᠶᠠᠷ ᠨᠢᠭᠡᠨ ᠡᠷᠡᠮᠳᠡᠭ ᠪᠤᠯᠤᠬᠰᠠᠨ ᠤᠳᠤᠢ ᠬᠥᠤ  ᠶᠢ ᠠᠪᠴᠢᠷᠠᠵᠤ ᠲᠤᠬᠯᠠᠯᠳᠠ ᠬᠢᠯᠭᠡᠵᠡᠢ᠃ ᠬᠥᠩᠵᠤ ᠲᠡᠬᠦᠨ ᠢ ᠥᠵᠡᠭᠡᠳ ᠤᠴᠢᠷ ᠦᠭᠡᠢ ᠪᠠᠶᠠᠰᠤᠨ ᠢᠨᠢᠶᠡᠵᠤ ᠬᠠᠭᠠᠨ ᠤᠷᠳᠤᠨ ᠳᠤ ᠪᠠᠨ ᠵᠠᠯᠠᠵᠠᠢ᠃ ᠬᠠᠴᠢᠨ ᠵᠢᠭᠠᠯ ᠤᠷᠳᠤᠨ ᠳᠤ ᠤᠷᠤᠭᠠᠳ ᠲᠤᠯᠢᠨ ᠳᠤ ᠲᠥᠷᠰᠤ ᠪᠠᠨ ᠤᠯᠵᠤ ᠬᠠᠷᠠᠭᠠᠳ ᠮᠠᠰᠢᠳᠠ ᠭᠠᠶᠢᠬᠠᠨ ᠰᠤᠴᠢᠵᠤ ᠠᠶᠤᠨ ᠡᠮᠢᠶᠡᠵᠤ ᠭᠤᠨᠢᠬᠯᠠᠨ ᠵᠤᠪᠠᠵᠤ ᠴᠤᠷᠬᠢᠷᠠᠨ ᠤᠬᠢᠯᠠᠵᠤ ᠠᠮᠢ ᠨᠠᠰᠤ ᠨᠢ ᠲᠠᠭᠤᠰᠴᠠᠢ᠃ ᠶᠠᠭᠠᠬᠢᠭᠠᠳ ᠬᠡᠪᠡᠯ ᠲᠡᠬᠦᠨ ᠤ ᠵᠢᠷᠤᠭᠡ ᠨᠢ ᠬᠠᠭᠠᠷᠠᠴᠢᠬᠠᠵᠠᠢ᠃ ᠬᠥᠩᠵᠤ ᠬᠥᠮᠥᠰᠭᠡ  ᠪᠠᠨ ᠵᠠᠩᠬᠢᠳᠤᠭᠠᠳ ᠥᠵᠡᠰᠬᠦᠯᠡᠩᠳᠤ ᠶᠠᠭᠠᠨ ᠤᠷᠤᠭᠤᠯ ᠢᠶᠠᠨ ᠲᠤᠭᠤᠮᠵᠢᠷ ᠦᠭᠡᠢ ᠬᠥᠭᠡᠷᠥᠬᠦᠨ ᠮᠤᠷᠤᠶᠢᠯᠭᠠᠵᠤ᠄ ᠴᠠᠭᠠᠰᠢᠳᠠ ᠪᠠᠨ ᠤᠬᠳᠤ ᠵᠢᠷᠤᠭᠡ ᠪᠠᠶᠢᠬᠤ ᠦᠭᠡᠢ ᠬᠥᠮᠥᠰ ᠢ ᠨᠠᠳᠠ ᠲᠠᠢ ᠲᠤᠬᠯᠠᠭᠤᠯᠵᠤ ᠪᠠᠶᠢᠵᠤ ᠥᠵᠡᠭᠡᠷᠡᠢ ᠭᠡᠵᠤ ᠲᠡᠷᠡ ᠬᠠᠰᠬᠢᠷᠤᠭᠠᠳ ᠴᠡᠴᠡᠷᠯᠢᠭ ᠤᠷᠤᠭᠤ ᠬᠥᠶᠥᠨ ᠤᠳᠴᠠᠢ᠃ ᠬᠠᠭᠠᠨ ᠤ ᠤᠷᠳᠤᠨ ᠤ ᠰᠡᠵᠢᠭᠯᠡᠯ ᠮᠡᠭᠡᠯᠡᠯ ᠠᠶᠤᠯ ᠲᠥᠭᠰᠢᠬᠦᠷᠢᠳᠤ ᠪᠠᠶᠢᠳᠠᠯ ᠢ ᠲᠥᠷᠰᠤᠯᠡᠵᠡᠢ᠃          ︽ᠵᠢᠭᠠᠰᠤᠴᠢᠨ ᠪᠠ ᠲᠡᠬᠦᠨ ᠤ ᠰᠥᠨᠡᠰᠤ︾            ᠨᠢᠭᠡᠨ ᠵᠢᠭᠠᠰᠤᠴᠢᠨ ᠡᠷ᠎ᠡ ᠲᠠᠩᠬᠢᠰ ᠤᠨ ᠪᠢᠴᠢᠬᠠᠨ ᠥᠬᠢᠨ ᠢ ᠲᠤᠤᠷ ᠲᠤᠳᠤᠷ᠎ᠠ ᠠᠴᠠ ᠪᠠᠨ ᠤᠯᠵᠤ ᠠᠪᠴᠠᠢ᠃ ᠲᠡᠬᠦᠨ ᠳᠤ ᠬᠠᠶᠢᠷᠠᠳᠠᠢ ᠪᠤᠯᠵᠤ ᠥᠪᠡᠷ ᠢᠶᠠᠨ ᠵᠢᠭᠠᠰᠤ ᠪᠤᠯᠵᠤ ᠲᠠᠩᠬᠢᠰ ᠤᠨ ᠬᠥᠨ ᠳᠤ ᠤᠴᠢᠵᠤ ᠥᠬᠢᠨ ᠲᠠᠢ ᠬᠠᠮᠳᠤ ᠠᠮᠢᠳᠤᠷᠠᠵᠠᠢ᠃ ᠬᠡᠬᠦ ᠳᠤ ᠪᠠᠨ ᠵᠠᠪᠠᠯ ᠰᠥᠨᠡᠰᠤ ᠪᠠᠨ ᠤᠬᠳᠤᠯᠵᠤ ᠬᠠᠶᠠᠬᠤ ᠬᠡᠷᠡᠭᠳᠡᠢ ᠪᠤᠯᠵᠠᠢ᠃ ᠰᠥᠨᠡᠰᠤ ᠨᠢ ᠲᠡᠬᠦᠨ ᠢ ᠬᠡᠴᠢᠨᠡᠨ ᠲᠠᠳᠠᠵᠤ ᠭᠠᠷᠭᠠᠬᠤ ᠭᠡᠵᠤ ᠮᠠᠰᠢ ᠤᠯᠠᠨ ᠠᠷᠭ᠎ᠠ ᠪᠢᠰᠢᠷ ᠭᠠᠷᠭᠠᠬᠰᠠᠨ ᠴᠦ ᠵᠢᠭᠠᠰᠤᠴᠢᠨ ᠡᠷ᠎ᠡ ᠬᠠᠶᠢᠷ᠎ᠠ ᠰᠡᠳᠬᠢᠯ ᠠᠴᠠ ᠪᠠᠨ ᠤᠷᠪᠠᠭ᠎ᠠ ᠦᠭᠡᠢ᠃            ᠬᠠᠶᠢᠷ᠎ᠠ᠂ ᠰᠡᠴᠠᠨ ᠤᠬᠠᠭᠠᠨ ᠠᠴᠠ ᠢᠯᠡᠬᠦᠤ᠂ ᠡᠳ᠋ ᠪᠠᠶᠠᠯᠢᠭ ᠠᠴᠠ ᠥᠨ᠎ᠡ ᠲᠠᠢ᠃ ᠲᠠᠩᠬᠢᠰ ᠤᠨ ᠬᠥᠩᠵᠤ ᠪᠠᠨ ᠲᠠᠪᠠᠷᠢᠵᠤ ᠥᠬᠦᠭᠰᠡᠨ ᠵᠢᠭᠠᠰᠤᠴᠢᠨ ᠤ ᠬᠡᠬᠦ ᠢ ᠯᠠᠮᠠᠳᠠᠨ ᠨᠠᠷ ᠤᠯᠵᠠᠢ᠃ ᠠᠭᠤᠷ ᠬᠢᠯᠢᠩ ᠠᠴᠠ ᠨᠡᠩ ᠡᠷᠬᠢᠮ ᠨᠢ ᠬᠠᠶᠢᠷ᠎ᠠ ᠭᠡᠳᠡᠭ ᠢ ᠠᠩᠬᠢᠯᠤᠮ᠎ᠠ ᠴᠠᠭᠠᠨ ᠴᠡᠴᠡᠭᠡᠰ ᠤᠨ ᠥᠨᠥᠷ ᠬᠤᠷᠠᠬᠰᠠᠨ ᠤᠯᠠᠨ ᠢ ᠲᠤᠬᠳᠤᠯᠤᠭᠤᠯᠤᠨ ᠪᠠᠶᠠᠰᠬᠠᠬᠰᠠᠨ ᠢᠶᠠᠷ ᠥᠯᠢᠭᠡᠷ ᠲᠡᠬᠦᠰᠴᠠᠢ᠃           ᠠᠨ᠋ᠲ᠋ᠤᠨᠢᠤ᠋ ᠳ᠋ᠧ ᠰᠧᠨ᠋ᠲ ᠡᠺᠶᠤᠫᠷᠢ ᠶᠢᠨ ᠪᠢᠴᠢᠭᠰᠡᠨ ︽ᠪᠢᠴᠢᠬᠠᠨ ᠬᠤᠩ ᠲᠠᠶᠢᠵᠢ︾           ᠪᠢᠴᠢᠬᠠᠨ ᠬᠤᠩ ᠲᠠᠶᠢᠵᠢ ᠤᠯᠠᠨ ᠤᠳᠤ ᠭᠠᠷᠠᠭ ᠢᠶᠠᠷ ᠵᠤᠭᠠᠴᠠᠵᠤ ᠤᠯᠠᠨ ᠰᠤᠨᠢᠷᠬᠠᠯᠳᠠᠢ ᠰᠠᠶᠢᠬᠠᠨ ᠥᠵᠡᠭᠳᠡᠯ ᠢ ᠤᠯᠵᠤ ᠬᠠᠷᠠᠬᠰᠠᠨ ᠵᠡᠷᠭᠡ ᠶᠢ ᠪᠢᠴᠢᠵᠤ ᠬᠤᠳᠠᠯ ᠬᠠᠭᠤᠷᠮᠠᠭ ᠤᠪ ᠮᠡᠭᠡ ᠶᠢ ᠢᠯᠡᠴᠢᠯᠡᠨ ᠥᠨᠡᠨᠴᠢ ᠴᠢᠭᠡᠴᠢ ᠪᠠᠶᠢᠬᠤ ᠶᠢ ᠡᠷᠬᠢᠮᠯᠡᠭᠰᠡᠨ ᠮᠠᠰᠢ ᠬᠥᠨ ᠤᠳᠬ᠎ᠠ ᠲᠠᠢ ᠥᠯᠢᠭᠡᠷ ᠪᠤᠯᠤᠨ᠎ᠠ᠃            ※ ᠥᠪᠡᠷ ᠢ ᠪᠠᠨ ᠰᠢᠬᠦᠨ᠎ᠠ ᠭᠡᠳᠡᠭ ᠪᠤᠰᠤᠳ ᠢ ᠰᠢᠳᠭᠡᠬᠦ ᠠᠴᠠ ᠬᠡᠳᠤ ᠲᠠᠬᠢᠨ ᠬᠥᠨᠳᠤ ᠪᠠᠶᠢᠳᠠᠭ ᠶᠤᠮ᠃ ᠬᠡᠷᠪᠡ ᠴᠢ ᠥᠪᠡᠷ ᠢ ᠪᠠᠨ ᠥᠨᠡᠨ ᠵᠥᠪ ᠢᠶᠠᠷ ᠰᠢᠬᠦᠵᠤ ᠴᠢᠳᠠᠪᠠᠯ ᠴᠢ ᠵᠢᠩᠬᠢᠨᠢ ᠠᠴᠠ ᠪᠠᠨ ᠰᠡᠴᠠᠨ ᠪᠢᠯᠢᠭ ᠲᠠᠢ ᠨᠢᠭᠡᠨ ᠬᠡᠰᠡᠨ ᠥᠭᠡ᠃            ᠬᠠᠮᠢᠭ᠎ᠠ ᠲᠤᠷᠠᠳᠠᠢ ᠭᠠᠵᠠᠷ ᠢᠶᠠᠨ ᠥᠪᠡᠷ ᠢᠶᠠᠨ ᠥᠪᠡᠷ ᠢ ᠪᠠᠨ ᠰᠢᠬᠦᠵᠤ ᠪᠤᠯᠤᠨ᠎ᠠ ᠰᠢᠤ ᠳ᠋ᠠ᠃           ᠥᠭᠡᠨ ᠳᠤ ᠬᠥᠷᠬᠦ᠂ ᠵᠠᠯᠬᠠᠭᠤᠷᠠᠬᠤ ᠬᠤᠶᠠᠷ ᠢ ᠵᠡᠷᠭᠡᠴᠡᠬᠦᠯᠵᠤ ᠪᠤᠯᠬᠤ ᠦᠭᠡᠢ ᠰᠢᠤ᠃          ᠬᠠᠮᠤᠭ ᠤᠨ ᠬᠢᠷᠠᠬᠠᠢ ᠬᠠᠷᠠᠴᠠ ᠵᠢᠷᠤᠭᠡᠨ ᠳᠤ ᠪᠠᠶᠢᠳᠠᠭ ᠶᠤᠮ ᠰᠢᠤ᠃ ᠬᠠᠮᠤᠭ ᠤᠨ ᠴᠢᠬᠤᠯᠠ ᠵᠥᠢᠯ ᠢ ᠨᠢᠳᠤ  ᠪᠠᠷ ᠬᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ᠃      ᠴᠢ ᠲᠡᠬᠦᠨ ᠳᠤ ᠪᠥᠬᠦᠢ ᠯᠡ ᠰᠡᠳᠬᠢᠯ ᠢᠶᠠᠨ ᠵᠤᠷᠢᠭᠤᠯᠤᠬᠰᠠᠨ ᠪᠤᠯᠬᠤᠷ ᠴᠢᠨᠤ ᠰᠠᠷᠭᠠᠢ ᠴᠢᠮ᠎ᠠ ᠳᠤ ᠲᠡᠶᠢᠮᠤ ᠥᠨ᠎ᠡ ᠲᠠᠢ ᠪᠠᠶᠢᠭ᠎ᠠ ᠶᠤᠮ᠃      
  
ᠢᠷᠡᠯᠲᠡ᠄ ᠲᠤᠭᠤᠷᠢᠭ ᠤᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号