| ᠲᠡᠷᠡ ᠪᠤᠯ ᠯᠤ᠋ ᠪᠠᠯᠭᠠᠰᠤᠨ ᠤ ᠬᠦᠮᠦᠨ ᠪᠢᠰᠢ ᠶᠤᠮ᠃ ᠨᠢᠭᠡ ᠡᠪᠦᠯ ᠤᠨ ᠡᠬᠢ ᠪᠠᠷ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ | ᠶᠢᠨ ᠬᠢ ᠡᠮᠡᠭᠲᠡᠢ ᠬᠦᠴᠦ ᠰᠤᠯᠢᠬᠤ ᠬᠡᠭᠦᠯᠡᠷ ᠲᠠᠨᠢᠯᠴᠠᠭᠤᠯᠤᠭᠴᠢ ᠪᠤᠯᠳᠠᠭ ᠸᠧᠢ ᠡᠮᠡᠭᠡᠨ ᠲᠡᠭᠦᠨ ᠢ ᠳᠠᠭᠠᠭᠤᠯᠵᠤ | ᠢᠷᠡᠭᠰᠡᠨ ᠪᠠᠶᠢᠪᠠ᠃ ᠭᠡᠵᠢᠭᠡ ᠪᠠᠨ ᠤᠭᠤᠰᠤᠷ ᠢᠶᠠᠷ ᠪᠤᠭᠤᠵᠤ᠂ ᠬᠠᠷᠠ ᠬᠤᠷᠮᠤᠶᠢᠪᠴᠢ᠂ ᠬᠦᠭᠡ ᠤᠯᠤᠨᠳᠠᠢ᠂ | ᠰᠠᠷᠠᠨ ᠴᠠᠭᠠᠨ ᠤᠤᠵᠢ ᠡᠮᠦᠰᠦᠭᠰᠡᠨ᠂ ᠬᠤᠷᠢᠨ ᠵᠢᠷᠭᠤᠭᠠ ᠳᠤᠯᠤᠭᠠ ᠤᠷᠴᠢᠮ ᠨᠠᠰᠤ ᠲᠠᠢ ᠡᠮᠡᠭᠲᠡᠢ ᠪᠠᠶᠢᠯᠠ᠃ | ᠴᠢᠷᠠᠢ ᠨᠢ ᠴᠢᠯᠳᠠᠩ ᠰᠢᠷᠠᠩᠭᠤᠢ ᠪᠤᠯᠪᠠᠴᠤ ᠦᠨᠳᠡᠭᠡᠨ ᠬᠠᠴᠠᠷ ᠨᠢ ᠮᠦᠨ ᠯᠡ ᠤᠯᠠᠭᠠᠨ ᠬᠠᠷᠠᠭᠳᠠᠨᠠ᠃ ᠸᠧᠢ | ᠡᠮᠡᠭᠡᠨ ᠲᠡᠭᠦᠨ ᠢ ᠰᠢᠶᠠᠩ ᠯᠢᠨ ᠪᠡᠷᠭᠡᠨ ᠭᠡᠵᠤ ᠳᠠᠭᠤᠳᠠᠬᠤ ᠪᠦᠭᠡᠳ ᠲᠡᠭᠦᠨ ᠢ ᠳᠦᠷᠭᠦᠮ ᠤᠨ ᠢᠶᠠᠨ ᠰᠠᠭᠠᠬᠠᠯᠲᠡ᠂ | ᠡᠵᠡᠭᠲᠡᠢ ᠨᠢ ᠦᠭᠦᠴᠢᠭᠡᠭᠰᠡᠨ ᠲᠤᠯᠡ ᠬᠦᠴᠦ ᠶᠠᠪᠤᠬᠤ ᠪᠠᠷ ᠭᠠᠷᠴᠤ ᠢᠷᠡᠯᠡ ᠭᠡᠵᠡᠢ᠃ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ | ᠬᠦᠮᠦᠰᠭᠡ ᠠᠲᠤᠷᠢᠭᠤᠯᠤᠯᠡ᠃ ᠪᠡᠯᠪᠡᠰᠦᠨ ᠡᠭᠡᠨᠡᠷ ᠭᠡᠵᠤ ᠵᠢᠭ᠍ᠰᠢᠵᠤ ᠪᠠᠶᠢᠭᠠ ᠶᠢ ᠨᠢ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠡᠵᠢ | ᠭᠠᠳᠠᠷᠯᠠᠵᠠᠢ᠃ ᠬᠡᠪᠡᠴᠤ ᠪᠠᠶᠢᠳᠠᠯ ᠢ ᠠᠵᠢᠪᠠᠯ ᠳᠠᠪᠠᠭᠤ ᠲᠦᠯᠦᠪᠲᠡᠢ ᠲᠦᠷᠦᠭᠰᠡᠨ ᠪᠦᠭᠡᠳ ᠬᠦᠯ ᠭᠠᠷ ᠨᠢ ᠬᠦᠳᠡᠷ | ᠳᠡᠭᠡᠷᠡ ᠪᠠᠨ ᠨᠢᠳᠦᠨ ᠳᠤ ᠳᠤᠯᠠᠭᠠᠬᠠᠨ᠂ ᠨᠢᠭᠡ ᠴᠤ ᠳᠤᠤᠭᠠᠷᠬᠤ ᠦᠭᠡᠢ᠂ ᠬᠡᠪ ᠢᠶᠠᠨ ᠰᠠᠬᠢᠵᠤ ᠬᠠᠯᠡ ᠳᠠᠭᠠᠭᠠᠳᠠᠭ | ᠬᠦᠮᠦᠨ ᠤ ᠰᠢᠨᠵᠢ ᠲᠠᠢ ᠬᠠᠷᠠᠭᠳᠠᠭᠰᠡᠨ ᠪᠤᠯᠬᠤᠷ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠶᠢᠨ ᠬᠦᠮᠦᠰᠭᠡ ᠠᠲᠤᠷᠢᠭᠤᠯᠬᠤ ᠶᠢ | ᠬᠠᠮᠢᠶᠠᠷᠤᠯ ᠦᠭᠡᠢ ᠲᠡᠭᠦᠨ ᠢ ᠦᠯᠡᠳᠡᠭᠡᠵᠡᠢ᠃ ᠲᠤᠷᠰᠢᠵᠤ ᠵᠠᠷᠤᠬᠤ ᠬᠤᠭᠤᠴᠠᠭᠠᠨ ᠳᠤ ᠲᠡᠷᠡ ᠵᠦᠭᠡᠷ ᠰᠠᠭᠤᠪᠠᠯ | ᠤᠶᠢᠳᠳᠠᠭ ᠰᠢᠭ᠋ ᠡᠳᠦᠷᠵᠢᠨ ᠪᠤᠷᠪᠢ ᠪᠤᠬᠢᠰᠬᠢᠯ ᠦᠭᠡᠢ ᠠᠵᠢᠯᠯᠠᠵᠤ ᠭᠠᠷᠤᠭᠰᠡᠨ ᠪᠦᠭᠡᠳ ᠬᠦᠴᠦ ᠲᠠᠮᠢᠷ ᠲᠠᠢ᠂ | ᠨᠢᠭᠡ ᠡᠷᠡᠭᠲᠡᠢ ᠬᠦᠮᠦᠨ ᠠᠴᠠ ᠳᠠᠪᠠᠭ᠋ᠤ ᠲᠤᠯᠡ ᠭᠤᠷᠪᠠᠳᠡᠬᠢ ᠡᠲᠦᠷ ᠲᠤ ᠪᠠᠨ ᠳᠠᠷᠤᠢ ᠲᠤᠬᠢᠷᠠᠵᠤ ᠰᠠᠷᠠ ᠳᠤ ᠪᠠᠨ | ᠳᠠᠪᠤᠨ ᠵᠠᠭᠤᠨ ᠦᠰᠦᠭᠲᠤ③ ᠶᠢᠨ ᠴᠠᠯᠢᠩ ᠦᠭᠬᠦ ᠪᠠᠷ ᠲᠤᠭᠲᠠᠵᠠᠢ᠃ ᠤᠯᠠᠨ ᠢᠶᠠᠷ ᠢᠶᠠᠨ ᠲᠡᠭᠦᠨ ᠢ ᠪᠦᠷ | ᠰᠢᠶᠠᠩ ᠯᠢᠨ ᠪᠡᠷᠭᠡᠨ ᠭᠡᠵᠤ ᠳᠠᠭᠤᠳᠠᠳᠠᠭ᠃ ᠲᠡᠭᠦᠨ ᠤ ᠶᠠᠮᠠᠷ ᠤᠪᠤᠭ ᠲᠠᠢ ᠶᠢ ᠨᠢ ᠠᠰᠠᠭᠤᠭᠰᠡᠨ ᠦᠭᠡᠢ᠂ | ᠲᠡᠭᠡᠪᠡᠴᠤ ᠲᠠᠨᠢᠯᠴᠠᠭᠤᠯᠤᠭᠴᠢ ᠨᠢ ᠸᠧᠢ ᠤᠪᠤᠭᠲᠤ ᠠᠭᠤᠯᠠᠨ ᠲᠤᠰᠬᠤᠨ ᠤ ᠬᠦᠮᠦᠨ ᠮᠦᠷᠲᠡᠭᠡᠨ ᠰᠠᠭᠠᠬᠠᠯᠲᠡ ᠭᠡᠵᠤ | ᠬᠡᠯᠡᠬᠦ ᠲᠤᠯᠡ ᠪᠠᠷᠤᠭ ᠯᠡ ᠸᠧᠢ ᠤᠪᠤᠭ ᠲᠠᠢ ᠪᠠᠶᠢᠯ ᠦᠭᠡᠢ᠃ ᠲᠡᠷᠡ ᠦᠭᠡ ᠶᠠᠷᠢᠶᠠᠨ ᠳᠤ ᠳᠡᠮᠡᠢ ᠴᠤ ᠳᠤᠷᠠ | ᠦᠭᠡᠢ᠂ ᠠᠰᠠᠭᠤᠪᠠᠯ ᠰᠠᠶ᠋ᠢ ᠬᠠᠷᠢᠭᠤᠯᠳᠠᠭ᠂ ᠬᠠᠷᠢᠭᠤᠯᠲᠡ ᠨᠢ ᠴᠤ ᠲᠤᠪᠴᠢᠬᠠᠨ ᠪᠠᠶᠢᠳᠠᠭ᠃ ᠢᠩᠭᠢᠭᠰᠡᠭᠡᠷ | ᠠᠷᠪᠠᠭᠠᠳ ᠬᠤᠨᠤᠭ ᠤᠨ ᠳᠠᠷᠠᠭᠠ ᠰᠠᠶ᠋ᠢ ᠲᠡᠭᠦᠨ ᠤ ᠭᠡᠷ ᠲᠤ ᠪᠠᠨ ᠬᠡᠳᠡᠷ ᠴᠢᠩᠭᠠ ᠬᠠᠳᠠᠮ ᠡᠭᠡ ᠲᠠᠢ ᠪᠠᠶᠢᠳᠠᠭ᠂ | ᠨᠢᠭᠡ ᠬᠠᠳᠠᠮ ᠳᠡᠭᠦᠦ ᠲᠠᠢ᠂ ᠠᠷᠪᠠᠭᠠᠳ ᠨᠠᠰᠤ ᠲᠠᠢ᠂ ᠲᠦᠯᠡᠭᠡ ᠴᠠᠪᠴᠢᠬᠤ ᠴᠢᠳᠠᠯ ᠲᠠᠢ ᠪᠤᠯᠤᠭᠰᠡᠨ᠂ ᠬᠠᠪᠤᠷ | ᠡᠷᠡ ᠨᠦᠬᠦᠷ ᠨᠢ ᠦᠩᠭᠡᠷᠡᠭᠰᠡᠨ᠂ ᠡᠷᠡ ᠨᠢ ᠮᠦᠨ ᠲᠦᠯᠡᠭᠡ ᠴᠠᠪᠴᠢᠵᠤ ᠠᠮᠢᠳᠤᠷᠠᠳᠠᠭ ᠪᠠᠶᠢᠭᠰᠡᠨ᠂ ᠲᠡᠭᠦᠨ ᠠᠴᠠ | ᠠᠷᠪᠠᠨ ᠨᠠᠰᠤ ᠳᠡᠭᠦᠦ ᠭᠡᠳᠡᠭ ᠢ ᠨᠢ ᠠᠯᠭᠤᠷ ᠤᠯᠵᠤ ᠮᠡᠳᠡᠵᠡᠢ ᠃ ᠤᠯᠠᠨ ᠢᠶᠠᠷ ᠢᠶᠠᠨ ᠡᠳᠦᠶᠢᠭᠡᠨ ᠢ ᠯᠡ | ᠮᠡᠳᠡᠳᠡᠭ᠃ | ᠡᠳᠦᠷ ᠬᠤᠨᠤᠭ ᠮᠠᠰᠢ ᠬᠤᠷᠳᠦᠨ ᠦᠩᠭᠡᠷᠡᠯᠡ᠂ ᠲᠡᠷᠡ ᠬᠠᠷᠢᠨ ᠠᠳᠠᠯ ᠬᠢᠬᠦ ᠳᠤ ᠪᠠᠨ ᠤᠭᠲᠤ ᠰᠢᠨᠲᠡᠷᠡᠳᠠᠭ | ᠦᠭᠡᠢ᠂ ᠬᠤᠭᠤᠯᠡ ᠤᠮᠳᠠ ᠭᠤᠯᠤᠳᠠᠭ ᠦᠭᠡᠢ᠂ ᠬᠦᠴᠦ ᠲᠠᠮᠢᠷ ᠢᠶᠠᠨ ᠬᠠᠷᠠᠮᠨᠠᠳᠠᠭ ᠦᠭᠡᠢ ᠪᠠᠶᠢᠯᠠ᠃ ᠤᠯᠤᠰ | ᠪᠦᠷ ᠯᠤ᠋ ᠳᠦᠷᠪᠡᠳᠦᠭᠡᠷ ᠨᠤᠶᠠᠨ ᠤ ᠬᠢ ᠶᠢ ᠰᠠᠶᠢᠨ ᠡᠮᠡᠭᠲᠡᠢ ᠬᠦᠴᠦ ᠤᠯᠵᠤ ᠬᠦᠯᠦᠰᠦᠯᠡᠵᠡᠢ᠂ ᠨᠡᠭᠡᠷᠡᠨ ᠰᠢᠷᠭᠠᠭᠤ | ᠡᠷᠡ ᠬᠦᠮᠦᠨ ᠠᠴᠠ ᠴᠤ ᠠᠵᠢᠯᠴᠢ ᠭᠡᠵᠡᠭᠡᠨᠡ᠃ ᠵᠢᠯ ᠤᠨ ᠡᠴᠦᠰ ᠢᠶᠠᠷ ᠭᠡᠷ ᠱᠦᠬᠦᠷᠳᠡᠵᠤ ᠱᠠᠯᠡ ᠤᠬᠢᠶᠠᠬᠤ᠂ | ᠲᠠᠬᠢᠶᠠ ᠠᠯᠠᠵᠤ ᠭᠠᠯᠠᠭᠤ ᠨᠢᠲᠤᠯᠬᠤ᠂ ᠲᠠᠬᠢᠯᠭᠠ ᠲᠠᠪᠢᠯᠭᠠ ᠰᠦᠨᠢᠵᠢᠨ ᠴᠢᠨᠠᠬᠤ ᠶᠢ ᠪᠦᠬᠦᠳᠡ ᠶᠢ ᠭᠠᠭᠴᠠ ᠪᠠᠷ | ᠡᠭᠦᠷᠭᠡᠯᠡᠵᠤ᠂ ᠤᠬᠤᠷ ᠬᠦᠴᠦ ᠬᠦᠯᠦᠰᠦᠯᠡᠭᠦᠯᠦᠭᠰᠡᠨ ᠦᠭᠡᠢ ᠪᠢᠯᠡ᠃ ᠭᠡᠲᠡᠯᠡ ᠭᠡᠳᠡᠷᠬᠦ ᠪᠠᠨ ᠲᠡᠷᠡ ᠬᠠᠷᠢᠨ | ᠰᠡᠳᠬᠢᠯ ᠬᠠᠨᠤᠭᠤᠨ᠂ ᠬᠠᠴᠡᠷ ᠲᠤ ᠨᠢ ᠠᠯᠭᠤᠷ ᠮᠦᠰᠢᠶᠡᠳᠤ ᠢᠯᠡᠷᠡᠭᠡᠳ ᠨᠢᠭᠤᠷ ᠨᠢ ᠴᠦ ᠴᠠᠶᠢᠷᠠᠨ | ᠮᠠᠷᠢᠶᠠᠯᠠᠵᠠᠢ᠃ | ᠰᠢᠨᠠ ᠵᠢᠯ ᠰᠠᠶ᠋ᠢᠬᠠᠨ ᠦᠩᠭᠡᠷᠡᠯᠡ᠃ ᠪᠤᠳᠠᠭᠠ ᠤᠬᠢᠶᠠᠵᠤ ᠭᠤᠤᠯ ᠤᠨ ᠡᠷᠬᠢ ᠠᠴᠠ ᠪᠤᠴᠠᠵᠤ ᠢᠷᠡᠬᠦ ᠳᠤ | ᠪᠠᠨ ᠲᠡᠷᠡ ᠬᠡᠨᠡᠳᠲᠡ ᠴᠢᠷᠠᠢ ᠠᠯᠳᠠᠵᠤ᠂ ᠰᠠᠶ᠋ᠢᠬᠠᠨ ᠭᠤᠤᠯ ᠤᠨ ᠲᠡᠷᠲᠡᠭᠡ ᠬᠦᠪᠡᠭᠡᠨ ᠳᠡᠭᠡᠷᠡ ᠬᠡᠳᠦᠨ ᠡᠷᠡ | ᠬᠦᠮᠦᠨ ᠬᠤᠯᠬᠢᠬᠤ ᠬᠤᠯᠡ ᠠᠴᠠ ᠬᠠᠷᠠᠭᠳᠠᠵᠠᠢ᠂ ᠶᠠᠭ ᠯᠡ ᠮᠢᠨᠦ ᠡᠷᠡ ᠶᠢᠨ ᠦᠶᠡᠯᠢᠳ ᠠᠬᠠ ᠨᠢ ᠰᠢᠭ᠋᠂ ᠨᠠᠮᠡ | ᠶᠢ ᠡᠷᠢᠵᠤ ᠢᠷᠡᠭᠰᠡᠨ ᠪᠤᠯᠤᠯᠲᠡᠢ ᠭᠡᠵᠤ ᠬᠡᠯᠡᠵᠤ ᠭᠠᠷᠤᠯᠡ᠃ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠡᠵᠢ ᠰᠡᠵᠢᠭ ᠲᠦᠷᠦᠵᠤ | ᠭᠠᠶᠢᠬᠠᠨ ᠤᠬᠤᠴᠢᠯᠠᠨ ᠠᠰᠠᠭᠤᠪᠠᠯ ᠲᠡᠷᠡ ᠬᠠᠷᠢᠨ ᠬᠡᠯᠡᠬᠦ ᠦᠭᠡᠢ᠃ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠮᠡᠳᠡᠮᠡᠭᠴᠡ ᠬᠦᠮᠦᠰᠭᠡ | ᠠᠲᠤᠷᠢᠭᠤᠯᠤᠨ᠄ ︽ᠪᠤᠯᠠᠢ ᠬᠡᠷᠡᠭ ᠡ᠂ ᠠᠶᠡ ᠦᠭᠡᠶᠢᠲᠡᠪᠡᠯ ᠦᠨᠦᠬᠢ ᠴᠢᠨᠢ ᠤᠷᠭᠤᠵᠤ ᠭᠠᠷᠴᠤ ᠢᠷᠡᠭᠰᠡᠨ ᠪᠠᠶᠢᠵᠤ | ᠮᠡᠳᠡᠨᠡ︾ ᠭᠡᠯᠡ᠃ | ᠲᠡᠷᠡ ᠨᠡᠭᠡᠷᠡᠨ ᠤᠷᠭᠤᠵᠤ ᠭᠠᠷᠴᠤ ᠢᠷᠡᠭᠰᠡᠨ ᠪᠠᠶᠢᠵᠠᠢ᠂ ᠳᠡᠮᠡᠢ ᠤᠳᠠᠭᠰᠡᠨ ᠦᠭᠡᠢ ᠡᠨᠡ ᠲᠠᠭᠠᠮᠠᠭᠯᠠᠯ | ᠬᠡᠷᠡᠴᠢᠯᠡᠭᠳᠡᠯᠡ᠃ ᠪᠠᠷᠤᠭ ᠠᠷᠪᠠᠭᠠᠳ ᠡᠳᠦᠷ ᠦᠩᠭᠡᠷᠡᠭᠰᠡᠨ ᠤ ᠳᠠᠷᠠᠭᠠ᠂ ᠤᠯᠠᠭᠤᠯᠡ ᠤᠷᠢᠳᠡᠬᠢ ᠶᠠᠪᠤᠳᠠᠯ ᠢ | ᠠᠯᠭᠤᠷ ᠮᠡᠷᠲᠡᠲᠡᠯᠡ᠂ ᠸᠧᠢ ᠡᠮᠡᠭᠡᠨ ᠬᠡᠨᠡᠳᠲᠡ ᠭᠤᠴᠢᠭᠠᠳ ᠨᠠᠰᠤ ᠲᠠᠢ ᠨᠢᠭᠡ ᠡᠮᠡᠭᠲᠡᠢ ᠶᠢ ᠳᠠᠭᠠᠭᠤᠯᠵᠤ ᠤᠷᠤᠵᠤ | ᠢᠷᠡᠭᠡᠳ᠂ ᠲᠡᠭᠦᠨ ᠢ ᠰᠢᠶᠠᠩ ᠯᠢᠨ ᠪᠡᠷᠭᠡᠨ ᠤ ᠬᠠᠳᠠᠮ ᠡᠭᠡ ᠨᠢ ᠭᠡᠵᠤ ᠬᠡᠯᠡᠯᠡ᠃ ᠲᠡᠷᠡ ᠡᠮᠡᠭᠲᠡᠢ ᠬᠡᠳᠦᠢ ᠪᠠᠷ | ᠠᠭᠤᠯᠠᠨ ᠭᠠᠵᠠᠷ ᠤᠨ ᠬᠦᠮᠦᠨ ᠤ ᠳᠦᠷᠢ ᠲᠠᠢ ᠪᠤᠯᠪᠠᠴᠤ ᠬᠠᠷᠢᠴᠠᠵᠤ ᠪᠠᠷᠢᠬᠤ ᠳᠤ ᠪᠠᠨ ᠢᠯᠭᠤᠮ ᠲᠠᠶᠢᠪᠤᠭᠤ᠂ | ᠬᠡᠯᠡ ᠠᠮᠠᠨ ᠳᠤ ᠪᠠᠨ ᠴᠤ ᠴᠢᠳᠠᠮᠠᠭᠠᠢ ᠪᠠᠶᠢᠵᠤ᠂ ᠮᠡᠨᠳᠦᠯᠡᠯᠴᠡᠭᠰᠡᠨ ᠤ ᠳᠠᠷᠠᠭᠠ᠂ ᠳᠠᠷᠤᠶᠢᠬᠠᠨ ᠪᠤᠷᠤᠭᠤ ᠮᠡᠳᠡᠵᠤ᠂ | ᠦᠪᠡᠷ ᠢ ᠪᠠᠨ ᠲᠤᠰᠬᠠᠶᠢᠯᠠᠨ ᠬᠦᠦ ᠪᠡᠷᠢ ᠪᠠᠨ ᠭᠡᠷ ᠲᠤ ᠪᠠᠨ ᠠᠪᠠᠴᠢᠬᠤ ᠪᠠᠷ ᠢᠷᠡᠯᠡ᠂ ᠬᠠᠪᠤᠷ ᠤᠨ ᠡᠬᠢ ᠪᠠᠷ | ᠠᠵᠢᠯ ᠶᠠᠭᠠᠷᠠᠯᠲᠡᠢ᠂ ᠭᠡᠲᠡᠯᠡ ᠭᠡᠷ ᠲᠤ ᠬᠠᠷᠢᠨ ᠬᠦᠭᠰᠢᠳ ᠬᠡᠦᠭᠡᠳ ᠯᠡ ᠪᠠᠶᠢᠭᠠ᠂ ᠬᠦᠮᠦᠨ ᠤ ᠬᠦᠴᠦ ᠬᠦᠷᠦᠯᠴᠡᠬᠦ | ᠦᠭᠡᠢ ᠭᠡᠵᠤ ᠶᠠᠷᠢᠵᠤ ᠭᠠᠷᠤᠯᠡ᠃ | ︽ᠬᠠᠳᠠᠮ ᠡᠭᠡ ᠨᠢ ᠠᠪᠠᠴᠢᠬᠤ ᠭᠡᠵᠤ ᠪᠠᠶᠢᠬᠤ ᠶᠤᠮ ᠴᠢᠨᠢ᠂ ᠦᠭᠡᠷᠡ ᠶᠠᠮᠠᠷ ᠬᠡᠯᠡᠮᠡᠷ ᠦᠭᠡ ᠪᠠᠶᠢᠬᠤ ᠪᠤᠢ︾ | ᠭᠡᠵᠤ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠬᠡᠯᠡᠪᠠ᠃ ᠲᠡᠶᠢᠨ ᠬᠦ ᠬᠦᠯᠦᠰᠤᠨ ᠵᠤᠭᠤᠰ ᠢ ᠨᠢ ᠪᠤᠳᠤᠭᠤᠯᠵᠠᠢ᠃ ᠨᠡᠶᠢᠲᠡ | ᠮᠢᠩᠭᠠ ᠳᠤᠯᠤᠭᠠᠨ ᠵᠠᠭᠤ ᠲᠠᠪᠢᠨ ᠭᠠᠤᠯᠢᠨ ᠵᠤᠭᠤᠰ ᠪᠠᠶᠢᠪᠠ᠃ ᠲᠡᠷᠡ ᠨᠢᠭᠡ ᠴᠤ ᠵᠠᠷᠤᠯ ᠦᠭᠡᠢ ᠡᠵᠡᠨ ᠳᠤ ᠪᠠᠨ | ᠦᠭᠴᠤ ᠬᠠᠳᠠᠭᠠᠯᠠᠭᠤᠯᠵᠤ ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ ᠴᠦᠮ ᠢ ᠬᠠᠳᠠᠮ ᠡᠭᠡ ᠳᠤ ᠨᠢ ᠲᠤᠰᠢᠶᠠᠵᠤ ᠦᠭᠪᠠ᠃ ᠲᠡᠷᠡ | ᠡᠮᠡᠭᠲᠡᠢ ᠬᠤᠪᠴᠠᠰᠤ ᠬᠤᠨᠠᠷ ᠢ ᠨᠢ ᠠᠪᠤᠭᠠᠳ᠂ ᠲᠠᠯᠠᠷᠬᠠᠵᠤ ᠪᠠᠶᠢᠭᠠ ᠪᠠᠨ ᠢᠯᠡᠷᠭᠡᠶᠢᠯᠡᠭᠡᠳ ᠭᠠᠷᠴᠠᠢ ᠶᠠᠪᠤᠵᠠᠢ᠃ | ᠡᠨᠡ ᠬᠢᠷᠢ ᠵᠢᠩ ᠦᠳᠡ ᠪᠤᠯᠴᠢᠬᠠᠭᠰᠡᠨ ᠪᠠᠶᠢᠯᠠ᠃ ᠨᠡᠯᠢᠶᠡᠳ ᠤᠳᠠᠭᠰᠡᠨ ᠤ ᠳᠠᠷᠠᠭᠠ ᠰᠠᠶ᠋ᠢ ᠳᠦᠷᠪᠡᠳᠦᠭᠡᠷ | ᠠᠪᠠᠭᠠ ᠡᠵᠢ ᠬᠡᠨᠡᠳᠲᠡ᠄ ︽ᠠᠢ ᠬᠦᠶ᠋ᠢ᠂ ᠪᠤᠲᠠᠭᠠ ᠴᠢᠨᠢ︖ ᠰᠢᠶᠠᠩ ᠯᠢᠨ ᠪᠡᠷᠭᠡᠨ ᠪᠤᠳᠠᠭᠠ ᠤᠬᠢᠶᠠᠬᠤ ᠪᠠᠷ | ᠶᠠᠪᠤᠭᠰᠡᠨ ᠪᠢᠰᠢ ᠤᠤ︖ ᠁︾ ᠭᠡᠵᠤ ᠬᠢᠷᠳ᠋ᠬᠢᠨ ᠬᠠᠰᠬᠢᠷᠴᠤ ᠭᠠᠷᠤᠯᠡ᠃ ᠲᠠᠷᠡ ᠦᠯᠦᠰᠴᠢᠬᠡᠭᠰᠡᠨ | ᠪᠤᠯᠤᠯᠲᠡᠢ᠂ ᠦᠳᠡ ᠶᠢᠨ ᠬᠤᠭᠤᠯᠡ ᠪᠠᠨ ᠪᠤᠳᠤᠵᠤ ᠤᠯᠵᠠᠢ᠃ | ᠢᠩᠬᠢᠭᠡᠳ ᠤᠯᠠᠨ ᠢᠶᠠᠷ ᠢᠶᠠᠨ ᠤᠬᠢᠶᠠᠯᠲᠠᠭᠤᠷ ᠰᠡᠪᠡᠭ ᠡᠷᠢᠬᠦ ᠪᠠᠷ ᠵᠦᠭ ᠵᠦᠭ ᠲᠤ ᠪᠠᠨ ᠭᠠᠷᠪᠠ᠃ | ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠡᠵᠢ ᠤᠷᠢᠳ ᠢᠶᠠᠷ ᠲᠤᠭᠤᠭᠠᠨ ᠭᠡᠷ ᠲᠤ᠂ ᠳᠠᠷᠠᠭᠠ ᠨᠢ ᠲᠠᠩᠬᠢᠮ ᠤᠨ ᠡᠮᠦᠨᠠ ᠬᠦᠷᠴᠤ᠂ | ᠰᠡᠭᠦᠯ ᠳᠤ ᠨᠢ ᠤᠨᠲᠠᠬᠤ ᠦᠷᠭᠦᠭᠡᠨ ᠳᠤ ᠤᠷᠤᠵᠤ ᠦᠵᠡᠵᠡᠢ᠂ ᠤᠬᠢᠶᠠᠯᠲᠠᠭᠤᠷ ᠰᠡᠪᠡᠭ ᠤᠨ ᠪᠠᠷᠠ ᠲᠤᠷᠤ | ᠬᠠᠷᠠᠭᠳᠠᠭᠰᠡᠨ ᠦᠭᠡᠢ ᠪᠠᠶᠢᠯᠠ᠃ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠬᠦᠷᠢᠶᠠᠨ ᠭᠠᠳᠠᠨᠠ ᠭᠠᠷᠴᠤ ᠦᠵᠡᠯᠡ᠂ ᠮᠦᠨ ᠴᠤ | ᠬᠠᠷᠠᠭᠳᠠᠭᠰᠡᠨ ᠦᠭᠡᠢ᠂ ᠴᠢᠨᠠᠭᠰᠢ ᠭᠤᠤᠯ ᠤᠨ ᠬᠦᠪᠡᠭᠡ ᠤᠷᠤᠭᠤ ᠤᠴᠢᠭᠰᠡᠨ ᠳᠤ᠂ ᠡᠷᠭᠢ ᠳᠡᠭᠡᠷᠡ ᠨᠢ ᠳᠡᠪ | ᠲᠡᠭᠰᠢᠬᠡᠨ ᠲᠠᠯᠪᠢᠭᠠᠰᠤᠲᠠᠢ ᠬᠠᠷᠠᠭᠳᠠᠵᠠᠢ᠂ ᠳᠡᠷᠭᠡᠳᠡ ᠨᠢ ᠪᠠᠰᠡ ᠨᠢᠭᠡ ᠠᠳᠬᠤ ᠬᠦᠭᠡ ᠨᠤᠭᠤᠭᠠ ᠲᠠᠯᠪᠢᠭᠠᠰᠤᠲᠠᠢ | ᠪᠠᠶᠢᠯᠠ᠃ | ᠤᠯᠵᠤ ᠦᠵᠡᠭᠰᠡᠨ ᠬᠦᠮᠦᠨ ᠢᠷᠡᠵᠤ ᠮᠡᠳᠡᠭᠦᠯᠦᠯᠡ᠃ ᠭᠤᠤᠯ ᠲᠤᠲᠤᠷᠠ ᠦᠳᠡ ᠶᠢᠨ ᠡᠮᠦᠨᠠ ᠳᠠᠷᠤᠢ ᠨᠢᠭᠡ | ᠴᠠᠭᠠᠨ ᠮᠤᠬᠤᠯᠠᠭᠲᠤ ᠤᠩᠭᠤᠴᠡ ᠵᠤᠭᠰᠤᠵᠤ ᠪᠠᠶᠢᠭᠰᠡᠨ ᠪᠦᠭᠡᠳ ᠮᠤᠬᠤᠯᠠᠭ ᠢᠶᠠᠨ ᠪᠦᠬᠦᠨ ᠢ ᠪᠦᠲᠡᠭᠡᠵᠤ ᠪᠠᠶᠢᠵᠠᠢ᠂ | ᠲᠤᠲᠤᠷᠠ ᠨᠢ ᠶᠠᠮᠠᠷ ᠬᠦᠮᠦᠨ ᠪᠠᠶᠢᠬᠰᠡᠨ ᠢ ᠮᠡᠳᠡᠬᠦ ᠦᠭᠡᠢ᠂ ᠲᠡᠭᠡᠬᠦ ᠳᠤ ᠪᠠᠨ ᠬᠡᠷᠡᠭ ᠪᠤᠯᠬᠤ ᠠᠴᠠ ᠡᠮᠦᠨᠠ | ᠲᠡᠭᠦᠨ ᠢ ᠠᠩᠵᠠᠭᠠᠷᠠᠭᠰᠡᠨ ᠬᠦᠮᠦᠨ ᠴᠤ ᠦᠭᠡᠢ ᠶᠤᠮ᠃ ᠰᠢᠶᠠᠩ ᠯᠢᠨ ᠪᠡᠷᠭᠡᠨ ᠢ ᠭᠠᠷᠴᠤ ᠢᠷᠡᠭᠡᠳ ᠪᠤᠳᠠᠭᠠ | ᠤᠬᠢᠶᠠᠬᠤ ᠪᠠᠷ ᠰᠠᠶ᠋ᠢᠬᠠᠨ ᠤᠴᠤᠶᠢᠲᠡᠯᠡ᠂ ᠲᠡᠷᠡ ᠬᠦ ᠤᠩᠭᠤᠴᠡᠨ ᠲᠤᠲᠤᠷᠠ ᠠᠴᠠ ᠬᠡᠨᠡᠳᠲᠡ ᠬᠤᠶᠠᠷ ᠡᠷᠡ | ᠬᠦᠮᠦᠨ ᠬᠦᠶᠦᠵᠤ ᠭᠠᠷᠴᠤ ᠢᠷᠠᠵᠠᠢ᠂ ᠠᠭᠤᠯᠠᠨ ᠭᠠᠵᠠᠷ ᠤᠨ ᠬᠦᠮᠦᠨ ᠰᠢᠭ ᠬᠠᠷᠠᠭᠳᠠᠵᠠᠢ᠂ ᠨᠢᠭᠡ ᠨᠢ ᠲᠡᠪᠡᠷᠢᠵᠤ | ᠨᠢᠭᠡ ᠨᠢ ᠬᠠᠪᠰᠤᠷᠴᠤ ᠪᠠᠶᠢᠭᠠᠳ ᠲᠡᠭᠦᠨ ᠢ ᠤᠩᠭᠤᠴᠡᠨ ᠲᠤᠲᠤᠷᠠ ᠴᠢᠷᠴᠤ ᠤᠷᠤᠭᠤᠯᠵᠠᠢ᠃ ᠰᠢᠶᠠᠩ ᠯᠢᠨ ᠪᠡᠷᠭᠡᠨ | ᠬᠡᠳᠦᠨᠲᠡ ᠤᠬᠢᠯᠠᠵᠤ ᠬᠠᠰᠬᠢᠷᠤᠭᠰᠡᠨ ᠶᠤᠮ᠂ ᠳᠠᠷᠠᠭᠠ ᠪᠠᠷ ᠨᠢ ᠴᠢᠮᠡᠭᠡ ᠦᠭᠡᠢ ᠪᠤᠯᠵᠠᠢ᠂ ᠪᠠᠷᠤᠭ ᠯᠡ ᠶᠠᠭᠤᠮᠡ | ᠪᠠᠷ ᠠᠮᠡ ᠶᠢ ᠲᠠᠭᠯᠠᠵᠤ ᠤᠷᠬᠢᠭᠰᠡᠨ ᠪᠠᠶᠢᠬᠤ ᠡ᠃ ᠲᠡᠭᠡᠵᠤ ᠪᠠᠶᠢᠲᠠᠯᠠ ᠬᠤᠶᠠᠷ ᠡᠮᠡᠭᠲᠡᠢ ᠤᠩᠭᠤᠴᠡᠨ ᠳᠤ ᠭᠠᠷᠴᠤ | ᠤᠴᠢᠯᠡ᠃ ᠨᠢᠭᠡ ᠶᠢ ᠨᠢ ᠲᠠᠨᠢᠬᠤ ᠦᠭᠡᠢ᠂ ᠨᠢᠭᠡ ᠨᠢ ᠳᠠᠷᠤᠢ ᠸᠧᠢ ᠡᠮᠡᠭᠡᠨ ᠪᠠᠶᠢᠯᠠ᠃ ᠤᠩᠭᠤᠴᠠᠨ ᠲᠤᠲᠤᠷᠠᠬᠢ | ᠶᠢ ᠪᠠᠷᠠᠯᠠᠵᠤ ᠬᠠᠷᠠᠪᠠᠯ ᠳᠡᠮᠡᠢ ᠲᠤᠲᠤ ᠬᠠᠷᠠᠭᠳᠠᠬᠤ ᠦᠭᠡᠢ᠂ ᠰᠢᠶᠠᠩ ᠯᠢᠨ ᠪᠡᠷᠭᠡᠨ ᠬᠦᠯᠢᠭᠳᠡᠭᠡᠳ ᠱᠠᠯᠡ ᠳᠡᠭᠡᠷᠡ | ᠬᠡᠪᠲᠡᠵᠤ ᠪᠠᠶᠢᠭᠰᠡᠨ ᠰᠢᠭ᠋ ᠬᠠᠷᠠᠭᠳᠠᠵᠠᠢ᠃ | ︽ᠬᠠᠷᠠ ᠪᠤᠯᠠᠢ︕ ᠬᠡᠲᠡᠯᠡ ᠁︾ ᠭᠡᠵᠤ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠬᠡᠯᠡᠨᠡ᠃ ᠦᠨᠦᠳᠦᠷ | ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠡᠵᠢ ᠦᠪᠡᠷᠲᠡᠭᠡᠨ ᠦᠳᠡ ᠶᠢᠨ ᠬᠤᠭᠤᠯᠡ ᠪᠠᠨ ᠴᠢᠨᠠᠵᠤ᠂ ᠬᠦᠦ ᠠ ᠨᠢᠦ ᠨᠢ ᠭᠠᠯ | ᠲᠦᠯᠡᠵᠡᠢ᠃ ᠦᠳᠡ ᠶᠢᠨ ᠬᠤᠭᠤᠯᠠᠨ ᠤ ᠳᠠᠷᠠᠭᠠ ᠸᠧᠢ ᠡᠮᠡᠭᠡᠨ ᠳᠠᠬᠢᠭᠠᠳ ᠬᠦᠷᠴᠤ ᠢᠷᠡᠵᠡᠢ᠃ ︽ᠬᠠᠷᠠ | ᠪᠤᠯᠠᠢ︕︾ ᠭᠡᠵᠤ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠬᠡᠯᠡᠨᠠ᠃ | ︽ᠴᠢ ᠶᠠᠮᠠᠷ ᠰᠠᠨᠠᠭᠠ ᠲᠠᠢ ᠪᠤᠢ︖ ᠴᠢ ᠯᠡ ᠡᠷᠬᠢᠵᠤ ᠢᠷᠡᠵᠤ ᠠᠭᠤᠯᠵᠠᠵᠤ ᠪᠠᠶᠢᠬᠤ ᠠᠴᠠ ᠪᠢᠰᠢ ᠳ᠋ᠡ︾ | ᠭᠡᠵᠤ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠡᠵᠢ ᠠᠶᠠᠭᠠ ᠤᠬᠢᠶᠠᠬᠤ ᠶᠢᠨ ᠰᠠᠴᠠᠭᠤ ᠦᠵᠡᠩᠭᠦᠲᠡ᠄ ︽ᠴᠢ ᠦᠪᠡᠷᠲᠡᠭᠡᠨ | ᠲᠠᠨᠢᠯᠴᠠᠭᠤᠯᠵᠤ ᠠᠪᠴᠢᠷᠠᠴᠢᠬᠠᠭᠠᠳ᠂ ᠳᠠᠬᠢᠭᠠᠳ ᠬᠤᠷᠰᠢᠵᠤ ᠪᠠᠶᠢᠭᠠᠳ ᠪᠤᠯᠢᠶᠠᠭᠠᠳ ᠠᠪᠠᠴᠢᠴᠢᠬᠠᠨᠠ᠂ ᠪᠤᠴᠠᠯᠵᠤ | ᠪᠤᠵᠢᠬᠢᠨᠠᠲᠡᠯᠡ ᠪᠦᠭᠡᠮ ᠳᠡᠪᠵᠢᠶᠠᠷᠡᠭᠦᠯᠦᠭᠡᠳ᠂ ᠬᠦᠮᠦᠨ ᠠᠮᠢᠲᠡᠨ ᠤ ᠨᠢᠳᠦᠨ ᠶᠠᠭᠤ ᠪᠤᠯᠵᠤ ᠬᠠᠷᠠᠭᠳᠠᠳᠠᠭ ᠪᠤᠢ︖ | ᠴᠢ ᠶᠡᠷᠦ ᠨᠢ ᠮᠠᠨ ᠤ ᠬᠢ ᠪᠠᠷ ᠲᠤᠭᠤᠬᠢ ᠬᠢᠬᠦ ᠨᠢ ᠤᠤ︖︾ ᠭᠡᠵᠤ ᠠᠭᠤᠷᠲᠠᠶᠢᠬᠠᠨ ᠬᠡᠯᠡᠵᠤ ᠭᠠᠷᠤᠯᠡ᠃ | ︽ᠠᠢ ᠶᠠ ᠶᠠ᠂ ᠪᠢ ᠨᠡᠭᠡᠷᠡᠨ ᠬᠠᠭᠤᠷᠲᠠᠵᠠᠢ᠃ ᠮᠢᠨᠦ ᠡᠨᠡ ᠴᠢᠨᠢ᠂ ᠮᠦᠨ ᠡᠭᠦᠨ ᠤ ᠲᠦᠯᠦᠭᠡ | ᠲᠤᠰᠬᠠᠶᠢᠯᠠᠨ ᠲᠤᠲᠤᠷᠬᠠᠶᠢᠯᠠᠬᠤ ᠪᠠᠷ ᠢᠷᠡᠭᠰᠡᠨ ᠶᠤᠮ᠃ ᠲᠡᠷᠡ ᠨᠠᠮᠡ ᠶᠢ ᠡᠷᠢᠵᠤ ᠢᠷᠡᠴᠢᠭᠡᠭᠡᠳ | ᠲᠠᠨᠢᠯᠴᠠᠭᠤᠯᠤᠭᠠᠳ ᠠᠯᠢ ᠭᠡᠬᠦᠯᠡᠷ ᠪᠢ ᠬᠠᠮᠢᠭᠠ ᠠᠴᠠ ᠲᠡᠭᠦᠨ ᠢ ᠬᠠᠳᠠᠮ ᠡᠭᠡ ᠠᠴᠠ ᠪᠠᠨ ᠳᠠᠯᠳᠠᠭᠤᠷ ᠭᠡᠵᠤ | ᠮᠡᠳᠡᠬᠦ ᠪᠢᠯᠡ ᠳ᠋ᠡ᠃ ᠤᠰᠤᠯᠳᠠᠯᠠ ᠰᠢᠦ᠂ ᠳᠦᠷᠪᠡᠳᠦᠭᠡᠷ ᠨᠤᠶᠠᠨᠲᠡᠢ᠂ ᠳᠦᠷᠪᠡᠳᠦᠭᠡᠷ ᠬᠠᠳᠤᠭᠲᠠᠢ ᠮᠢᠨᠢ ᠡ᠃ ᠪᠢ | ᠯᠡ ᠬᠢᠴᠢᠶᠠᠮᠵᠢ ᠦᠭᠡᠢ ᠵᠦᠨᠦᠭ ᠲᠤᠯᠤᠭᠠᠶᠢᠯᠠᠭᠠᠳ᠂ ᠡᠵᠡᠭᠲᠡᠢ ᠲᠠᠨ ᠳᠤ ᠪᠠᠨ ᠤᠰᠤᠯᠳᠠᠯᠠ ᠰᠢᠦ᠃ ᠵᠤᠯ ᠢᠶᠠᠷ | ᠲᠠᠨ ᠤ ᠬᠢ ᠤᠤᠯ ᠠᠴᠠ ᠪᠠᠨ ᠠᠭᠤᠤ ᠦᠷᠦᠰᠢᠶᠠᠩᠭᠦᠢ ᠬᠦᠮᠦᠰ᠂ ᠶᠡᠷᠦ ᠠᠴᠠ ᠦᠴᠦᠭᠡᠨ ᠠᠮᠢᠲᠡᠳ ᠲᠠᠢ ᠨᠠᠭᠠᠰᠢ | ᠴᠠᠭᠠᠰᠢ ᠭᠡᠳᠡᠭ ᠦᠭᠡᠢ ᠳᠤ ᠪᠠᠨ ᠯᠡ ᠪᠤᠯᠵᠠᠢ᠃ ᠳᠠᠷᠠᠭᠠᠴᠢ ᠪᠠᠷ ᠪᠢ ᠵᠠᠪᠠᠯ ᠨᠢᠭᠡ ᠰᠠᠶᠢᠨ ᠶᠢ ᠤᠯᠵᠤ ᠦᠭᠴᠤ | ᠶᠠᠯᠡ ᠪᠠᠨ ᠲᠠᠶᠢᠯᠤᠶᠡ ᠁︾ ︽ᠭᠡᠲᠡᠯᠡ ᠁︾ ᠭᠡᠵᠤ ᠳᠦᠷᠪᠡᠳᠦᠭᠡᠷ ᠠᠪᠠᠭᠠ ᠬᠡᠯᠡᠨᠡ᠃ | ᠢᠩᠬᠢᠭᠡᠳ ᠰᠢᠶᠠᠩ ᠯᠢᠨ ᠪᠡᠷᠭᠡᠨ ᠤ ᠬᠡᠷᠡᠭ ᠡᠴᠦᠰᠯᠡᠵᠤ᠂ ᠤᠳᠠᠭᠰᠡᠨ ᠴᠤ ᠦᠭᠡᠢ ᠮᠠᠷᠲᠠᠭᠳᠠᠴᠢᠬᠠᠪᠠ᠃ | |