| ᠠ᠊᠂ ᠨᠠ᠊᠂ ᠪᠠ᠊ ᠭᠤᠷᠪᠠ ᠲᠦᠩᠯᠢᠶᠣᠣ ᠬᠤᠳᠠ ᠶᠢᠨ ᠬᠤᠷᠴᠢᠨ ᠳᠣᠭᠤᠷᠢᠭ ᠤᠨ ᠬᠤᠤᠯᠢᠨ ᠶᠡᠭᠡ ᠵᠡᠬᠡᠯᠢ ᠶᠢᠨ | ᠳᠣᠭᠤᠢ ᠵᠠᠮ ᠢᠶᠠᠷ ᠶᠡᠬᠡᠩᠭᠡᠢ ᠬᠠᠭᠠᠰ ᠢ ᠨᠢ ᠡᠵᠡᠯᠡᠨ ᠵᠡᠬᠦᠨ ᠮᠦᠷᠦ ᠪᠠᠨ ᠳᠠᠭᠠᠵᠣ ᠵᠡᠬᠦᠨᠰᠢᠯᠡᠨᠡ᠃ ᠳᠡᠳᠡ ᠭᠤᠷᠪᠠ | ᠪᠦᠯᠬᠦᠮᠳᠡᠯ ᠵᠠᠮ ᠳᠡᠬᠡᠷᠡ ᠪᠠᠶᠢᠭᠠ ︽ᠪᠤᠯᠤᠳ ᠰᠢᠭ᠋ ᠬᠠᠳᠠᠭᠤ ᠳᠣᠮᠣ ᠳᠡᠯᠬᠡᠬᠦᠷ︾ ᠠᠴᠠ ᠭᠠᠷᠴᠣ ᠢᠷᠡᠬᠡᠳ | ᠬᠤᠶᠢᠰᠢᠯᠠᠵᠣ᠂ ᠬᠤᠣᠯᠢᠨ ᠶᠡᠭᠡ ᠵᠡᠬᠡᠯᠢ ᠲᠠᠢ ᠣᠭᠳᠣᠯᠣᠯᠴᠠᠭᠰᠠᠨ ᠳᠣᠨᠣᠯᠵᠢᠨ ᠵᠠᠮ ᠢ ᠦᠩᠭᠡᠷᠡᠵᠦ ᠢᠷᠡᠭᠰᠡᠨ | ᠪᠠᠶᠢᠭᠠ ᠶᠤᠮ᠃ ᠨᠣᠮᠣ ᠲᠠᠢ ᠰᠣᠮᠣ ᠲᠠᠢ᠂ ᠭᠠᠷ ᠲᠠᠢ ᠬᠦᠯ ᠲᠠᠢ ᠢᠨᠢᠶᠡᠯᠴᠡᠨ ᠬᠠᠨᠢᠶᠠᠯᠴᠠᠨ ᠦᠩᠭᠡᠷᠡᠨᠡ᠃ ᠵᠠᠮ | ᠤᠨ ᠶᠣᠰᠣᠨ ᠢᠶᠠᠷ ᠪᠠᠷᠠᠭᠤᠨ ᠮᠦᠷᠦ ᠪᠠᠨ ᠲᠠᠭᠠᠨ ᠶᠠᠪᠠᠭᠠᠨ ᠵᠠᠮ ᠢᠶᠠᠷ ᠠᠯᠬᠤᠬᠤ ᠶᠤᠰᠣᠳᠡᠢ ᠪᠠᠶᠢᠭᠰᠠᠨ ᠪᠣᠯ ᠳᠡᠳᠡ | ᠶᠠᠭ ᠡᠰᠡᠷᠬᠦ ᠪᠠᠷ ᠮᠢᠨᠦ ᠳᠠᠪᠠ ᠬᠡᠮᠡᠨ ᠳᠣᠭᠤᠢ ᠶᠢᠨ ᠵᠠᠮ ᠢ ᠬᠠᠰᠢᠭᠰᠠᠭᠠᠷ ᠯᠣᠶᠢᠪᠠᠷᠰᠢᠨ ᠶᠠᠪᠤᠵᠡᠢ᠃ ᠠ᠊᠂ ᠨᠠ᠊᠂ ᠪᠠ᠊ | ᠭᠤᠷᠪᠠ ᠪᠤᠯ ᠡᠨᠡ ᠣᠶᠢᠷᠠᠬᠢ ᠡᠮᠨᠡᠯᠬᠡ ᠶᠢᠨ ᠶᠡᠭᠡ ᠰᠣᠷᠭᠠᠭᠤᠯᠢ ᠶᠢᠨ ᠲᠦᠷᠪᠡᠳᠦᠬᠡᠷ ᠣᠨ ᠤ ᠣᠶᠣᠳᠠᠨ᠂ ᠠᠶᠣᠬᠤ | ᠶᠠᠭᠤᠮᠠ ᠦᠭᠡᠢ ᠬᠡᠳᠡᠷ ᠴᠦᠳᠡᠷ ᠨᠠᠰᠣ ᠲᠠᠢ ᠠᠮᠠᠷ ᠦᠭᠡᠢ ᠣᠯᠣᠰ ᠡ᠃ | ᠪᠠᠷᠠᠭᠤᠨ ᠠᠴᠠ ᠳᠣᠭᠤᠢ ᠣᠨᠣᠭᠴᠢ ᠫᠠ᠊ ᠨᠢᠰᠬᠦ ᠬᠤᠷᠳᠣ ᠪᠠᠷ ᠳᠣᠪᠳᠣᠯᠭᠠᠨ᠂ ᠠ᠊᠂ ᠨᠠ᠊᠂ ᠪᠠ᠊ ᠭᠤᠷᠪᠠ ᠶᠢᠨ | ᠬᠤᠶᠢᠨᠠ ᠠᠴᠠ ᠬᠦᠢᠴᠡᠵᠦ ᠢᠷᠡᠮᠡᠷ ᠠᠶᠠᠳᠠᠪᠠ᠃ ᠪᠢᠯᠢᠭ ᠤᠨ ᠬᠤᠣᠰ ᠨᠢᠳᠦ ᠪᠠᠷ ᠵᠢᠰᠦ ᠶᠢ ᠨᠢ ᠦᠵᠡᠪᠡᠯ ᠠᠶᠣᠬᠤ | ᠶᠠᠭᠤ ᠶᠢ ᠮᠡᠳᠡᠬᠦ ᠦᠭᠡᠢ ᠯᠣᠳᠣ ᠡᠷᠡ᠃ | ᠵᠡᠬᠦᠨ ᠠᠴᠠ ᠳᠣᠭᠤᠢ ᠣᠨᠣᠭᠴᠢ ᠬᠠ᠊᠂ ᠡᠩ ᠤᠨ ᠬᠤᠷᠳᠣ ᠪᠠᠷ ᠬᠢᠰᠬᠢᠨ᠂ ᠠ᠊᠂ ᠨᠠ᠊᠂ ᠪᠠ᠊ ᠭᠤᠷᠪᠠ ᠶᠢᠨ | ᠡᠮᠦᠨᠡ ᠠᠴᠠ ᠬᠡᠳᠦᠨ ᠮᠧᠲᠷ ᠤᠨ ᠵᠠᠢ ᠳᠤ ᠳᠦᠬᠦᠪᠡ᠃ ᠪᠢᠴᠢᠭ ᠤᠨ ᠬᠤᠤᠰ ᠨᠢᠳᠦ ᠪᠠᠷ ᠴᠢᠷᠡᠢ ᠶᠢ ᠨᠢ | ᠰᠢᠨᠵᠢᠪᠡᠯ ᠠᠶᠤᠬᠤ ᠶᠠᠭᠤ ᠶᠢ ᠮᠡᠳᠡᠬᠦ ᠡᠰᠡᠬᠦ ᠶᠢ ᠨᠢ ᠦᠵᠡᠵᠦ ᠭᠠᠷᠣᠭᠰᠠᠨ ᠦᠭᠡᠢ ᠪᠠᠰᠠ ᠨᠢᠬᠡ ᠰᠠᠶᠢᠨ | ᠡᠷᠡ᠃ | ᠠ᠊᠂ ᠨᠠ᠊᠂ ᠪᠠ᠊᠂ ᠫᠠ᠊᠂ ᠬᠠ᠊ ᠳᠠᠪᠤᠭᠤᠯᠨ ᠬᠦᠨᠳᠡᠯᠡᠨ ᠵᠢᠷᠣᠭᠠᠰᠣ ᠪᠣᠯᠣᠨ ᠬᠦᠨᠳᠡᠯᠢᠰᠪᠡ᠃ ᠬᠤᠤᠯᠢᠨ ᠶᠡᠭᠡ | ᠵᠡᠬᠡᠯᠢ ᠶᠢᠨ ᠳᠣᠭᠤᠢ ᠶᠢᠨ ᠵᠠᠮ ᠢ ᠳᠦᠬᠦᠷᠬᠡᠬᠡᠳ ᠠᠪᠤᠪᠠ᠃ ᠦᠬᠡᠷᠡ ᠬᠦᠮᠦᠨ ᠳᠣᠮᠳᠠᠭᠤᠷ ᠨᠢ ᠰᠢᠪᠳᠣᠯᠣᠨᠠ | ᠬᠡᠪᠡᠯ ᠭᠤᠷᠢ ᠱᠣᠷᠢ ᠪᠠᠨ ᠳᠠᠰᠣ ᠳᠠᠳᠠ ᠭᠡᠵᠤ ᠬᠡᠯᠡᠵᠦ ᠦᠭᠭᠦᠶᠡ᠃ ᠫᠠ᠊᠂ ᠬᠠ᠊ ᠬᠤᠶᠠᠷ ᠳᠣᠭᠤᠢ ᠣᠨᠣᠭᠴᠢ ᠨᠢᠬᠡᠨ | ᠨᠢᠬᠡᠨ ᠢᠶᠠᠨ ᠬᠦᠩᠭᠡᠬᠡᠨ ᠱᠦᠷᠬᠦᠬᠡᠯᠴᠡᠨ ᠬᠤᠶᠠᠭᠤᠯᠨ ᠢᠶᠠᠨ ᠪᠦᠷ ᠭᠤᠰᠢᠪᠠᠯᠵᠠᠨ ᠠᠪᠤᠭᠠᠳ᠂ ᠵᠡᠬᠦᠨᠰᠢᠯᠡᠬᠦ ᠨᠢ | ᠵᠡᠬᠦᠨᠰᠢᠯᠡᠵᠦ ᠪᠠᠷᠠᠭᠤᠨᠰᠢᠯᠠᠬᠤ ᠨᠢ ᠪᠠᠷᠠᠭᠤᠨᠰᠢᠯᠠᠪᠠ᠃ ᠣᠴᠢᠷ ᠬᠠᠴᠠᠷ ᠪᠤᠯᠤᠭᠠ ᠦᠭᠡᠢ ᠳᠤ ᠨᠢ ᠵᠠᠮ ᠤᠨ ᠴᠠᠭᠠᠨᠠᠬᠢ | ︽ᠵᠠᠮᠢᠶᠠᠨ ᠳᠡᠯᠡᠬᠡᠢ ᠬᠤᠷᠳᠣᠨ ᠬᠤᠭᠤᠯᠠᠨ︾ ᠤ ᠡᠪᠦᠬᠡᠨ ᠵᠠᠩᠭᠤᠶᠢᠳᠠ ᠭᠠ᠊ ᠬᠠᠯᠳᠣ ᠬᠠᠷᠠᠭᠰᠠᠨ ᠢᠶᠠᠨ ᠰᠠᠨᠠᠭᠠ ᠨᠢ | ᠠᠮᠠᠷᠴᠣ ᠣᠷᠳᠣᠬᠠᠨ ᠨᠢᠬᠡ ᠠᠮᠢᠰᠬᠤᠪᠠ᠃ | ᠠ᠊᠂ ᠨᠠ᠊᠂ ᠪᠠ᠊ ᠭᠤᠷᠪᠠ ᠢᠨᠢᠶᠡᠯᠴᠡᠨ ᠬᠠᠨᠢᠶᠠᠯᠴᠠᠨ ᠵᠡᠬᠦᠨᠰᠢᠯᠡᠬᠦ ᠪᠠᠷ ᠢᠶᠠᠨ ᠵᠡᠬᠦᠨᠰᠢᠯᠡᠨᠡ᠃ | ᠵᠡᠬᠦᠨᠰᠢᠯᠡᠭᠴᠢ ᠫᠠ᠊ ᠳᠡᠮᠡᠢ ᠬᠡᠳᠦᠨ ᠠᠯᠳᠠ ᠶᠠᠪᠣᠭᠰᠠᠨ ᠦᠭᠡᠢ ᠶᠠᠭᠤ ᠪᠤᠳᠣᠭᠰᠠᠨ ᠢ ᠪᠤᠤ ᠮᠡᠳᠡ᠂ ᠳᠣᠭᠤᠢ | ᠶᠢᠨ ᠳᠣᠯᠣᠭᠠᠢ ᠪᠠᠨ ᠵᠠᠭᠤ ᠨᠠᠶᠠᠨ ᠭᠷᠠᠳᠦ᠋ᠰ ᠢᠶᠠᠷ ᠡᠷᠬᠢᠬᠦᠯᠵᠦ᠂ ᠠ᠊᠂ ᠨᠠ᠊᠂ ᠪᠠ᠊ ᠭᠤᠷᠪᠠ ᠶᠢᠨ ᠬᠠᠵᠠᠭᠤ ᠪᠠᠷ | ᠪᠠᠷᠠᠭᠤᠨᠰᠢᠯᠠᠭᠴᠢ ᠬᠠ᠊ ᠶᠢᠨ ᠬᠤᠶᠢᠨᠠ ᠠᠴᠠ ᠬᠦᠬᠡᠬᠡᠨ ︽ᠡᠴᠢᠬᠡ ᠶᠢᠨ ᠴᠢᠨᠢ᠂ ᠡᠬᠡ ᠶᠢᠨ ᠴᠢᠨᠢ ᠁︾ ᠬᠡᠮᠡᠨ | ᠶᠡᠭᠡ ᠳᠠᠭᠤᠨ ᠡᠬᠦᠰᠬᠡᠨ ᠬᠠᠷᠢᠶᠠᠭᠰᠠᠭᠠᠷ ᠰᠦᠷ ᠮᠠᠨᠳᠣᠭᠤᠯᠣᠨ ᠠᠶᠣᠯᠭᠠᠯᠳᠠ ᠶᠢᠨ ᠴᠢᠷᠠᠢ ᠵᠠᠩᠭᠠᠨᠠ᠃ ᠳᠡᠷᠨ | ᠭᠠᠶᠢᠬᠠᠯ ᠤᠨ ᠬᠠᠷᠠᠭᠰᠠᠨ ᠬᠦᠮᠦᠨ ᠠᠶᠤᠮᠠᠷ ᠰᠦᠷ ᠢ ᠣᠯᠳᠣᠢ ᠪᠢᠴᠢᠬᠡᠴᠢ ᠴᠦ ᠦᠰᠦᠭ ᠪᠢᠴᠢᠭ ᠢᠶᠠᠷ ᠢᠯᠡᠳᠬᠡᠵᠦ | ᠶᠠᠳᠠᠵᠤ ᠪᠠᠶᠢᠨᠠ᠃ | ᠪᠠᠷᠠᠭᠤᠨᠰᠢᠯᠠᠭᠴᠢ ᠬᠠ᠊᠂ ᠠᠷᠣ ᠳᠤ ᠨᠢ ᠳᠣᠭᠤᠯᠳᠠᠭᠰᠠᠨ ᠬᠠᠷᠢᠶᠠᠯ ᠢ ᠰᠣᠨᠣᠰᠣᠭᠠᠳ ᠡᠷᠬᠢᠵᠦ ᠬᠠᠷᠠᠭᠰᠠᠨ | ᠴᠢᠨᠢ ᠰᠠᠶ᠋ᠢᠬᠠᠨ ᠤ ᠳᠣᠭᠤᠢ ᠪᠠᠷ ᠱᠦᠷᠬᠦᠬᠡᠯᠴᠡᠭᠰᠡᠨ ᠫᠠ᠊ ᠪᠤᠯᠠᠢ᠃ ᠰᠦᠷ ᠪᠠᠯᠳᠠᠷᠣᠣ ᠲᠠᠢ ᠠᠭᠠᠰᠢᠯᠠᠭᠰᠠᠭᠠᠷ ᠳᠡᠬᠦᠨ | ᠤ ᠡᠰᠡᠷᠬᠦ ᠳᠡᠮᠡᠬᠡᠨ ᠬᠦᠶᠦᠳᠡᠯ ᠤᠨ ᠳᠡᠷᠨ ᠬᠤᠷᠳᠤ ᠪᠠᠷ ᠨᠢᠰᠬᠡᠨ ᠢᠷᠡᠬᠦᠢ᠃ | ︽ᠬᠡᠨ ᠢ ᠬᠠᠷᠢᠶᠠᠵᠣ ᠪᠠᠶᠢᠨᠠ ᠪᠤᠢ︖ ᠠᠮᠢ ᠪᠠᠨ ᠠᠪᠬᠤ ᠦᠭᠡᠢ ᠶᠤᠮ ᠦᠦ︖︾ ᠬᠡᠭᠰᠡᠬᠡᠷ ᠬᠠ᠊ | ᠳᠣᠭᠤᠢ ᠶᠢᠨ ᠳᠣᠯᠣᠭᠠᠢ ᠪᠠᠨ ᠵᠠᠭᠤ ᠨᠠᠶᠠᠨ ᠭᠷᠠᠳᠦ᠋ᠰ ᠢᠶᠠᠷ ᠡᠷᠬᠢᠬᠦᠯᠵᠦ ᠫᠠ᠊ ᠶᠢ ᠣᠭᠳᠣᠨᠠ᠃ ᠬᠠᠷᠢᠶᠠᠭᠴᠢ ᠫᠠ᠊᠂ | ᠡᠷᠬᠢᠭᠴᠢ ᠬᠠ᠊ ᠶᠢᠨ ᠴᠢᠷᠠᠢ ᠶᠢ ᠰᠢᠷᠳᠡᠬᠦ ᠳᠤ ᠠᠯᠠᠬᠤ ᠠᠭᠤᠷ ᠨᠢᠬᠡ ᠵᠠᠭᠤ ᠨᠠᠶᠠᠨ ᠵᠠᠩ ᠦᠨᠳᠦᠷ ᠮᠠᠨᠳᠣᠭᠰᠠᠨ ᠳᠣᠯᠨ | ᠠᠶᠤᠭᠴᠢ ᠫᠠ᠊ ᠬᠤᠪᠢᠷᠠᠵᠤ᠂ ᠳᠣᠭᠤᠢ ᠶᠢᠨ ᠳᠣᠯᠣᠭᠠᠢ ᠪᠠᠨ ᠵᠠᠭᠤ ᠨᠠᠶᠠᠨ ᠭᠷᠠᠳᠦ᠋ᠰ ᠢᠶᠠᠷ ᠡᠷᠬᠢᠬᠦᠯᠵᠦ ᠵᠡᠬᠦᠨᠰᠢ ᠪᠠᠨ | ᠴᠢᠨᠡᠭᠡ ᠮᠡᠳᠡᠨ ᠳᠠᠪᠬᠢᠭᠤᠯᠵᠤ ᠭᠤᠳ ᠳᠣᠳᠠᠭᠠᠨᠠ᠃ | ᠬᠠ᠊᠂ᠫᠠ᠊ ᠶᠢᠨ ᠬᠤᠶᠢᠨᠠ ᠠᠴᠠ︽ᠠᠮᠢ ᠶᠢ ᠴᠢᠨᠢ ᠠᠪᠤᠶᠠ᠂ ᠡᠪᠦᠭᠡ ᠲᠠᠢ ᠪᠠᠨ ᠬᠠᠯᠳᠠᠬᠤ ᠡᠳᠡᠭ ᠴᠢᠨᠢ ᠁︾ | ᠬᠡᠭᠰᠡᠬᠡᠷ ᠠ᠊᠂ ᠨᠠ᠊᠂ ᠪᠠ᠊ ᠭᠤᠷᠪᠠ ᠶᠢᠨ ᠬᠠᠵᠠᠭᠤ ᠪᠠᠷ ᠵᠡᠬᠦᠨᠰᠢᠯᠡᠨ ᠳᠣᠭᠤᠢ ᠪᠠᠨ ᠳᠦᠷᠬᠡᠯᠡᠨ ᠵᠢᠬᠢᠨᠠ᠃ | ᠡᠪᠦᠬᠡᠨ ᠭᠠ᠊᠂ ᠰᠠᠶ᠋ᠢᠬᠢ ᠬᠡᠷᠡᠭ ᠰᠠᠨᠠᠭᠠᠨ ᠠᠴᠠ ᠨᠢ ᠭᠠᠳᠠᠭᠤᠷ ᠪᠤᠯᠵᠤ ᠦᠭᠭᠦᠭᠡ ᠦᠭᠡᠢ ᠬᠠᠷᠢᠨ ᠱᠠᠯ | ᠦᠬᠡᠷᠡ ᠪᠠᠷ ᠦᠬᠡᠷᠡᠳᠦᠭᠰᠡᠨ ᠢ ᠮᠦᠨ ᠳᠣᠪ ᠳᠣᠷᠬᠠᠢ ᠣᠯᠵᠣ ᠬᠠᠷᠠᠭᠰᠠᠨ ᠪᠠᠶᠢᠪᠠ᠃ | ᠠ᠊᠂ ᠨᠠ᠊᠂ ᠪᠠ᠊ ᠭᠤᠷᠪᠠ ᠢᠨᠢᠶᠡᠯᠴᠡᠨ ᠬᠠᠨᠢᠶᠠᠯᠴᠠᠨ ᠵᠡᠬᠦᠨᠰᠢᠯᠡᠬᠦ ᠪᠠᠷ ᠢᠶᠠᠨ ᠵᠡᠬᠦᠨᠰᠢᠯᠡᠨᠡ᠃ | ᠦᠯᠢᠬᠡᠷ ᠢ ᠦᠨᠡᠨ ᠭᠡᠵᠤ ᠵᠢᠱᠢᠪᠡᠯ ᠪᠠ᠊ ᠪᠤᠯ ᠣᠯᠳᠣᠢ ᠪᠢᠴᠢᠬᠡᠴᠢ᠂ ᠠ᠊ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠬᠡᠨ | ᠵᠠᠰᠠᠬᠤ ᠣᠷᠣᠨ ᠤ ᠬᠦᠯᠦᠨ ᠪᠤᠶᠢᠷ ᠬᠤᠳᠠᠨ ᠳᠤ᠂ ᠨᠠ᠊ ᠰᠢᠨᠵᠢᠶᠠᠩ ᠤᠨ ᠣᠶᠢᠭᠤᠷ ᠦᠨᠳᠦᠰᠦᠳᠡᠨ ᠤ ᠦᠪᠡᠷᠳᠡᠬᠡᠨ | ᠵᠠᠰᠠᠬᠤ ᠣᠷᠣᠨ ᠤ ᠪᠠᠶ᠋ᠬᠠᠭᠤᠤᠯ ᠵᠸᠤ ᠳᠤ ᠠᠵᠢᠯᠯᠠᠵᠤ ᠪᠣᠢ᠃ | |