ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠮᠡᠳᠡᠯᠭᠡ ᠰᠤᠷᠤᠶ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/9/10
               — ᠪᠠᠭᠠᠴᠤᠳ ᠵᠠᠯᠠᠭᠤᠴᠤᠳ ᠳᠠᠭᠠᠨ ᠵᠤᠷᠢᠭᠤᠯᠪᠠ           ᠵᠤᠬᠢᠶᠠᠬᠴᠢ᠄  ᠰᠢᠨᠵᠢᠶᠠᠩ᠂ ᠢᠯᠢ᠂ ᠮᠤᠩᠭᠤᠯᠭᠦ᠋ᠷᠢᠶ᠎ᠡ᠂                    ᠦᠭᠡᠯᠡᠳ ᠨᠤᠷᠪᠤ ᠶᠢᠨ ᠪᠠᠲ᠋ᠠᠢ      ᠡᠷᠦᠭᠡ ᠶᠢᠨ ᠲᠤᠨᠤᠭᠤ ᠪᠠᠨ ᠨᠡᠭᠡᠪᠡᠯ        ᠦᠷᠯᠦᠭᠡ ᠶᠢᠨ ᠠᠮᠢᠰᠬᠤᠯ ᠲᠤᠩᠭᠠᠯᠠᠭ᠂        ᠦᠷᠭᠦᠯᠵᠢ ᠨᠤᠮ ᠤᠩᠰᠢᠪᠡᠯ        ᠦᠵᠡᠯ ᠪᠤᠳᠤᠯ ᠦᠷᠭᠡᠵᠢᠭᠦᠳᠡᠭ᠃                ᠭᠡᠷ ᠤᠨ ᠰᠠᠷᠪᠠᠬ᠎ᠠ ᠪᠠᠨ ᠰᠡᠬᠡᠪᠡᠯ        ᠭᠡᠷᠡᠯ ᠤᠷᠤᠬᠤ ᠨᠢ ᠲᠦᠷᠭᠡᠨ ᠪᠠᠶᠢᠳᠠᠭ᠂        ᠰᠤᠨᠢᠨ ᠰᠡᠳᠬᠦᠯ ᠤᠩᠰᠢᠪᠡᠯ        ᠰᠤᠷᠬᠤ ᠮᠡᠳᠡᠯᠭᠡ ᠦᠷᠭᠡᠨ ᠪᠠᠶᠢᠳᠠᠭ᠃                ᠤᠩᠰᠢᠨ ᠰᠡᠳᠬᠢᠨ ᠰᠠᠭᠤᠬᠤ ᠳᠤ        ᠦᠰᠦᠨ ᠠᠳᠠᠯᠢ ᠠᠮᠳᠠᠯᠠᠭᠳᠠᠬᠤ ᠶᠤᠮ᠂        ᠤᠶᠤᠨ ᠤ ᠪᠤᠯᠪᠠᠰᠤᠨ ᠢ ᠬᠦᠭᠡᠭᠡᠴᠢᠯᠳᠠᠬᠤ ᠳᠤ        ᠠᠮᠳᠠᠳᠠᠢ ᠬᠤᠭᠤᠯᠠ ᠰᠢᠭ᠋ ᠰᠠᠨᠠᠭᠳᠠᠬᠤ ᠶᠤᠮ᠃                ᠰᠢᠨᠵᠢᠯᠡᠨ ᠰᠤᠳᠤᠯᠤᠨ ᠤᠩᠰᠢᠬᠤ ᠳᠤ        ᠰᠢᠬᠡᠷ ᠪᠤᠷᠤᠮ ᠰᠢᠭ᠋ ᠰᠡᠳᠬᠢᠭᠳᠡᠬᠦ ᠶᠤᠮ᠂        ᠰᠢᠯᠢᠳᠡᠭ ᠠᠮᠵᠢᠯᠳᠠ ᠤᠯᠬᠤ ᠳᠤ        ᠰᠢᠨᠳᠡᠷᠡᠰᠢ ᠦᠭᠡᠢ ᠵᠤᠷᠢᠭ ᠣᠨᠳᠣᠷᠬᠤ ᠶᠤᠮ᠃                ᠨᠠᠮ ᠲᠦᠷᠦ ᠶᠢᠨ ᠪᠤᠳᠤᠯᠭ᠎ᠠ ᠶᠢ        ᠨᠠᠷᠢᠨ ᠲᠤᠭᠤᠰᠢᠯᠠᠭᠤᠯᠳᠠᠭ ᠨᠢ ᠮᠡᠳᠡᠯᠭᠡ ᠶᠤᠮ᠂        ᠨᠠᠷᠠᠳᠤ ᠶᠢᠨ ᠵᠢᠷᠭᠠᠯ ᠤᠨ ᠴᠡᠴᠡᠭ ᠢ        ᠨᠠᠪᠴᠢᠯᠠᠭᠤᠯᠠᠵᠦ ᠳᠡᠯᠭᠡᠷᠡᠭᠦᠯᠳᠡᠭ ᠨᠢ ᠮᠡᠳᠡᠯᠭᠡ ᠶᠤᠮ᠃                ᠲᠡᠦᠬᠡ ᠰᠤᠶᠤᠯ ᠬᠤᠶᠠᠷ ᠢ        ᠲᠠᠨᠢᠭᠤᠯᠵᠦ ᠦᠭᠭᠦᠳᠡᠭ ᠨᠢ ᠮᠡᠳᠡᠯᠭᠡ ᠶᠤᠮ᠂        ᠲᠤᠳᠠᠭᠤ ᠢᠯᠡᠭᠦᠦ ᠬᠤᠶᠠᠷ ᠢ        ᠲᠡᠩᠴᠡᠭᠦᠯᠵᠦ ᠦᠭᠭᠦᠳᠡᠭ ᠨᠢ ᠮᠡᠳᠡᠯᠭᠡ ᠶᠤᠮ᠃                ᠦᠩᠭᠡᠷᠡᠭᠰᠡᠨ ᠦᠨᠦᠳᠦᠷ ᠬᠤᠶᠠᠷ ᠢ        ᠢᠯᠭᠠᠵᠤ ᠦᠭᠭᠦᠳᠡᠭ ᠨᠢ ᠮᠡᠳᠡᠯᠭᠡ ᠶᠤᠮ᠂        ᠵᠢᠩᠬᠢᠨᠢ ᠬᠠᠭᠤᠷᠮᠠᠭ ᠬᠤᠶᠠᠷ ᠢ        ᠵᠢᠱᠢᠶᠡᠵᠦ ᠦᠭᠭᠦᠳᠡᠭ ᠨᠢ ᠮᠡᠳᠡᠯᠭᠡ ᠶᠤᠮ᠃                ᠬᠠᠶᠢᠷ᠎ᠡ ᠬᠤᠷᠤᠰᠤᠯ ᠬᠤᠶᠠᠷ ᠢ        ᠲᠤᠳᠤᠯᠠᠵᠦ ᠦᠭᠭᠦᠳᠡᠭ ᠨᠢ ᠮᠡᠳᠡᠯᠭᠡ ᠶᠤᠮ᠂        ᠬᠠᠷ᠎ᠠ ᠴᠠᠭᠠᠨ ᠬᠤᠶᠠᠷ ᠢ        ᠲᠤᠩᠭᠠᠵᠤ ᠦᠭᠭᠦᠳᠡᠭ ᠨᠢ ᠮᠡᠳᠡᠯᠬᠡ ᠶᠤᠮ᠃                ᠵᠦᠪ ᠪᠤᠷᠤᠭᠤ ᠬᠤᠶᠠᠷ ᠢ        ᠵᠦᠪᠯᠡᠵᠦ ᠦᠭᠭᠦᠳᠡᠭ ᠨᠢ ᠮᠡᠳᠡᠯᠬᠡ ᠶᠤᠮ᠂        ᠴᠡᠴᠡᠨ ᠮᠤᠩᠬᠠᠭ ᠬᠤᠶᠠᠷ ᠢ        ᠴᠡᠨᠡᠭᠯᠡᠵᠦ ᠦᠭᠭᠦᠳᠡᠭ ᠨᠢ ᠮᠡᠳᠡᠯᠭᠡ ᠶᠤᠮ᠃                ᠭᠠᠯᠪᠠ ᠲᠡᠯᠡᠬᠡᠢ ᠶᠢᠨ ᠦᠷᠦ ᠲᠡᠭᠡᠷ᠎ᠡ        ᠭᠦᠨ ᠤᠬᠠᠭᠠᠨ ᠮᠡᠳᠡᠯᠭᠡ ᠶᠤᠮ᠂        ᠬᠦᠮᠦᠨ ᠪᠦᠬᠦᠨ ᠤ ᠴᠢᠳᠠᠪᠤᠷᠢ ᠲᠡᠭᠡᠷ᠎ᠡ        ᠬᠦᠴᠦᠨ ᠤ ᠲᠡᠩᠬᠡᠯᠢᠭ ᠨᠢ ᠮᠡᠳᠡᠯᠭᠡ ᠶᠤᠮ᠃                ᠠᠮᠢᠳᠤᠷᠠᠯ ᠠᠬᠤᠢ ᠶᠢᠨ ᠬᠦᠷᠦᠰᠦᠨ ᠲᠡᠭᠡᠷ᠎ᠡ        ᠷᠠᠰᠢᠶᠠᠨ ᠬᠤᠷ᠎ᠠ ᠨᠢ ᠮᠡᠳᠡᠯᠭᠡ ᠶᠤᠮ᠂        ᠠᠵᠢᠯ ᠦᠢᠯᠡᠰ ᠤᠨ ᠵᠠᠮ ᠲᠡᠭᠡᠷ᠎ᠡ        ᠠᠭᠤᠤ ᠤᠨᠤᠯ ᠨᠢ ᠮᠡᠳᠡᠯᠭᠡ ᠶᠤᠮ᠃                ᠬᠦᠭᠵᠢᠯ ᠪᠠᠳᠠᠷᠠᠯ ᠤᠨ ᠦᠢᠯᠡᠰ ᠲᠤ        ᠬᠦᠮᠦᠵᠢᠯ ᠤᠯᠭᠤᠳᠠᠭ ᠨᠢ ᠮᠡᠳᠡᠯᠭᠡ ᠶᠤᠮ᠂        ᠬᠦᠮᠦᠨ ᠤ ᠨᠡᠶᠢᠬᠡᠮ ᠤᠨ ᠲᠠᠪᠰᠢᠯᠳᠠ ᠲᠤ        ᠬᠦᠴᠦᠨ ᠦᠭᠭᠦᠳᠡᠭ ᠨᠢ ᠮᠡᠳᠡᠯᠭᠡ ᠶᠤᠮ᠃                ᠤᠶᠤᠨ ᠤ ᠬᠤᠶᠠᠷ ᠪᠤᠯᠪᠠᠰᠤᠨ ᠢ        ᠣᠳᠣᠷᠢᠳᠴᠦ ᠬᠠᠪᠰᠤᠷᠠᠳᠠᠭ ᠨᠢ ᠮᠡᠳᠡᠯᠭᠡ ᠶᠤᠮ᠂        ᠦᠭᠡᠢ ᠶᠠᠳᠠᠭᠤ ᠠᠮᠢᠳᠤᠷᠠᠯ ᠢ        ᠦᠭᠡᠳᠡ ᠲᠠᠲᠠᠳᠠᠭ ᠨᠢ ᠮᠡᠳᠡᠯᠭᠡ ᠶᠤᠮ᠃                ᠤᠯᠤᠰ ᠤᠷᠤᠨ ᠤ ᠨᠢᠭᠡᠳᠦᠯ ᠢ        ᠨᠠᠶᠢᠷᠳᠡᠢ ᠪᠠᠬᠢᠵᠢᠭᠦᠯᠳᠡᠭ ᠨᠢ ᠮᠡᠳᠡᠯᠭᠡ ᠶᠤᠮ᠂        ᠤᠶᠤᠨ ᠤᠬᠠᠭᠠᠨ ᠤ ᠤᠨᠤᠯ ᠢ        ᠨᠡᠮᠡᠭᠳᠡᠭᠦᠯᠡᠵᠦ ᠬᠦᠨᠵᠡᠭᠡᠶᠢᠷᠡᠭᠦᠯᠳᠡᠭ ᠨᠢ ᠮᠡᠳᠡᠯᠭᠡ ᠶᠤᠮ᠃                ᠤᠳᠬ᠎ᠠ ᠤᠷᠠᠯᠢᠭ ᠤᠨ ᠦᠢᠯᠡᠴᠢᠯᠡᠭᠡ ᠶᠢ        ᠣᠷᠮᠠᠰᠢᠭᠤᠯᠵᠦ ᠬᠦᠳᠦᠯᠦᠳᠡᠭ ᠨᠢ ᠮᠡᠳᠡᠯᠭᠡ ᠶᠤᠮ᠂        ᠬᠤᠳᠠᠯᠠ ᠤᠯᠠᠨ ᠤ ᠣᠬᠠᠮᠰᠠᠷ ᠢ        ᠬᠠᠦᠯᠢ ᠢᠶᠠᠷ ᠵᠠᠰᠠᠳᠠᠭ ᠨᠢ ᠮᠡᠳᠡᠯᠭᠡ ᠶᠤᠮ᠃                ᠮᠡᠳᠡᠯᠭᠡ ᠡᠷᠳᠡᠮ ᠤᠨᠤᠯ ᠤᠨ ᠰᠠᠭᠤᠷᠢ        ᠮᠡᠳᠡᠯᠭᠡ ᠮᠡᠳᠡᠭᠡᠴᠡ ᠤᠬᠠᠭᠠᠨ ᠤ ᠵᠠᠯᠠᠭᠤᠷ᠂        ᠮᠡᠳᠡᠯᠭᠡ ᠡᠨᠡ ᠲᠡᠯᠡᠬᠡᠢ ᠳᠤ ᠰᠤᠶᠤᠯ ᠤᠨ ᠴᠤᠩᠬᠤ        ᠮᠡᠳᠡᠯᠭᠡ ᠠᠯᠢᠪᠠ ᠶᠢ ᠪᠦᠳᠦᠭᠡᠬᠦ ᠡᠷᠳᠡᠮ ᠤᠨ ᠵᠢᠯᠤᠭᠤ᠃                ᠡᠷᠳᠡᠮ ᠮᠡᠳᠡᠯᠭᠡ ᠨᠤᠮ ᠤᠨ ᠬᠦᠴᠦᠨ        ᠡᠷᠳᠡᠮ ᠮᠡᠳᠡᠯᠭᠡ ᠭᠡᠭᠡᠷᠡᠯ ᠤᠨ ᠵᠤᠯᠠ᠂        ᠡᠷᠳᠡᠮ ᠮᠡᠳᠡᠯᠭᠡ ᠬᠠᠷᠠᠩᠭᠤᠢ ᠶᠢᠨ ᠰᠠᠷᠠ        ᠡᠷᠳᠡᠮ ᠮᠡᠳᠡᠯᠭᠡ ᠬᠠᠷᠠᠴᠠ ᠶᠢᠨ ᠨᠠᠷᠠᠨ᠃                ᠮᠡᠳᠡᠯᠭᠡ ᠭᠡᠭᠡ ᠤᠷᠤᠭᠤᠯᠳᠠᠭ ᠱᠤᠮᠤᠷ        ᠮᠡᠳᠡᠯᠭᠡ ᠤᠬᠠᠭ᠎ᠠ ᠤᠷᠤᠭᠤᠯᠳᠠᠭ ᠰᠡᠷᠡᠯ᠂        ᠮᠡᠳᠡᠯᠭᠡ ᠰᠢᠷᠬᠢᠰᠢ ᠦᠭᠡᠢ ᠤᠨᠳᠤᠷᠤᠯ ᠪᠤᠯᠠᠭ        ᠮᠡᠳᠡᠯᠭᠡ ᠬᠢᠵᠠᠭᠠᠷ ᠦᠭᠡᠢ ᠶᠡᠭᠡ ᠬᠦᠴᠦᠨ᠃                ᠡᠨᠡ ᠴᠠᠭ ᠢ ᠰᠢᠯᠢᠳᠡᠭᠵᠢᠭᠦᠯᠳᠡᠭ ᠮᠡᠳᠡᠯᠭᠡ        ᠡᠨᠡ ᠨᠠᠰᠤ ᠶᠢ ᠤᠬᠠᠭᠠᠵᠢᠭᠤᠯᠳᠠᠭ ᠮᠡᠳᠡᠯᠭᠡ        ᠡᠨᠡ ᠦᠶ᠎ᠡ ᠶᠢ ᠪᠠᠶᠠᠯᠢᠭᠵᠢᠭᠤᠯᠳᠠᠭ ᠮᠡᠳᠡᠯᠭᠡ        ᠡᠨᠡ ᠨᠡᠶᠢᠬᠡᠮ ᠢ ᠰᠤᠶᠤᠯᠵᠢᠭᠤᠯᠳᠠᠭ ᠮᠡᠳᠡᠯᠭᠡ᠃                ᠮᠡᠳᠡᠯᠭᠡ ᠲᠠᠢ ᠬᠦᠮᠦᠨ ᠶᠠᠮᠠᠷᠴᠦ ᠴᠠᠭ ᠲᠤ        ᠪᠠᠶᠠᠨ ᠦᠭᠯᠢᠭᠴᠢ ᠬᠢᠷᠭᠠᠢ ᠪᠠᠶᠢᠳᠠᠭ᠂        ᠮᠡᠳᠡᠯᠭᠡ ᠲᠠᠢ ᠬᠦᠮᠦᠨ ᠶᠠᠮᠠᠷᠴᠦ ᠦᠶ᠎ᠡ ᠳᠤ        ᠲᠠᠷᠤᠤ ᠨᠤᠮᠤᠬᠠᠨ ᠬᠢᠴᠢᠶᠡᠩᠭᠦᠢ ᠪᠠᠶᠢᠳᠠᠭ᠃                ᠮᠡᠳᠡᠯᠭᠡ ᠲᠠᠢ ᠬᠦᠮᠦᠨ ᠪᠢᠳᠡᠭᠦᠦ ᠪᠦᠭᠯᠡᠭᠦᠦ        ᠠᠭᠤᠯᠠ ᠠᠴᠠ ᠵᠠᠮ ᠤᠯᠵᠤ ᠭᠠᠷᠤᠳᠠᠭ᠂        ᠮᠡᠳᠡᠯᠭᠡ ᠲᠠᠢ ᠬᠦᠮᠦᠨ ᠪᠡᠷᠬᠡ ᠬᠦᠨ        ᠲᠠᠯᠠᠢ ᠠᠴᠠ ᠤᠯᠤᠮ ᠤᠯᠵᠤ ᠭᠡᠲᠦᠯᠳᠡᠭ᠃                ᠨᠠᠷᠠᠨ ᠬᠤᠷ᠎ᠠ ᠲᠡᠩᠴᠡᠪᠡᠯ        ᠨᠠᠪᠴᠢ ᠴᠡᠴᠡᠭ ᠲᠡᠯᠭᠡᠷᠡᠳᠡᠭ᠂        ᠠᠷᠠᠳ ᠤᠯᠠᠨ ᠢ ᠲᠦᠰᠢᠭᠯᠡᠪᠡᠯ        ᠦᠨ᠎ᠡ ᠲᠠᠢ ᠮᠡᠳᠡᠯᠭᠡ  ᠬᠤᠷᠠᠮᠳᠣᠭᠤᠯᠳᠠᠭ᠃                ᠪᠢᠴᠢᠭ ᠨᠤᠮ ᠠᠴᠠ ᠡᠷᠢᠪᠡᠯ        ᠪᠤᠳᠢᠳᠠᠢ ᠮᠡᠳᠡᠯᠭᠡ ᠤᠯᠳᠠᠭ᠂        ᠲᠠᠷᠢᠬᠢ ᠲᠤᠯᠤᠭᠠᠢ ᠪᠠᠨ ᠬᠡᠷᠡᠭᠯᠡᠪᠡᠯ        ᠲᠤᠰᠠ ᠲᠠᠢ ᠮᠡᠳᠡᠯᠭᠡ ᠤᠯᠳᠠᠭ᠃                ᠠᠷᠠᠳ ᠤᠨ ᠲᠤᠳᠤᠷ᠎ᠠ ᠭᠦᠨᠵᠡᠶᠢᠭᠡᠷᠪᠡᠯ        ᠦᠢᠯᠡᠳᠦᠯᠭᠡ ᠶᠢᠨ ᠮᠡᠳᠡᠯᠭᠡ ᠤᠯᠳᠠᠭ᠂        ᠣᠳᠬ᠎ᠠ ᠵᠤᠬᠢᠶᠠᠯ ᠳᠤ ᠭᠦᠨᠵᠡᠭᠡᠶᠢᠷᠡᠪᠡᠯ        ᠤᠨᠤᠯ ᠤᠨ ᠮᠡᠳᠡᠯᠭᠡ ᠤᠯᠳᠠᠭ᠃                ᠠᠷᠪᠢᠨ ᠮᠡᠳᠡᠯᠭᠡ ᠲᠠᠢ ᠪᠤᠯᠤᠶ᠎ᠠ ᠭᠡᠪᠡᠯ          ᠪᠢᠳᠡᠨ ᠦᠨᠳᠦᠰᠦᠨ ᠨᠦᠬᠦᠴᠡᠯ ᠡᠬᠡ ᠬᠡᠯᠡ ᠪᠠᠨ ᠦᠪᠡᠷᠲᠡᠭᠡᠨ ᠰᠠᠶᠢᠨ ᠰᠤᠷᠤᠶ᠎ᠠ︕        ᠦᠷᠭᠡᠨ ᠮᠡᠳᠡᠯᠭᠡ ᠲᠠᠢ ᠶᠠᠪᠤᠶ᠎ᠠ ᠭᠡᠪᠡᠯ          ᠪᠢᠳᠡᠨ ᠦᠨᠳᠦᠰᠦᠨ ᠱᠠᠭᠠᠷᠳᠠᠯᠭ᠎ᠠ ᠪᠤᠰᠤᠳ ᠤᠨ ᠬᠡᠯᠡ ᠦᠰᠦᠭ ᠢ ᠬᠠᠮᠳᠤ ᠨᠢ ᠰᠤᠷᠤᠶ᠎ᠠ︕
 
ᠢᠷᠡᠯᠲᠡ᠄ ᠬᠤᠯᠪᠤᠭ᠎ᠠ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠶᠢᠷᠠᠭ ᠤᠨ ᠢᠷᠦᠬᠡᠯ
ᠵᠡᠭᠦᠳᠦᠨ ᠴᠡᠩᠭᠡᠷ ᠬᠦᠳᠡᠭᠡ
ᠡᠷᠭᠢᠵᠦ ᠰᠠᠨᠠᠭᠳᠠᠬᠤ ᠡᠬᠡ ᠨᠤᠳᠤᠭ
ᠠᠪᠤ ᠡᠵᠢ ᠬᠤᠶᠠᠷ
ᠨᠦᠯᠦᠭᠡᠯᠡᠬᠦ ᠬᠦᠴᠦᠨ ᠤ ᠦᠨ᠎ᠡ ᠦᠷᠳᠡᠭ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号