| ᠵᠤᠬᠢᠶᠠᠬᠴᠢ᠄ ᠬᠢᠩᠭᠠᠨ᠂ ᠲᠦᠰᠢᠶᠡᠳᠦ᠂ ᠬᠢᠶᠠᠨ ᠠᠵᠢᠨᠠᠢ | ᠠᠳᠦᠭᠤᠨ ᠤ ᠦᠥᠷᠰᠡᠬᠡᠨ ᠳᠤ ᠲᠡᠨᠡᠶᠢᠷᠡᠬᠦ ᠵᠣᠰᠭᠠᠯ ᠤᠨ ᠦᠷᠯᠦᠬᠡ ᠴᠡᠩᠭᠡᠷ | ᠠᠶᠠ ᠲᠠᠭᠤᠨ ᠳᠤ ᠵᠢᠷᠭᠠᠬᠤ ᠬᠠᠳᠣᠯᠠᠩ ᠤᠨ ᠪᠦᠷᠦᠢ ᠴᠡᠩᠭᠡᠷ | ᠠᠯᠳᠠᠩᠬᠠᠨ ᠵᠢᠷᠭᠠᠯ ᠳᠤ ᠪᠦᠦᠪᠠᠶᠢᠯᠠᠭᠳᠠᠬᠤ ᠠᠵᠠ ᠶᠢᠨ ᠨᠣᠳᠤᠭ ᠴᠡᠩᠭᠡᠷ | ᠠᠰᠢᠳᠠ ᠦᠨᠢ ᠬᠡᠶᠢᠮᠣᠷᠢᠯᠠᠬᠤ ᠭᠤᠯᠣᠮᠳᠠ ᠶᠢᠨ ᠰᠦᠯᠳᠡ ᠴᠡᠩᠭᠡᠷ | | ᠨᠠᠷᠠᠨ ᠤ ᠤᠶᠠᠬᠠᠨ ᠦᠨᠦᠰᠦᠯᠳᠡ ᠳᠤ ᠲᠡᠭᠷᠢ ᠶᠢᠨ ᠬᠤᠷᠮᠣᠢ ᠴᠡᠩᠭᠡᠷ | ᠨᠠᠪᠴᠢᠨ ᠤ ᠲᠣᠷᠭᠠᠨ ᠢᠯᠪᠢᠯᠲᠡ ᠳᠤ ᠭᠠᠵᠠᠷ ᠤᠨ ᠡᠯᠢᠬᠡ ᠴᠡᠩᠭᠡᠷ | ᠡᠪᠡᠰᠦ ᠬᠤᠯᠣᠰᠣᠨ ᠤ ᠨᠠᠶᠢᠭᠤᠭᠠᠨ ᠳᠤ ᠣᠰᠣᠨ ᠤ ᠰᠣᠨᠣᠷ ᠴᠡᠩᠭᠡᠷ | ᠣᠢ ᠲᠠᠶᠢᠭᠠ ᠶᠢᠨ ᠪᠠᠭᠰᠢᠷᠭᠠᠨ ᠳᠤ ᠠᠭᠤᠯᠠᠰ ᠤᠨ ᠪᠣᠳᠣᠯ ᠴᠡᠩᠭᠡᠷ | | ᠰᠡᠷᠮᠡᠭᠦᠨ ᠲᠡᠨᠵᠢᠨ ᠳᠤ ᠭᠠᠩᠬᠤᠭᠠ ᠴᠠᠬᠢᠯᠳᠠᠭ ᠤᠨ ᠴᠡᠴᠡᠭ ᠴᠡᠩᠭᠡᠷ | ᠰᠦᠷᠦᠭ ᠤᠨ ᠵᠠᠬᠠ ᠪᠠᠷ ᠱᠤᠭᠰᠢᠬᠤ ᠰᠠᠯᠬᠢᠨ ᠭᠦᠶᠦᠳᠡᠯ ᠴᠡᠩᠭᠡᠷ | ᠰᠢᠯᠢ ᠬᠠᠩᠭᠠᠢ ᠳᠠᠭᠠᠨ ᠵᠦᠰᠡᠷᠡᠬᠦ ᠪᠣᠷᠣᠭᠠᠨ ᠤ ᠵᠠᠬᠢᠶᠠ ᠴᠡᠩᠭᠡᠷ | ᠰᠣᠳᠣᠨ ᠪᠠᠶᠢᠭᠠᠯᠢ ᠳᠠᠭᠠᠨ ᠵᠢᠷᠬᠢᠬᠦ ᠭᠤᠯᠢᠶᠠ ᠶᠢᠨ ᠲᠠᠭᠤᠨ ᠴᠡᠩᠭᠡᠷ | | ᠲᠣᠭᠤᠨᠣ ᠠᠴᠠ ᠰᠣᠭᠤᠨᠠᠭᠯᠠᠬᠤ ᠠᠷᠭᠠᠯ ᠤᠨ ᠣᠳᠤᠭᠠ ᠴᠡᠩᠭᠡᠷ | ᠲᠣᠯᠭᠠ ᠠᠴᠠ ᠲᠦᠷᠡᠯᠵᠡᠬᠦ ᠭᠠᠯ ᠤᠨ ᠰᠣᠷ ᠴᠡᠩᠭᠡᠷ | ᠲᠣᠭᠤᠯ ᠤᠨ ᠵᠡᠯᠡᠨ ᠠᠴᠠ ᠦᠨᠳᠡᠶᠢᠬᠦ ᠬᠤᠨᠤᠭ ᠤᠨ ᠮᠠᠨᠠᠨ ᠴᠡᠩᠭᠡᠷ | ᠲᠣᠯᠣᠭᠠᠳ ᠤᠨ ᠴᠭᠠᠨᠠ ᠠᠴᠠ ᠪᠣᠰᠬᠤ ᠦᠷᠯᠦᠬᠡ ᠶᠢᠨ ᠦᠨᠢᠶᠡᠷ ᠴᠡᠩᠭᠡᠷ | | ᠡᠮᠡᠭᠡ ᠶᠢᠨ ᠤᠷᠠᠯᠠᠵᠣ ᠣᠶᠣᠭᠰᠠᠨ ᠲᠡᠷᠯᠢᠭ ᠤᠨ ᠡᠮᠵᠢᠶᠡᠷᠢ ᠴᠡᠩᠭᠡᠷ | ᠡᠵᠢ ᠶᠢᠨ ᠡᠰᠡᠬᠡᠵᠣ ᠱᠠᠭᠯᠠᠭᠰᠠᠨ ᠭᠤᠳᠣᠯ ᠤᠨ ᠬᠠᠪᠴᠢᠶᠠᠷᠢ ᠴᠩᠭᠡᠷ | ᠠᠶᠢᠯ ᠤᠨ ᠰᠣᠷᠭᠠᠭᠤᠯᠢ ᠴᠢᠭᠯᠡᠭᠰᠡᠨ ᠲᠠᠯᠠ ᠶᠢᠨ ᠵᠦᠷᠢᠭ ᠴᠡᠩᠭᠡᠷ | ᠠᠩᠬᠠ ᠦᠰᠦᠭᠯᠡᠵᠦ ᠰᠣᠷᠣᠭᠰᠠᠨ ᠠᠪᠢᠶᠠᠨ ᠬᠡᠯᠡ ᠴᠩᠭᠡᠷ | | ᠰᠠᠶᠢᠨ ᠰᠠᠶᠢᠬᠠᠨ ᠤ ᠮᠡᠨᠳᠦᠴᠢᠯᠡᠯ ᠳᠤ ᠬᠠᠳᠠᠭ ᠤᠨ ᠦᠩᠭᠡ ᠴᠡᠩᠭᠡᠷ | ᠰᠠᠨᠠᠵᠣ ᠦᠬᠡᠶᠢᠯᠡᠬᠦ ᠶᠢᠨ ᠠᠯᠣᠰ ᠲᠤ ᠨᠣᠳᠤᠭ ᠴᠢᠯᠠᠭᠤ ᠴᠡᠩᠭᠡᠷ | ᠰᠠᠷᠠᠪᠴᠢᠯᠠᠵᠣ ᠬᠦᠯᠢᠶᠡᠬᠦ ᠶᠢᠨ ᠦᠷᠲᠡᠭᠡᠨ ᠳᠤ ᠰᠡᠳᠭᠢᠯ ᠡᠷᠬᠢ ᠴᠡᠩᠭᠡᠷ | ᠰᠠᠯᠠᠵᠣ ᠶᠠᠳᠠᠬᠤ ᠶᠢᠨ ᠣᠶᠠᠷᠠᠯ ᠳᠤ ᠵᠡᠭᠦᠳᠦᠨ ᠤ ᠮᠦᠷᠦᠭᠡᠳᠦᠯ ᠴᠡᠩᠭᠡᠷ |