ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠡᠳᠭᠢᠯ ᠤᠨ ᠴᠤᠥᠷᠢᠶ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/4/29
     ᠸ᠊᠂ ᠠᠭᠤᠯᠠ                        ᠡᠨᠡ ᠪᠡᠶ᠎ᠡ ᠳᠤ ᠡᠬᠡ ᠶᠢᠨ ᠡᠪᠦᠷ ᠮᠠᠨᠴᠤᠢ ᠪᠠᠶᠢᠯ᠎ᠠ︕                  ᠡᠨᠡ ᠨᠠᠰᠤᠨ ᠳᠤ ᠵᠦᠭᠡᠯᠡᠨ ᠵᠠᠬᠢᠶ᠎ᠠ ᠨᠢ ᠬᠠᠶᠢᠷ᠎ᠠ ᠪᠠᠶᠢᠯ᠎ᠠ︕                                      ᠤᠨᠠᠭᠠᠨ ᠪᠠᠭ᠎ᠠ ᠳᠤ ᠡᠴᠢᠭᠡ ᠶᠢᠨ ᠪᠠᠷ᠎ᠠ ᠠᠭᠤᠯᠠ ᠪᠠᠶᠢᠯ᠎ᠠ︕                  ᠤᠬᠠᠭᠠᠨ ᠰᠠᠭᠤᠬᠤ ᠳᠤ ᠬᠠᠳᠠᠭᠤ ᠰᠤᠷᠭᠠᠯ ᠨᠢ ᠬᠠᠯᠠᠮᠵᠢ ᠪᠠᠶᠢᠯ᠎ᠠ︕                                ᠠᠶᠠᠨ ᠳᠤ ᠮᠤᠷᠳᠠᠬᠤ ᠳᠤ ᠠᠭᠳᠠ ᠬᠦᠯᠦᠭ ᠮᠠᠨᠢ ᠰᠢᠨᠳᠠᠰᠤ ᠪᠠᠶᠢᠯ᠎ᠠ︕                  ᠠᠯᠤᠰ ᠲᠤ ᠲᠡᠮᠡᠥᠯᠡᠬᠦᠶ᠎ᠡ ᠠᠯᠳᠠᠨ‌ᠵᠢᠭᠦᠷ ᠨᠢ ᠴᠢᠷᠮᠠᠶᠢᠯᠭ᠎ᠠ ᠪᠠᠶᠢᠯ᠎ᠠ︕                                      ᠡᠨᠡᠷᠢᠯᠳᠤ ᠪᠠᠭᠰᠢ ᠶᠢᠨ ᠬᠢᠴᠢᠶᠡᠩᠭᠦᠢ ᠬᠦᠮᠦᠵᠢᠯ ᠴᠠᠮᠬᠠᠭ ᠪᠠᠶᠢᠯ᠎ᠠ︕                  ᠡᠷᠳᠡᠮ ᠰᠤᠷᠬᠤᠶ᠎ᠠ ᠬᠦᠯᠢᠴᠡᠩᠭᠦᠢ ᠵᠢᠭᠠᠪᠤᠷᠢ ᠨᠢ ᠵᠦᠭᠯᠡᠭᠦᠷ ᠪᠠᠶᠢᠯ᠎ᠠ︕                                ᠠᠭᠯᠠᠭ ᠬᠤᠷᠸ᠎ᠠ ᠳᠤ ᠲᠠᠶᠢᠴᠢᠨ ᠨᠦᠬᠦᠷᠯᠡᠯ ᠮᠠᠨᠢ ᠡᠷᠳᠡᠨᠢ ᠪᠠᠶᠢᠯ᠎ᠠ︕                ᠠᠵᠢᠯ ᠦᠢᠯᠡᠰ ᠲᠤ ᠰᠢᠷᠭᠠᠭᠤ ᠰᠢᠮᠳᠠᠯ ᠮᠠᠨᠢ ᠡᠷᠴᠢᠮ ᠪᠠᠶᠢᠯ᠎ᠠ︕                                ᠠᠭᠤᠯᠵᠠᠨ ᠵᠤᠯᠭᠠᠬᠤ ᠳᠤ ᠪᠠᠶᠠᠷᠳᠤ ᠮᠦᠰᠢᠶᠡᠯ ᠮᠠᠨᠢ ᠢᠳᠡᠭᠡᠯ ᠪᠠᠶᠢᠯ᠎ᠠ︕              ᠠᠮᠵᠢᠯᠳᠠ ᠪᠦᠳᠦᠭᠡᠯ ᠳᠤ ᠨᠠᠶᠢᠵᠢ ᠶᠢᠨ ᠤᠬᠠᠭᠠᠨ ᠮᠠᠨᠢ ᠢᠪᠡᠭᠡᠯ ᠪᠠᠶᠢᠯ᠎ᠠ︕                                ᠦᠩᠭᠡᠷᠡᠵᠦ ᠬᠤᠯᠠᠳᠬᠤ ᠲᠡᠥᠬᠡᠨ ᠤᠯᠪᠠᠭ᠎ᠠ ᠮᠠᠨᠢ ᠰᠤᠳᠤᠷ ᠪᠠᠶᠢᠯ᠎ᠠ︕                  ᠤᠬᠠᠭᠠᠷᠠᠵᠤ ᠰᠡᠭᠡᠭᠡᠷᠡᠬᠦ ᠳᠤ ᠭᠡᠶᠢᠷᠡᠬᠦ ᠭᠡᠮᠰᠢᠯ ᠮᠠᠨᠢ ᠰᠤᠷᠭᠠᠮᠵᠢ ᠪᠠᠶᠢᠯ᠎ᠠ︕                                ᠰᠡᠳᠭᠢᠬᠦᠢ ᠶᠢᠨ ᠵᠠᠢ ᠳᠠᠬᠢ ᠰᠦᠪᠡᠭᠴᠢᠯᠡᠯ ᠪᠦᠬᠦᠨ ᠮᠠᠨᠢ ᠤᠨᠢᠰᠤᠭ᠎ᠠ ᠪᠠᠶᠢᠯ᠎ᠠ︕                  ᠰᠡᠳᠭᠢᠯ ᠤᠨ ᠭᠦᠨ ᠳᠠᠬᠢ ᠢᠭᠳᠦᠯᠦᠯ ᠪᠦᠬᠦᠨ ᠮᠠᠨᠢ ᠲᠦᠯᠬᠢᠭᠦᠷ ᠪᠠᠶᠢᠯ᠎ᠠ︕                                ᠦᠰᠪᠦᠷᠢ ᠨᠠᠰᠤᠨ ᠳᠤ ᠤᠩᠭᠤᠨ ᠬᠦᠰᠡᠯ ᠮᠠᠨᠢ ᠲᠡᠷᠭᠡᠯ ᠪᠠᠶᠢᠯ᠎ᠠ︕                  ᠦᠭᠡᠳᠡᠯᠡᠬᠦ ᠵᠠᠮ ᠳᠤ ᠨᠤᠭᠤᠷᠠᠯ ᠪᠦᠳᠦᠷᠢᠯ ᠮᠠᠨᠢ ᠲᠠᠪᠳᠠᠯᠳᠠ ᠪᠠᠶᠢᠯ᠎ᠠ︕                                ᠵᠡᠭᠦᠳᠤᠨ ᠶᠢᠷᠳᠢᠨᠴᠦ ᠳᠤ ᠰᠢᠨ᠎ᠡ ᠢᠷᠡᠭᠡᠳᠦᠢ ᠮᠠᠨᠢ ᠰᠠᠷᠠᠭᠤᠯ ᠪᠠᠶᠢᠯ᠎ᠠ︕                  ᠵᠦᠷᠢᠴᠡᠯ ᠲᠡᠮᠡᠴᠡᠯ ᠳᠤ ᠵᠦᠪ ᠰᠤᠩᠭᠤᠯᠳᠠ ᠮᠠᠨᠢ ᠰᠢᠯᠭᠠᠯᠳᠠ ᠪᠠᠶᠢᠯ᠎ᠠ︕                                ᠬᠤᠪᠢᠳᠠᠭᠰᠠᠨ ᠠᠵᠢᠯ ᠢ ᠪᠡᠶᠡᠯᠡᠭᠦᠯᠬᠦ ᠳᠤ ᠵᠢᠳᠭᠦᠯ ᠮᠠᠨᠢ ᠬᠦᠯᠦᠰᠦ ᠪᠠᠶᠢᠯ᠎ᠠ︕                  ᠬᠤᠶᠢᠴᠢ ᠦᠶ᠎ᠡ ᠶᠢ ᠬᠦᠮᠦᠵᠢᠭᠦᠯᠬᠦ ᠳᠤ ᠵᠠᠷᠴᠢᠮ ᠮᠠᠨᠢ ᠬᠠᠯᠠᠮᠵᠢ ᠪᠠᠶᠢᠯ᠎ᠠ︕                                ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠤᠨ ᠬᠦᠭᠵᠢᠯ ᠳᠤ ᠲᠡᠥᠬᠡ ᠮᠠᠨᠢ ᠲᠤᠯᠢ ᠪᠠᠶᠢᠯ᠎ᠠ︕                  ᠤᠶᠤᠨ ᠤᠬᠠᠭᠠᠨ ᠤ ᠬᠦᠴᠦᠨ ᠳᠤ ᠪᠦᠯᠬᠦᠮᠳᠡᠯ ᠮᠠᠨᠢ ᠨᠢᠳᠤᠷᠭ᠎ᠠ ᠪᠠᠶᠢᠯ᠎ᠠ︕                                ᠦᠨᠡᠨ ᠰᠡᠳᠭᠢᠯ ᠤᠨ ᠶᠠᠪᠤᠯᠴᠠᠭᠠᠨ ᠳᠤ ᠵᠢᠷᠦᠮ ᠮᠠᠨᠢ ᠲᠠᠩᠭᠠᠷᠢᠭ ᠪᠠᠶᠢᠯ᠎ᠠ︕                  ᠡᠳᠦᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠳᠤ ᠭᠡᠷᠬᠡᠢ ᠮᠠᠨᠢ ᠭᠡᠭᠡᠪᠴᠢ ᠪᠠᠶᠢᠯ᠎ᠠ︕                                ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠵᠦᠷᠢᠴᠡᠯ ᠳᠤ ᠢᠳᠡᠭᠡᠯ ᠮᠠᠨᠢ ᠲᠡᠭᠦᠯᠳᠡᠷ ᠪᠠᠶᠢᠯ᠎ᠠ︕                    ᠡᠨᠡ ᠪᠡᠶ᠎ᠡ ᠶᠢᠨ ᠲᠤᠭᠳᠠᠯᠴᠠᠭ᠎ᠠ ᠳᠤ ᠨᠠᠶᠢᠳᠠᠪᠤᠷᠢ ᠮᠠᠨᠢ ᠬᠡᠯᠬᠢᠶᠡᠰᠦ ᠪᠠᠶᠢᠯ᠎ᠠ︕                                ᠡᠷᠢᠨ ᠴᠠᠭ ᠤᠨ ᠬᠤᠪᠢᠰᠤᠯᠳᠠ ᠳᠤ ᠰᠡᠳᠭᠢᠬᠦᠢ ᠮᠠᠨᠢ ᠲᠦᠷᠦᠭᠡ ᠪᠠᠶᠢᠯ᠎ᠠ︕                  ᠡᠷᠴᠢᠮ ᠲᠡᠭᠦᠯᠳᠡᠷ ᠲᠠᠪᠰᠢᠯᠳᠠ ᠳᠤ ᠰᠤᠷᠭᠠᠮᠵᠢ ᠮᠠᠨᠢ ᠢᠳᠡᠭᠡᠯ ᠪᠠᠶᠢᠯ᠎ᠠ︕                                ᠡᠬᠡ ᠤᠷᠤᠨ ᠤ ᠪᠠᠨ ᠡᠯᠢᠭᠡᠨ ᠳᠤ ᠰᠡᠳᠭᠢᠯ ᠮᠠᠨᠢ ᠠᠭᠤᠳᠠᠮ ᠪᠠᠶᠢᠯ᠎ᠠ︕                  ᠡᠷᠳᠡᠮ ᠮᠡᠳᠡᠯᠭᠡ ᠶᠢᠨ ᠲᠠᠯᠠᠢ ᠳᠤ ᠰᠢᠮᠳᠠᠯᠭ᠎ᠠ ᠮᠠᠨᠢ ᠲᠠᠷᠪᠠᠭᠤᠯ ᠪᠠᠶᠢᠯ᠎ᠠ︕                                ᠠᠯᠤᠰ ᠢᠷᠡᠭᠡᠳᠦᠢ ᠪᠠᠨ ᠰᠢᠷᠳᠡᠬᠦ ᠳᠤ ᠵᠠᠮ ᠮᠠᠨᠢ ᠲᠠᠷᠳᠠᠩ ᠪᠠᠶᠢᠯ᠎ᠠ︕                  ᠠᠰ ᠤᠨ ᠪᠡᠶ᠎ᠡ ᠪᠠᠨ ᠰᠢᠨᠵᠢᠬᠦ ᠳᠤ ᠮᠦᠷ ᠮᠠᠨᠢ ᠲᠠᠮᠠᠭ᠎ᠠ ᠪᠠᠶᠢᠯ᠎ᠠ︕                                ᠤᠨᠠᠭᠰᠠᠨ ᠰᠢᠷᠤᠢ ᠶᠢᠨ ᠮᠦᠬᠦᠯᠢᠭ ᠪᠦᠷᠢ ᠮᠠᠨᠢ ᠠᠯᠳᠠ ᠪᠠᠶᠢᠯ᠎ᠠ︕                    ᠤᠥᠭᠤᠭᠰᠠᠨ ᠤᠰᠤᠨ ᠤ ᠲᠤᠰᠤᠯ ᠪᠦᠷᠢ ᠮᠠᠨᠢ ᠷᠠᠰᠢᠶᠠᠨ ᠪᠠᠶᠢᠯ᠎ᠠ︕                                ᠵᠢᠷᠪᠢᠯᠵᠢᠨ ᠲᠠᠪᠬᠢᠬᠤ ᠲᠡᠥᠬᠡᠨ ᠬᠦᠷᠳᠦ ᠮᠠᠨᠢ ᠵᠢᠮ᠎ᠡ ᠪᠠᠶᠢᠯ᠎ᠠ︕              ᠵᠢᠷᠦᠬᠡᠨ‌ᠡᠴᠡ ᠤᠨᠳᠤᠷᠤᠭᠰᠠᠨ‌ᠤᠷᠭᠢᠯ ᠴᠤᠥᠷᠢᠶ᠎ᠠ ᠮᠠᠨᠢ ᠲᠠᠪᠠᠯᠭᠠᠨ ᠪᠠᠶᠢᠯ᠎ᠠ︕                              ᠠᠷᠠᠳ ᠲᠦᠮᠡᠨ ᠤ ᠪᠠᠶᠠᠷ ‍ᠤᠨ‌‍ᠲ᠋ᠠᠭᠤᠯᠠᠯ ᠮᠠᠨᠢ ᠴᠢᠨᠡᠭᠡᠯᠢᠭᠵᠢᠯ ᠪᠠᠶᠢᠯ᠎ᠠ︕                  ᠠᠭᠤᠥ ᠲᠤᠮᠳᠠᠳᠤ ᠶᠢᠨ ᠪᠠᠳᠠᠷᠠᠯ ᠬᠦᠭᠵᠢᠯ ᠮᠠᠨᠢ ᠵᠢᠷᠭᠠᠯ ᠪᠠᠶᠢᠯ᠎ᠠ︕           2020ᠤᠨ ᠤ 3 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨ ᠤ ︽ᠦᠨᠢᠷ ᠴᠡᠴᠡᠭ︾ ᠰᠡᠳᠭᠦᠯ ᠳᠤ ᠨᠡᠶᠢᠳᠡᠯᠡᠭᠳᠡᠪᠡ
 
ᠢᠷᠡᠯᠲᠡ᠄ ᠬᠤᠯᠪᠤᠭ᠎ᠠ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠶᠢᠷᠠᠭ ᠤᠨ ᠢᠷᠦᠬᠡᠯ
ᠵᠡᠭᠦᠳᠦᠨ ᠴᠡᠩᠭᠡᠷ ᠬᠦᠳᠡᠭᠡ
ᠡᠷᠭᠢᠵᠦ ᠰᠠᠨᠠᠭᠳᠠᠬᠤ ᠡᠬᠡ ᠨᠤᠳᠤᠭ
ᠮᠡᠳᠡᠯᠭᠡ ᠰᠤᠷᠤᠶ᠎ᠠ
ᠠᠪᠤ ᠡᠵᠢ ᠬᠤᠶᠠᠷ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号