| — ᠪ᠊᠂ ᠪᠢᠯᠢᠭ | | ᠨᠤᠳᠤᠭ ᠤᠨ ᠮᠠᠨᠢ ᠲᠤᠷᠭᠠᠨ ᠰᠣᠷᠮᠣᠣᠰᠣ ᠶᠢ ᠮᠢᠯᠢᠶᠡᠭ᠌ᠰᠠᠨ | ᠨᠤᠶᠠᠨ ᠡᠶᠡ ᠲᠡᠯᠭᠡᠷᠡᠭᠰᠡᠨ ᠦᠭᠡᠳᠡᠩ ᠦᠷᠯᠦᠭᠡ | ᠨᠣᠮ ᠤᠨ ᠬᠦᠷᠳᠦᠨ ᠨᠠᠷᠨ ᠲᠠᠢ ᠪᠠᠨ ᠭᠡᠷᠡᠯ ᠰᠦᠯᠡᠨ ᠮᠠᠨᠳᠣᠬᠤᠢ | | ᠲᠤᠯᠤᠭᠠᠳ ᠢᠶᠠᠨ ᠢᠯᠪᠢᠩᠬᠡᠨ ᠬᠢᠵᠠᠭᠠᠷ ᠦᠬᠡᠢ ᠲᠤᠨᠤᠯᠵᠠᠬᠤ | ᠲᠠᠯᠠ ᠨᠢ ᠲᠠᠩᠰᠤᠭ ᠢᠶᠠᠷ ᠢᠶᠠᠨ ᠲᠠᠩᠳᠠ ᠬᠦᠭᠡᠮᠳᠦᠭ | ᠲᠠᠬᠢ ᠶᠢᠨ ᠱᠤᠤᠬᠢᠶᠠᠨ ᠰᠢᠯᠢ ᠪᠠᠨ ᠡᠷᠭᠦᠨ ᠤᠶᠠᠩᠭᠠᠷᠠᠭᠰᠠᠭᠠᠷ | ᠳᠠᠭᠠᠳᠬᠠᠯ ᠳᠤ ᠵᠠᠯᠭᠠᠳᠠᠭ ᠡᠷᠲᠡᠨ ᠤ ᠬᠡᠭᠡᠷᠡ ᠬᠦᠭᠵᠢᠮᠯᠢᠭ | ᠠᠮᠠᠷᠠᠭ ᠠᠨᠢᠰᠬᠠ ᠪᠠᠨ ᠬᠠᠶᠢᠷᠠ ᠪᠠᠷ ᠰᠡᠬᠦᠳᠡᠭ | ᠠᠩᠭᠠᠬᠠᠢ ᠳᠠᠭᠠᠨ ᠶᠠᠭᠠᠷᠠᠭᠰᠠᠨ ᠶᠠᠭᠠᠨ ᠰᠢᠪᠠᠭᠤᠳ | ᠠᠮᠤᠭᠤᠯᠠᠩ ᠲᠠᠯᠠᠪᠴᠢᠨ ᠳᠠᠭᠠᠨ ᠬᠠᠯᠢᠨ ᠲᠡᠬᠦᠯᠢᠬᠦ ᠡᠷᠭᠢᠮᠰᠦᠭ | ᠠᠯᠠᠭ ᠤᠰᠤᠨ ᠰᠢᠭᠦᠳᠡᠷᠢ ᠶᠢᠨ ᠠᠯᠢᠶᠠ ᠲᠤᠷᠭᠠᠨ ᠰᠠᠴᠤᠷᠠᠭ ᠲᠤ | ᠠᠪᠤ ᠶᠢᠨ ᠲᠠᠯᠠ ᠠᠰᠢᠳᠠ ᠰᠢᠷᠣᠩᠬᠠᠢ ᠨᠠᠷᠠ ᠲᠠᠢ ᠪᠠᠨ ᠬᠡᠬᠡᠮᠰᠦᠭ | | ᠵᠠᠶᠠᠭᠠᠨ ᠤ ᠮᠢᠨᠢ ᠦᠨᠳᠦᠷ ᠤᠶᠠᠭᠠ ᠶᠢ ᠡᠷᠬᠢᠭᠰᠡᠨ | ᠵᠠᠬᠠ ᠶᠢᠨ ᠡᠬᠦᠳᠡ ᠲᠠᠶᠢᠪᠤᠩ ᠨᠡᠬᠡᠭᠡᠭᠳᠡᠭᠰᠡᠨ ᠦᠷᠯᠦᠭᠡ | ᠵᠠᠭ ᠤᠨ ᠰᠡᠪᠢᠯᠵᠡᠭᠡᠨ ᠳᠤ ᠳᠡᠯ ᠬᠡᠶᠢᠰᠭᠡᠨᠠᠳᠤᠭᠤᠳ ᠦᠦᠷᠰᠡᠬᠦᠢ | | ᠰᠡᠳᠬᠢᠯ ᠤᠨ ᠭᠡᠭᠡᠪᠴᠢ ᠦᠵᠦᠬᠦᠷ ᠦᠭᠡᠢ ᠴᠢᠯᠦᠭᠡᠵᠢᠬᠦ | ᠰᠦᠨᠢ ᠶᠢᠨ ᠮᠡᠴᠢᠳ ᠰᠢᠯᠦᠭ ᠳᠤ ᠮᠢᠨᠢ ᠰᠢᠩᠭᠡᠭᠡᠬᠦᠢ | ᠰᠢᠨᠡᠬᠡᠨ ᠤᠨᠠᠭᠰᠠᠨ ᠰᠢᠭᠦᠳᠡᠷᠢ ᠪᠠᠷ ᠨᠠᠪᠴᠢᠰ ᠤᠨ ᠮᠡᠯᠮᠡᠢ ᠬᠢᠯᠠᠯᠵᠠᠨᠠᠮ | ᠰᠠᠯᠬᠢᠨ ᠤ ᠬᠦᠭᠡᠷᠦᠬᠦᠨ ᠨᠤᠭᠤᠭᠠᠨ ᠰᠠᠨᠠᠭᠠᠨ ᠳᠤ ᠭᠠᠩᠬᠤᠵᠤ | ᠰᠦᠷᠦᠭ ᠤᠨ ᠠᠨᠢᠷ ᠠᠭᠤᠯᠠᠰ ᠦᠨᠳᠡᠯᠵᠡᠬᠦᠯᠦᠨ ᠪᠤᠰᠬᠠᠬᠤᠢ | ᠰᠦᠷᠦᠭᠴᠢᠨ ᠤ ᠬᠠᠷᠠᠭᠠ ᠭᠡᠶᠢᠭᠦᠵᠦ ᠡᠭᠦᠯᠡᠰ ᠥᠰᠭᠡᠨ ᠲᠠᠯᠪᠢᠭᠤᠷᠠᠨᠠᠮ | ᠰᠢᠪᠠᠭᠤᠳ ᠤᠨ ᠵᠢᠷᠬᠢᠭᠡᠨ ᠢᠶᠠᠷ ᠵᠡᠷᠭᠡᠯᠭᠡᠨ ᠡᠳᠦᠷ ᠤᠪᠤᠯᠵᠠᠵᠤ | ᠰᠦ ᠲᠠᠢ ᠴᠠᠶᠢᠨ ᠠᠴᠠ ᠤᠷᠭᠤᠭᠰᠠᠨ ᠣᠩᠭᠤᠳ ᠤᠨ ᠲᠤᠭᠤᠷᠢᠭ ᠲᠤ | ᠰᠦᠰᠦᠭ ᠤᠨ ᠬᠦᠳᠡᠭᠡ ᠮᠠᠨᠢ ᠨᠠᠷᠠ ᠲᠠᠢ ᠲᠡᠯᠡᠬᠡᠢ ᠪᠠᠷ ᠢᠶᠠᠨ ᠵᠢᠷᠭᠠᠨᠠᠮ |