| ᠵᠤᠬᠢᠶᠠᠬᠴᠢ᠄ ᠦᠪᠤᠷ ᠮᠤᠩᠭᠤᠯ᠂ ᠬᠢᠩᠭᠠᠨ᠂ ᠨᠠᠷᠡᠨᠮᠠᠨᠳᠤᠯᠠ | | ᠦᠵᠡᠬᠦ ᠶᠢᠨ ᠬᠤᠭᠤᠷᠤᠨᠳᠤ ᠦᠩᠭᠡᠷᠡᠭᠰᠡᠨ | ᠦᠳᠡᠯᠵᠦ ᠪᠦᠭᠳᠦᠶᠢᠬᠦ ᠰᠢᠨᠵᠢ ᠤᠷᠤᠬᠰᠠᠨ | ᠦᠰᠦ ᠶᠢ ᠮᠢᠨᠢ ᠴᠠᠭᠠᠨ ᠢᠶᠠᠷ ᠪᠤᠳᠤᠬᠯᠠᠬᠰᠠᠨ | ᠦᠩᠭᠡᠷᠡᠵᠦ ᠤᠳᠤᠬᠰᠠᠨ ᠡᠳᠦᠷ ᠬᠤᠨᠤᠭ ᠡ | | ᠬᠠᠷᠠᠬᠤ ᠶᠢᠨ ᠬᠤᠭᠤᠷᠤᠨᠳᠤ ᠬᠠᠯᠢᠵᠦ ᠤᠳᠤᠬᠰᠠᠨ | ᠬᠠᠶᠢᠷᠠᠬᠠᠨ ᠵᠠᠯᠠᠭᠤ ᠨᠠᠰᠤ ᠶᠢ ᠠᠪᠴᠦ ᠤᠳᠤᠬᠰᠠᠨ | ᠬᠠᠮᠤᠭ ᠪᠦᠬᠦᠨ ᠢ ᠬᠠᠭᠤᠴᠢᠷᠠᠭᠤᠯᠤᠬᠰᠠᠨ | ᠬᠠᠨ ᠬᠤᠷᠸᠠ ᠶᠢᠨ ᠡᠳᠦᠷ ᠬᠤᠨᠤᠭ ᠡ | | ᠢᠷᠡᠭᠡᠳᠦᠢ ᠶᠢ ᠦᠨᠦᠳᠦᠷ ᠲᠠᠢ ᠵᠤᠯᠭᠠᠭᠤᠯᠤᠬᠰᠠᠨ | ᠮᠠᠷᠭᠠᠰᠢ ᠶᠢᠨ ᠨᠡᠷᠡ ᠶᠢ ᠮᠠᠩᠬᠠᠨ ᠤ ᠴᠠᠭᠠᠨᠠ ᠠᠴᠠ ᠲᠠᠭᠤᠳᠠᠬᠰᠠᠨ | ᠮᠠᠨᠳᠤᠬᠤ ᠦᠷ ᠤᠨ ᠬᠡᠬᠡ ᠶᠢ ᠰᠡᠷᠡᠭᠡᠭᠰᠡᠨ | ᠮᠠᠭᠠᠳ ᠦᠬᠡᠢ ᠦᠩᠭᠡᠷᠡᠭᠰᠡᠨ ᠡᠳᠦᠷ ᠬᠤᠨᠤᠭ ᠡ | | ᠤᠯᠤᠭᠠᠳ ᠬᠠᠨᠤᠳᠠᠭ ᠦᠬᠡᠢ ᠤᠷᠴᠢᠯᠠᠩ ᠤᠨ ᠵᠢᠮᠠ ᠲᠠᠢ | ᠤᠯᠤᠬᠰᠠᠨ ᠢᠶᠠᠨ ᠨᠡᠨᠳᠢᠩᠨᠡᠵᠦ ᠴᠢᠳᠠᠭᠠ ᠦᠬᠡᠢ | ᠪᠠᠶᠢᠭᠠ ᠵᠦᠢᠯ ᠢᠶᠠᠨ ᠦᠵᠡᠨ ᠶᠠᠳᠠᠳᠠᠭ ᠦᠬᠡᠢ | ᠲᠡᠷᠡ ᠪᠠᠶᠢᠪᠠᠯ ᠰᠠᠶᠢᠬᠠᠨ ᠬᠡᠳ | ᠠᠯᠳᠠᠬᠰᠠᠨ ᠬᠤᠶᠢᠨᠠ ᠦᠨᠡ ᠶᠢ ᠨᠢ ᠰᠡᠷᠡᠳᠡᠭ | ᠠᠶᠢᠵᠢᠮ ᠨᠢ ᠤᠯᠳᠠᠳᠠᠭ ᠦᠬᠡᠢ ᠡᠳᠦᠷ ᠬᠤᠨᠤᠭ ᠡ | | ᠮᠤᠩᠭᠤᠯ ᠦᠰᠦᠭ ᠢᠶᠠᠨ ᠬᠡᠯᠬᠢᠨ ᠰᠠᠭᠤᠬᠰᠠᠨ | ᠮᠤᠯᠤᠷ ᠡᠷᠳᠡᠨᠢ ᠶᠢᠨ ᠰᠢᠮᠠ ᠶᠢ ᠬᠦᠷᠳᠡᠭᠰᠡᠨ | ᠮᠠᠨ ᠤ ᠮᠤᠩᠭᠤᠯ ᠪᠠᠭᠠᠳᠤᠷ ᠪᠠᠶᠢᠬᠰᠠᠨ | ᠮᠠᠨᠳᠤᠵᠦ ᠨᠢᠬᠡ ᠦᠶᠡ ᠲᠡᠯᠡᠬᠡᠢ ᠶᠢ ᠴᠡᠴᠡᠷᠡᠬᠦᠯᠦᠭᠰᠡᠨ | | ᠡᠯᠢᠬᠡ ᠵᠢᠷᠦᠬᠡ᠂ ᠡᠨᠡ ᠪᠡᠶᠡ ᠪᠠᠷ ᠢᠶᠠᠨ | ᠡᠷᠬᠢᠯᠳᠦᠨ ᠲᠤᠬᠳᠤᠯᠤᠬᠰᠠᠨ ᠡᠳᠦᠷ ᠬᠤᠨᠤᠭ | ᠦᠬᠡᠢ᠂ ᠲᠡᠷᠡ ᠴᠢᠨᠢ ᠦᠴᠦᠬᠡᠳᠦᠷ | ᠵᠡᠬᠦᠳᠦᠯᠡᠵᠦ ᠨᠢᠬᠡᠨ ᠮᠦᠴᠡ ᠰᠤᠴᠢᠬᠰᠠᠨ ᠬᠡᠮᠡᠷ | | ᠠᠷᠪᠠᠨ ᠵᠦᠭ ᠢ ᠰᠢᠷᠳᠡᠨ ᠠᠵᠢᠬᠤ ᠳᠤ | ᠠᠯᠢᠪᠠ ᠪᠦᠬᠦᠨ ᠬᠠᠷᠠᠩᠭᠤᠢ ᠳᠤ ᠵᠠᠯᠬᠢᠬᠳᠠᠬᠰᠠᠨ ᠬᠡᠮᠡᠷ | ᠶᠠᠭᠤ ᠴᠦ ᠦᠬᠡᠢ᠂ ᠴᠢᠮᠡᠭᠡ ᠴᠦ ᠦᠬᠡᠢ | ᠦᠩᠭᠡᠷᠡᠵᠦ ᠤᠳᠤᠬᠰᠠᠨ ᠡᠳᠦᠷ ᠬᠤᠨᠤᠭ ᠡ︕ |