| ᠵᠤᠬᠢᠶᠠᠬᠴᠢ᠄ ᠦᠪᠤᠷ ᠮᠤᠩᠭᠤᠯ᠂ ᠤᠯᠠᠭᠠᠨᠬᠠᠳᠠ᠂ ᠪᠠᠷᠠᠭᠤᠨ ᠪᠠᠭᠠᠷᠢᠨ | ᠵᠠᠯᠠᠨᠤᠳ ᠬᠡᠰᠢᠭᠮᠡᠨᠳᠠ | | ᠠᠯᠳᠠᠨ ᠨᠠᠷᠠᠨ ᠤ ᠰᠢᠵᠢᠷ ᠲᠤᠶᠠᠭᠠᠨ ᠳᠤ ᠪᠡᠶᠡ ᠪᠡᠶᠡ ᠲᠠᠢ ᠪᠠᠨ ᠮᠦᠴᠡᠷᠬᠡᠨ ᠤᠷᠭᠤᠭᠰᠠᠨ ᠮᠤᠳᠤᠳ | ᠨᠤᠭᠤᠭᠠᠨ ᠬᠦᠷᠮᠡ ᠪᠠᠷ ᠬᠤᠴᠢᠭᠳᠠᠵᠤ ᠬᠦᠭᠵᠢᠶᠡᠨ ᠶᠡᠭᠡ ᠲᠠᠢ ᠤᠯᠠᠭᠠᠨᠬᠠᠳᠠ ᠶᠢᠨ ᠵᠡᠬᠡᠯᠢ ᠭᠤᠳᠤᠮᠵᠢ ᠳᠤ | ᠭᠤᠶᠢᠳᠠ ᠰᠠᠶᠢᠬᠠᠨ ᠦᠩᠭᠡ ᠦᠵᠡᠮᠵᠢ ᠪᠦᠷᠢᠳᠦᠭᠦᠯᠡᠨ ᠤᠮᠤᠭᠯᠠᠩ ᠮᠦᠷᠳᠡᠭᠡᠨ ᠦᠵᠡᠰᠭᠦᠯᠡᠩ ᠲᠠᠢ | ᠬᠠᠷᠠᠭᠳᠠᠨᠠ᠃ | ᠲᠡᠯᠭᠡᠷ ᠵᠤᠨ ᠤ ᠲᠣᠮᠳᠠ ᠰᠠᠷᠠ ᠶᠢᠨ ᠰᠡᠭᠦᠯᠴᠢ᠂ ᠪᠢ ᠨᠠᠶᠢᠵᠠ ᠶᠢᠨ ᠢᠶᠠᠨ ᠮᠠᠰᠢᠨ ᠢ ᠵᠢᠯᠤᠭᠤᠳᠤᠨ | ᠤᠯᠠᠭᠠᠨᠬᠠᠳᠠ ᠠᠴᠠ ᠢᠬᠢᠷᠡ ᠪᠠᠭᠠᠷᠢᠨ ᠤ ᠮᠢᠨᠢ ᠠᠷᠤ ᠬᠢᠵᠠᠭᠠᠷ ᠵᠡᠭᠦᠨ ᠪᠠᠭᠠᠷᠢᠨ ᠨᠤᠲᠤᠭ ᠤᠨ ᠪᠠᠶᠠᠨ ᠠᠭᠤᠯᠠ | ᠰᠤᠮᠤ ᠶᠢᠨ ᠣᠳᠣᠷ ᠤᠨ ᠠᠶᠢᠯ ᠳᠤ ᠬᠦᠷᠴᠦ ᠪᠢᠯᠡ᠃ ᠬᠡᠳᠦᠶᠢᠪᠡᠷ ᠬᠠᠭᠠᠰ ᠡᠳᠦᠷ ᠲᠡᠷᠭᠡ ᠪᠠᠷ ᠶᠠᠪᠤᠵᠤ ᠶᠠᠳᠠᠷᠠᠭᠰᠠᠨ | ᠪᠤᠯᠪᠠᠴᠤ ᠡᠨᠡ ᠠᠶᠢᠯ ᠤᠨ ᠬᠠᠯᠠᠭᠤᠮᠰᠤᠭ ᠳᠤᠲᠤᠨᠤ᠂ ᠡᠨᠡ ᠨᠣᠳᠤᠬ ᠤᠨ ᠠᠭᠤᠳᠠᠮ ᠰᠠᠷᠠᠭᠤᠯ ᠨᠠᠮᠠ ᠶᠢ ᠦᠪᠡᠷ ᠤᠨ | ᠡᠷᠬᠡ ᠦᠬᠡᠢ ᠠᠶᠠᠨ ᠤ ᠶᠠᠳᠠᠷᠠᠭᠠ ᠶᠢ ᠮᠢᠨᠢ ᠲᠠᠶᠢᠯᠠᠵᠤ᠂ ᠰᠡᠳᠭᠢᠯ ᠲᠣᠳᠣᠷᠠ ᠪᠠᠨ ᠰᠡᠮ ᠪᠠᠶᠠᠷᠯᠠᠵᠤ ᠠᠵᠠ ᠲᠠᠢ | ᠰᠠᠨᠠᠭᠳᠠᠵᠤ ᠪᠠᠶᠢᠯᠠ᠃ | ᠮᠠᠨᠠᠶᠢᠬᠢᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠡᠮᠦᠨᠡ ᠵᠠᠬᠠ᠂ ᠲᠠᠮᠠᠭᠠ ᠶᠢᠨ ᠮᠠᠩᠬᠠ ᠶᠢᠨ ᠡᠩᠭᠡᠷ | ᠰᠢᠷᠠᠮᠦ᠋ᠷᠡᠨ ᠤ ᠤᠷᠤᠰᠬᠠᠯ ᠲᠠᠭᠠᠣ ᠰᠠᠭᠤᠷᠢᠰᠢᠳᠠᠭ᠂ ᠤᠷᠴᠢᠮ ᠤᠨ ᠵᠢᠯ ᠤᠳ ᠭᠠᠩ ᠭᠠᠴᠢᠭ ᠠᠴᠠ ᠪᠤᠯᠵᠤ | ᠰᠢᠷᠠᠮᠦ᠋ᠷᠡᠨ ᠴᠤ ᠤᠷᠤᠰᠬᠠᠯ ᠲᠠᠰᠤᠷᠠᠬᠤ ᠬᠡᠮᠵᠢᠶᠡ ᠳᠤ ᠬᠦᠷᠴᠠᠢ᠃ ᠨᠠᠮᠠ ᠶᠢ ᠪᠠᠭᠠ ᠪᠠᠶᠢᠬᠤ ᠳᠤ ᠬᠡᠷ ᠲᠤᠭᠤᠷᠢᠭᠠᠳ | ᠲᠦᠷᠦᠭᠡ ᠰᠢᠭᠦᠷᠦᠮᠡ ᠡᠪᠡᠰᠦ ᠪᠡᠯᠴᠢᠭᠡᠷ᠂ ᠮᠠᠩᠬᠠ ᠨᠢ ᠪᠤᠷᠭᠠᠰᠤ ᠮᠤᠳᠤ ᠢᠭ᠌ᠴᠢ ᠰᠠᠬᠤᠯᠢᠭ ᠤᠷᠭᠤᠭᠰᠠᠨ ᠤᠩᠭᠤᠨ | ᠪᠠᠶᠢᠭᠠᠯᠢ ᠪᠠᠶᠢᠵᠤ ᠪᠢᠯᠡ᠂ ᠣᠳᠣ ᠲᠠᠯᠠ ᠨᠢ ᠲᠠᠴᠢᠷᠳᠠᠵᠤ᠂ ᠮᠠᠩᠬᠠ ᠨᠢ ᠬᠤᠪᠬᠠᠶᠢᠷᠠᠵᠤ᠂ ᠤᠷᠤᠰᠬᠠᠯ ᠨᠢ ᠲᠠᠰᠤᠷᠠᠭᠠᠳ | ᠨᠣᠳᠤᠬ ᠲᠤ ᠪᠠᠨ ᠪᠤᠴᠠᠬᠤ ᠪᠦᠷᠢ ᠠᠯᠠᠭ ᠨᠢᠳᠦ ᠶᠢ ᠮᠢᠨᠢ ᠨᠢᠯᠪᠤᠰᠤ ᠪᠦᠷᠬᠦᠵᠦ᠂ ᠵᠢᠷᠦᠬᠡ ᠰᠢᠮᠰᠢᠷᠡᠨ ᠡᠯᠢᠭᠡ | ᠡᠮᠳᠡᠷᠡᠬᠦ ᠪᠣᠯᠳᠠᠬ᠃ ᠤᠨᠠᠭᠠᠨ ᠪᠠᠭᠠ ᠶᠢᠨ ᠮᠢᠨᠢ ᠤᠨᠠᠭᠠ ᠲᠤᠭᠤᠯ ᠲᠠᠢ ᠨᠤᠴᠤᠯᠳᠤᠵᠤ᠂ ᠪᠤᠷᠭᠠᠰᠤᠨ ᠮᠤᠷᠢ ᠲᠠᠢ | ᠬᠤᠷᠠᠭᠠ ᠢᠰᠢᠭᠡ ᠬᠠᠷᠢᠭᠤᠯᠳᠠᠭ ᠵᠢᠷᠤᠭ ᠰᠢᠭ᠋ ᠨᠣᠳᠤᠬ ᠦᠩᠭᠡᠷᠡᠵᠦ ᠤᠳᠤᠭᠰᠠᠨ ᠤᠨ ᠵᠢᠯ ᠤᠳ ᠲᠠᠢ ᠬᠠᠮᠳᠦ | ᠲᠣᠷᠠᠳᠬᠠᠯ ᠪᠤᠯᠤᠨ ᠦᠯᠡᠳᠡᠵᠠᠢ᠃ | ᠬ᠋ᠠᠯᠳᠠᠢ ᠵᠤᠨ ᠤ ᠨᠠᠷᠠᠨ ᠵᠤᠯᠠᠢ ᠲᠡᠭᠡᠷᠡ ᠠᠴᠠ ᠲᠦᠭᠡᠨᠡᠵᠦ᠂ ᠭᠠᠩ ᠤᠨ ᠦᠨᠦᠷ ᠬᠠᠩᠬᠤᠯᠠᠭᠰᠠᠨ ᠠᠭᠠᠭᠢᠮᠠ | ᠵᠤᠨ ᠤ ᠦᠳᠡ ᠳᠤ ᠤᠯᠠᠭᠠᠨᠬᠠᠳᠠ ᠠᠴᠠ ᠮᠤᠷᠳᠠᠵᠤ᠂ ᠦᠨᠳᠦᠷ ᠬᠤᠷᠳᠤᠴᠠᠳᠤ ᠵᠠᠰᠠᠮᠠᠯ ᠵᠠᠮ ᠢᠶᠠᠷ ᠴᠠᠭ ᠰᠢᠬᠠᠮ | ᠠᠶᠠᠯᠠᠨ᠂ ᠪᠤᠷᠤᠬᠤᠳᠠ ᠠᠴᠠ ᠬᠠᠶᠢᠯᠠᠰᠤ ᠪᠠᠯᠭᠠᠰᠤ ᠵᠦᠭ ᠴᠢᠭᠯᠡᠯᠡ᠃ ᠰᠢᠨᠡᠬᠡᠨ ᠵᠠᠰᠠᠭᠰᠠᠨ ᠵᠠᠰᠠᠮᠠᠯ ᠵᠠᠮ ᠮᠠᠩᠬᠠᠨ | ᠲᠣᠮᠳᠠᠭᠤᠷ ᠲᠤᠷᠠᠶᠢᠵᠤ᠂ ᠵᠠᠮ ᠤᠨ ᠬᠠᠵᠠᠭᠤᠳᠠᠬᠢ ᠮᠤᠳᠤ᠂ ᠬᠠᠶᠠ ᠬᠠᠶᠠ ᠬᠠᠷᠠᠬᠳᠠᠬᠤ ᠬᠠᠷᠭᠠᠨᠠ ᠪᠤᠳᠠ ᠠᠴᠠ | ᠦᠭᠡᠷᠡ ᠨᠤᠭᠤᠭᠠᠷᠠᠵᠤ ᠬᠠᠷᠠᠬᠳᠠᠬᠤ ᠶᠠᠭᠤᠮᠠ ᠠᠯᠠᠭᠠ᠂ ᠭᠠᠩ ᠤᠨ ᠪᠠᠶᠢᠳᠠᠯ ᠬᠡᠴᠡᠭᠦᠦ ᠨᠢ ᠮᠡᠳᠡᠭᠳᠡᠮᠡ᠂ ᠨᠢᠳᠣᠨ | ᠡᠮᠦᠨᠡᠬᠢ ᠮᠤᠩᠭᠤᠯ ᠨᠣᠳᠤᠬ ᠢᠶᠠᠨ ᠬᠠᠷᠠᠭᠠᠳ ᠵᠢᠷᠦᠬᠡᠨ ᠠᠴᠠ ᠴᠢᠯᠠᠭᠤ ᠲᠡᠭᠦᠵᠢᠯᠡᠭᠡᠰᠦᠲᠠᠢ ᠰᠢᠭ᠋ ᠰᠠᠨᠠᠭᠳᠠᠯᠠ᠃ | ᠬᠠᠮᠳᠦ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠠᠨᠢᠶᠠ ᠭᠠᠩ ᠤᠨ ᠪᠠᠶᠢᠳᠠᠯ ᠢ ᠬᠠᠷᠠᠭᠠᠳ᠄ ︿︿ᠡᠨᠡ ᠨᠣᠳᠤᠬ ᠤᠨ ᠮᠠᠯᠴᠢᠳ ᠬᠦᠭᠡᠷᠦᠬᠦᠢ᠂ | ᠡᠨᠡ ᠨᠣᠳᠤᠬ ᠤᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠬᠦᠭᠡᠷᠦᠬᠦᠢ︕﹀﹀ ᠭᠡᠵᠦ ᠠᠮᠠᠨ ᠳᠤ ᠪᠠᠨ ᠲᠦᠳᠦᠨᠡᠵᠦ ᠰᠡᠭᠦᠷᠡᠰᠦ | ᠠᠯᠳᠠᠪᠠ᠃ ᠡᠭᠡᠯ ᠲᠠᠷᠤᠤᠬᠠᠨ ᠵᠠᠩ ᠲᠠᠢ᠂ ᠡᠭᠡᠯᠢᠰᠡᠭ ᠵᠦᠭᠡᠯᠡᠨ ᠶᠠᠷᠢᠶᠠ ᠲᠠᠢ ᠠᠨᠢᠶᠠ ᠠᠴᠠ ᠮᠤᠩᠭᠤᠯ ᠡᠵᠢ ᠶᠢᠨ | ᠲᠦᠷᠢ ᠲᠦᠷᠬᠦ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠬᠡᠢ ᠬᠠᠷᠠᠬᠳᠠᠬᠤ ᠨᠢ ᠪᠢᠯᠡ᠃ ᠬᠤᠳᠠ ᠳᠤ ᠬᠤᠶᠠᠷ ᠰᠠᠷᠠ ᠰᠠᠭᠤᠭᠠᠳ | ᠶᠡᠭᠡ ᠪᠤᠬᠢᠨᠢᠳᠤᠭᠰᠠᠨ ᠪᠤᠯᠤᠯᠲᠠᠢ᠂ ᠦᠭᠡ ᠶᠠᠷᠢᠶᠠ᠂ ᠦᠢᠯᠡ ᠬᠦᠳᠡᠯᠦᠯ ᠠᠴᠠ ᠨᠢ ᠬᠠᠷᠠᠬᠤ ᠳᠤ ᠠᠷᠤ ᠬᠡᠷ᠂ ᠠᠳᠤᠭᠤ | ᠮᠠᠯ ᠢᠶᠠᠨ ᠶᠡᠭᠡ ᠰᠠᠨᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠦᠷᠦ ᠵᠢᠷᠦᠬᠡᠨ ᠠᠴᠠ ᠪᠠᠨ ᠠᠳᠤᠭᠤ ᠮᠠᠯ ᠳᠤ ᠪᠠᠨ ᠬᠠᠶᠢᠷᠠᠲᠠᠢ | ᠭᠡᠳᠡᠭ ᠨᠢ ᠨᠢ ᠤᠬᠠᠵᠤ ᠮᠡᠳᠡᠯᠡ᠃ ᠲᠦᠯ ᠤᠨ ᠲᠠᠭᠤᠨ ᠢᠶᠠᠷ ᠪᠠᠶᠠᠰᠴᠤ᠂ ᠦᠷᠡ ᠶᠢᠨ ᠲᠠᠭᠤᠨ ᠳᠤ ᠤᠶᠠᠷᠠᠳᠠᠭ | ᠡᠩᠭᠡᠷ ᠲᠤ ᠪᠠᠨ ᠰᠦ ᠲᠠᠢ ᠠᠮᠢᠳᠦ ᠪᠤᠷᠬᠠᠨ ᠮᠤᠩᠭᠤᠯ ᠡᠵᠢ ᠭᠡᠵᠦ ᠡᠶᠢᠮᠦ ᠯᠠ ᠪᠠᠶᠢᠬᠤ ᠳ᠋ᠡ᠃ | ᠬᠠᠶᠢᠯᠠᠰᠤ ᠪᠠᠯᠭᠠᠰᠤ ᠶᠢ ᠦᠩᠭᠡᠷᠡᠨ ᠬᠠᠯᠵᠢᠨ ᠠᠭᠤᠯᠠ ᠶᠢ ᠤᠷᠢᠶᠠᠨ ᠬᠤᠶᠢᠰᠢ ᠠᠶᠠᠯᠠᠬᠤ ᠳᠤ ᠨᠣᠳᠤᠬ ᠤᠨ | ᠰᠠᠯᠬᠢ ᠬᠠᠴᠠᠷ ᠢᠯᠪᠢᠨ ᠨᠣᠳᠤᠬ ᠭᠠᠩ ᠲᠠᠢ ᠴᠤ ᠰᠡᠳᠭᠢᠯ ᠳᠤ ᠶᠡᠭᠡ ᠲᠠᠭᠠᠳᠠᠢ ᠪᠠᠶᠢᠯᠠ᠃ ᠬᠤᠷᠠᠭᠠᠨ ᠡᠭᠦᠯᠡᠰ | ᠲᠡᠭᠡᠭᠦᠷ ᠪᠦᠷᠬᠦᠶᠢᠵᠦ᠂ ᠬᠤᠷᠠ ᠪᠤᠷᠤᠭᠠᠨ ᠢ ᠨᠣᠳᠤᠬ ᠲᠤ ᠮᠢᠨᠢ ᠲᠠᠯᠠᠣᠯᠵᠣ ᠪᠠᠶᠢᠭᠠ ᠶᠤᠮ ᠰᠢᠭ᠋᠂ ᠠᠳᠡ ᠲᠡᠨᠳᠡ | ᠪᠡᠯᠴᠢᠬᠦ ᠰᠦᠷᠦᠭ ᠬᠤᠨᠢᠳ ᠨᠠᠰᠢ ᠴᠠᠰᠢ ᠬᠦᠪᠦᠯᠵᠡᠬᠦ ᠨᠢ ᠡᠪᠡᠰᠦᠨ ᠤ ᠰᠤᠷᠭᠤᠭ ᠢ ᠬᠠᠶᠢᠵᠤ ᠪᠠᠶᠢᠭᠠ ᠴᠦ ᠶᠤᠮ | ᠰᠢᠭ᠋᠃ ᠰᠢᠷᠠᠮᠦ᠋ᠷᠡᠨ ᠨᠠᠷᠢᠬᠠᠨ ᠤᠷᠤᠰᠬᠠᠯ ᠲᠠᠢ᠂ ︿︿ᠡᠨᠡ ᠤᠷᠤᠰᠬᠠᠯ ᠢ ᠲᠠᠭᠠᠵᠤ ᠲᠦᠴᠢ ᠰᠢᠬᠠᠮ ᠭᠠᠵᠠᠷ ᠤᠨ | ᠴᠠᠭᠠᠨᠠ ᠮᠢᠨᠤ ᠨᠤᠲᠤᠭ﹀﹀ ᠭᠡᠵᠦ ᠠᠨᠢᠶᠠ ᠳᠤ ᠶᠠᠷᠢᠯᠠ᠂ ᠨᠣᠳᠤᠬ ᠵᠦᠭ ᠢᠶᠠᠨ ᠪᠠᠷᠠᠯᠠᠬᠤ ᠳᠤ ᠬᠤᠨᠢᠨ ᠳᠤ | ᠶᠠᠪᠤᠭᠰᠠᠨ ᠠᠪᠤ ᠶᠢᠨ ᠲᠦᠷᠢ ᠲᠡᠷᠳᠡᠭᠡ ᠠᠯᠤᠰ ᠪᠦᠷᠳᠦᠯᠵᠢᠵᠦ ᠪᠠᠶᠢᠬᠤ ᠰᠢᠭ᠋᠂ ᠬᠦᠦ ᠪᠠᠨ ᠰᠠᠷᠠᠪᠴᠢᠯᠠᠨ ᠬᠦᠯᠢᠶᠡᠵᠦ | ᠪᠠᠶᠢᠭᠠ ᠡᠵᠢ ᠶᠢᠨ ᠲᠦᠷᠬᠦ ᠴᠦ ᠬᠠᠷᠠᠬᠳᠠᠬᠤ ᠰᠢᠭ ᠯᠡ᠂ ᠲᠡᠭᠷᠢ ᠨᠤᠷᠠᠭᠰᠠᠨ ᠴᠤ ᠲᠡᠨᠢᠭᠦᠬᠡᠨ᠂ ᠲᠡᠮᠡᠭᠡᠳ ᠤᠨ | ᠪᠤᠶᠢᠯᠠᠭᠠᠨ ᠳᠤ ᠰᠡᠳᠭᠢᠯ ᠵᠦᠭᠡᠯᠡᠷᠡᠳᠡᠭ ᠪᠤᠷᠬᠠᠨ ᠰᠡᠳᠭᠢᠯᠲᠦ ᠠᠪᠤ ᠡᠵᠢ ᠬᠤᠶᠠᠷ ᠢᠶᠠᠨ ᠰᠠᠨᠠᠬᠤ ᠪᠠᠷ ᠬᠠᠯᠠᠭᠤᠨ | ᠨᠢᠯᠪᠤᠰᠤ ᠬᠠᠮᠠᠷ ᠬᠠᠪᠴᠢᠨ ᠤᠷᠤᠰᠤᠯᠠ᠃ | ᠤᠳᠠᠯ ᠦᠬᠡᠢ ᠬᠤᠰᠢᠭᠤᠨ ᠲᠦᠪ ᠯᠢᠨᠳᠦ᠋ᠩ ᠪᠠᠯᠭᠠᠰᠤᠨ ᠳᠤ ᠬᠦᠷᠴᠦ᠂ ᠡᠨᠡ ᠦᠶᠡᠰ ᠨᠠᠷᠠᠨ ᠪᠠᠷᠠᠭᠤᠨᠠ | ᠬᠡᠯᠪᠡᠶᠢᠵᠤ᠂ ᠤᠨᠠᠬᠤ ᠨᠠᠷᠠᠨ ᠵᠦᠭ ᠪᠠᠶᠠᠨ ᠠᠭᠤᠯᠠ ᠶᠢ ᠵᠤᠷᠢᠯᠠ᠃ ᠵᠠᠮ ᠵᠠᠭᠤᠷᠠ ᠠᠴᠢᠶᠠᠨ ᠤ ᠮᠠᠰᠢᠨ ᠵᠦᠷᠢᠯᠳᠣᠨ᠂ | ᠬᠠᠵᠠᠭᠤ ᠳᠤ ᠰᠠᠭᠤᠭᠰᠠᠨ ᠬᠤᠶᠠᠷ ᠵᠠᠯᠠᠭᠤ ᠨᠤᠶᠢᠷᠮᠤᠬᠯᠠᠬᠤ ᠳᠤ ᠣᠳᠣᠷ ᠢᠶᠠᠨ ᠵᠤᠷᠢᠭᠰᠠᠨ ᠠᠨᠢᠶᠠ ᠶᠢᠨ ᠴᠢᠷᠠᠢ ᠳᠤ | ᠬᠠᠷᠢᠨ ᠪᠠᠶᠠᠷ ᠤᠨ ᠮᠦᠰᠢᠶᠡᠳᠦ ᠲᠤᠳᠤᠷᠠᠵᠤ ᠪᠠᠶᠢᠯᠠ᠃ ᠠᠶᠠᠨ ᠤ ᠵᠠᠮ ᠢ ᠠᠷᠤ ᠳᠤ ᠪᠠᠨ ᠣᠷᠬᠢᠬᠰᠠᠭᠠᠷ ᠪᠠᠶᠢᠵᠤ | ᠪᠤᠷᠤᠭᠠᠨ ᠬᠤᠷᠠ ᠡᠯᠪᠡᠭ᠂ ᠦᠡᠭᠬᠡ ᠰᠢᠮᠡᠯᠢᠭ ᠨᠤᠲᠤᠭ ᠬᠠᠷᠠᠭᠠᠨ ᠤ ᠦᠵᠦᠭᠦᠷ ᠲᠤᠳᠤᠷᠠᠬᠤ ᠳᠤ ᠠᠮᠢᠰᠬᠤᠯᠯᠠᠬᠤ ᠳᠤ | ᠠᠭᠠᠷ ᠨᠢ ᠬᠦᠷᠳᠡᠯᠡ ᠲᠠᠭᠠᠲᠠᠢ ᠪᠠᠶᠢᠯᠠ᠂ ᠪᠤᠷᠤᠭᠠᠨ ᠤ ᠲᠠᠷᠠᠭᠠᠬᠢ ᠮᠤᠩᠭᠤᠯ ᠨᠣᠳᠤᠬ ᠤᠨ ᠠᠭᠠᠷ ᠨᠢ ᠠᠷᠴᠢᠭᠰᠠᠨ | ᠲᠤᠯᠢ ᠰᠢᠭ᠋ ᠲᠣᠩᠭᠠᠯᠠᠬ᠃ ᠦᠭᠡᠷ ᠠᠯᠠᠭᠠᠳ ᠤᠬᠤᠷ ᠰᠡᠭᠦᠯ ᠲᠡᠭᠡᠷᠡ ᠨᠢ ᠭᠡᠳᠡᠭᠴᠢᠯᠡᠨ ᠤᠳᠤᠷ ᠢ ᠨᠢ ᠲᠦᠬᠦᠵᠦ | ᠬᠦᠷᠦᠭᠡᠳ᠂ ᠵᠠᠮ ᠵᠢᠭᠠᠬᠠᠨ ᠰᠢᠪᠠᠷ ᠱᠠᠯᠴᠢᠭ ᠲᠠᠢ ᠶᠢᠨ ᠲᠡᠭᠡᠷᠡ ᠬᠡᠴᠢᠶᠡᠮᠵᠢ ᠦᠬᠡᠢ ᠠᠴᠠ ᠲᠡᠷᠭᠡ ᠪᠠᠨ | ᠲᠣᠷᠭᠠᠭᠠᠴᠢᠬᠠᠭᠠᠳ ᠶᠡᠭᠡ ᠡᠪ ᠦᠬᠡᠢ ᠰᠠᠨᠠᠭᠳᠠᠭᠰᠠᠨ ᠶᠤᠮ᠂ ᠦᠨᠡᠨᠳᠡᠭᠡᠨ ᠲᠡᠷᠬᠡ ᠰᠢᠪᠠᠷᠳᠠᠮᠠᠷ ᠵᠠᠮ ᠪᠢᠰᠢ᠂ | ᠲᠤᠷᠰᠢᠯᠭᠠ ᠲᠣᠳᠠᠮᠠᠬ ᠰᠠᠨᠳᠤᠷᠠᠭᠰᠠᠨ ᠤ ᠬᠢ ᠪᠠᠶᠢᠬᠠ᠃ ᠠᠭᠤᠯᠠᠨ ᠤ ᠨᠠᠭᠠᠨᠠ ᠵᠡᠷᠭᠡᠴᠡᠨ ᠪᠠᠭᠤᠭᠰᠠᠨ ᠬᠤᠶᠠᠷ ᠠᠶᠢᠯ | ᠢ ᠵᠢᠭᠠᠭᠠᠳ ᠠᠨᠢᠶᠠ᠄ ︿︿ᠮᠠᠨᠠᠢᠬᠢᠨ ᠲᠡᠨᠳᠡ ᠪᠠᠶᠢᠨᠠ﹀﹀ ᠭᠡᠯᠡ᠂ ᠮᠦᠰᠢᠶᠡᠳᠦ ᠲᠤᠳᠤᠷᠠᠭᠰᠠᠨ ᠴᠢᠷᠠᠢ ᠳᠤ ᠨᠢ ᠪᠠᠶᠠᠷ | ᠢᠨᠢᠶᠡᠳᠦ ᠪᠢᠯᠬᠠᠵᠤ ᠰᠡᠳᠬᠢᠯ ᠢᠶᠠᠨ ᠲᠠᠷᠤᠵᠤ ᠶᠠᠳᠠᠨ ᠪᠠᠶᠢᠭᠠ ᠨᠢ ᠢᠯᠡᠬᠡᠨ᠂ ᠣᠳᠣᠷ ᠤᠨ ᠠᠶᠢᠯ ᠠᠴᠠ ᠠᠷᠭᠠᠯ ᠤᠨ | ᠣᠳᠤᠬ᠋ᠠ ᠰᠣᠭᠤᠨᠣᠬᠯᠠᠵᠣ᠂ ᠲᠠᠷᠬᠠᠨ ᠪᠡᠯᠴᠢᠭᠰᠡᠨ ᠬᠤᠨᠢᠳ ᠠᠭᠠᠵᠢᠮ ᠠᠭᠠᠵᠢᠮ ᠬᠤᠳᠠᠨ ᠳᠤ ᠤᠶᠢᠷᠠᠳᠤᠨᠠ᠂ | ᠬᠤᠳᠠᠨ ᠤ ᠨᠠᠭᠠᠨᠠ ᠨᠢ ᠬᠤᠶᠠᠷ ᠨᠤᠬᠠᠢ ᠬᠦᠪ ᠬᠦᠪ ᠬᠤᠴᠠᠵᠤ ᠰᠡᠬᠦᠯ ᠰᠢᠷᠪᠠᠯᠵᠢᠭᠤᠯᠤᠨᠠ᠂ ᠡᠵᠡᠨ ᠢᠶᠠᠨ | ᠲᠠᠨᠢᠭᠰᠠᠨ ᠪᠤᠯᠤᠯᠲᠠᠢ᠂ ᠬᠡᠷ ᠤᠨ ᠡᠭᠦᠳᠡᠨ ᠳᠤ ᠨᠠᠷᠢᠬᠠᠨ ᠦᠨᠳᠦᠷ ᠬᠠᠷᠠᠪᠳᠣᠷ ᠵᠢᠰᠦ ᠲᠠᠢ ᠠᠪᠠᠭᠠ ᠨᠠᠷᠠ ᠰᠠᠯᠬᠢᠨ | ᠳᠤ ᠪᠤᠷᠤᠯᠠᠭᠰᠠᠨ ᠴᠢᠷᠠᠢ ᠳᠤ ᠪᠠᠨ ᠲᠦᠭᠦᠷᠡᠭ ᠢᠨᠢᠶᠡᠳᠦ ᠲᠠᠢ ᠲᠤᠰᠤᠯᠠ᠃ ᠴᠠᠭᠠᠨᠠ ᠨᠢ ᠠᠳᠤᠭᠤ ᠢᠨᠴᠠᠭᠠᠨ᠂ | ᠦᠭᠡᠷ ᠮᠦᠭᠡᠷᠦᠯᠳᠣᠨ᠂ ᠬᠤᠨᠢᠳ ᠮᠠᠶᠢᠯᠠᠯᠳᠤᠨ᠂ ᠮᠠᠯ ᠤᠨ ᠦᠨᠦᠷ ᠬᠠᠩᠬᠤᠯᠤᠭᠰᠠᠨ ᠡᠨᠡ ᠠᠶᠢᠯ ᠨᠢ ᠬᠠᠰᠢᠷ ᠮᠠᠯᠴᠢᠨ | ᠭᠡᠳᠡᠭ ᠢᠶᠠᠨ ᠬᠠᠨᠠᠨ ᠳᠡᠭᠡᠷᠡ ᠪᠢᠴᠢᠵᠦ ᠪᠠᠶᠢᠭᠠ ᠶᠤᠮ ᠰᠢᠭ᠋᠃ ᠬᠤᠳᠠᠨ ᠳᠤ ᠮᠠᠶᠢᠯᠠᠯᠳᠤᠬᠤ ᠰᠦᠷᠦᠭ ᠢᠶᠠᠨ | ᠬᠠᠷᠠᠭᠠᠳ ᠠᠨᠢᠶᠠ ᠨᠡᠩ ᠢᠯᠡᠭᠦᠤ ᠮᠠᠩᠨᠠᠢ ᠲᠡᠨᠡᠶᠢᠨ ᠪᠠᠶᠠᠰᠴᠤ᠂ ᠲᠠᠷᠭᠤ ᠰᠠᠭᠤᠵᠠᠢ ᠬᠡᠮᠡᠨ ᠬᠡᠷ ᠲᠤ ᠪᠠᠨ ᠴᠤ ᠣᠷᠣᠯ | ᠦᠬᠡᠢ ᠬᠤᠳᠠᠨ ᠵᠦᠭ ᠢᠶᠠᠨ ᠠᠯᠬᠤᠯᠠ᠃ ᠮᠤᠩᠭᠤᠯ ᠨᠣᠳᠤᠬ ᠤᠨ ᠣᠳᠣᠷ ᠤᠨ ᠠᠶᠢᠯ ᠶᠠᠭᠤᠲᠠᠢ ᠰᠠᠶᠢᠬᠠᠨ᠂ ᠶᠠᠭᠤᠲᠠᠢ | ᠭᠤᠶᠤᠮᠰᠤᠭ᠂ ᠡᠨᠡ ᠦᠶᠡᠰ ᠤᠨᠠᠬᠤ ᠨᠠᠷᠠᠨ ᠴᠤ ᠠᠭᠤᠯᠠᠨ ᠲᠤᠯᠤᠭᠠᠢ ᠰᠢᠭᠦᠷᠴᠦ᠂ ᠤᠯᠠᠪᠢᠷ ᠲᠤᠶᠠᠭᠠᠨ ᠳᠤ ᠭᠠᠩᠭᠠᠩ | ᠪᠠᠶᠢᠭᠠᠯᠢ ᠵᠢᠷᠤᠭ ᠰᠢᠭ᠋ ᠭᠤᠶᠢᠳᠠ᠂ ᠭᠠᠳᠠᠨᠠ ᠪᠠᠨ ᠮᠤᠷᠢ ᠲᠠᠢ ᠠᠶᠢᠯ ᠰᠡᠳᠭᠢᠯ ᠳᠤ ᠨᠢᠭᠡ ᠯᠠ ᠲᠠᠭᠠᠳᠠᠢ᠃ | ᠠᠵᠢᠯᠴᠢ ᠠᠶᠢᠯ ᠢ ᠠᠷᠭᠠᠯ ᠲᠠᠯᠠᠩ ᠠᠴᠠ ᠨᠢ ᠬᠠᠷᠠᠳᠠᠭ ᠭᠡᠳᠡᠭᠴᠢᠯᠡᠨ᠂ ᠡᠨᠡ ᠠᠶᠢᠯ ᠢ ᠭᠠᠳᠠᠨᠠ ᠠᠴᠠ ᠨᠢ | ᠬᠠᠷᠠᠬᠤ ᠳᠤ ᠠᠵᠢᠯᠴᠢ᠂ ᠲᠣᠳᠣᠷᠠ ᠨᠢ ᠤᠷᠤᠪᠠᠯ ᠴᠡᠪᠡᠷᠭᠡᠨ ᠭᠡᠵᠦ ᠡ᠃ ᠠᠭᠠᠭ ᠲᠠᠢ ᠰᠢᠷᠭᠠᠯ ᠴᠠᠢ ᠶᠢ ᠨᠢ | ᠠᠮᠳᠠᠷᠬᠠᠨ ᠤᠭᠤᠤᠵᠤ ᠰᠠᠭᠤᠬᠤ ᠳᠤ ᠪᠠᠷᠠᠭᠠ ᠰᠦᠷᠯᠢᠭ ᠪᠠᠶᠠᠨ ᠠᠭᠤᠯᠠ ᠶᠢᠨ ᠢᠶᠠᠨ ᠡᠩᠬᠢᠷ ᠬᠤᠷᠮᠤᠢ ᠳᠤ ᠪᠠᠶᠠᠨ | ᠲᠠᠩᠰᠤᠬ ᠵᠤᠰᠠᠵᠤ ᠪᠠᠶᠢᠭᠠ ᠨᠢ ᠢᠯᠡᠬᠡᠨ᠂ ᠦᠩᠭᠡ ᠰᠢᠮᠡᠯᠢᠭ ᠨᠤᠲᠤᠭ ᠤᠰᠤᠨ ᠳᠤ ᠠᠵᠤ ᠲᠦᠷᠦᠨ᠂ ᠭᠤᠷᠪᠠᠨ | ᠬᠡᠦᠭᠡᠳ ᠨᠢ ᠴᠤ ᠣᠶᠣᠳᠠᠨ ᠠᠮᠢᠳᠤᠷᠠᠯ ᠢᠶᠠᠨ ᠲᠡᠭᠦᠰᠦᠭᠡᠳ ᠦᠪᠡᠷ ᠦᠪᠡᠷ ᠤᠨ ᠠᠵᠢᠯ ᠤᠨ ᠪᠠᠶᠢᠷᠢ ᠳᠤ ᠪᠠᠨ | ᠬᠢᠯᠠᠷᠠᠭᠤᠯᠤᠨ ᠪᠠᠶᠢᠭᠠ ᠪᠠᠨ ᠬᠠᠷᠠᠭᠠᠳ ᠠᠪᠤ ᠡᠵᠢ ᠨᠢ ᠴᠤ ᠮᠠᠩᠨᠠᠢ ᠲᠡᠨᠡᠶᠢᠨ ᠪᠠᠶᠠᠷ ᠵᠢᠷᠭᠠᠯ ᠲᠠᠢ ᠪᠠᠶᠢᠯᠠ᠃ ᠪᠢᠳᠡ | ᠬᠦᠷᠬᠦ ᠳᠤ ᠠᠶᠢᠯ ᠤᠨ ᠠᠪᠤ ᠬᠤᠨᠢ ᠪᠠᠵᠠᠭᠠᠴᠢᠬᠠᠬᠰᠠᠨ ᠪᠠᠶᠢᠵᠤ ᠪᠢᠯᠡ᠂ ᠡᠶᠢᠨᠬᠦ ᠤᠷᠤᠢ ᠶᠢᠨ ᠬᠤᠭᠤᠯᠠ ᠱᠦᠯᠦ | ᠤᠭᠤᠤᠵᠤ ᠮᠢᠬᠠ ᠢᠳᠡᠨ ᠠᠯᠵᠢᠶᠠᠯ ᠲᠠᠶᠢᠯᠠᠨ ᠶᠠᠷᠢᠶᠠ ᠦᠷᠭᠦᠯᠵᠢᠯᠡᠭᠰᠡᠭᠡᠷ᠂ ᠠᠪᠠᠭᠠ ᠶᠢᠨ ᠶᠠᠷᠢᠶᠠ ᠠᠴᠠ ᠰᠤᠨᠤᠰᠬᠤ | ᠳᠤ ᠡᠨᠡ ᠵᠢᠯ ᠬᠤᠷᠠ ᠪᠤᠷᠤᠭᠠᠨ ᠡᠯᠪᠡ᠂ ᠡᠪᠡᠰᠦ ᠪᠡᠯᠴᠢᠭᠡᠷ ᠰᠢᠮᠡᠯᠢᠭ᠂ ᠮᠠᠯ ᠰᠦᠷᠦᠭ ᠲᠠᠷᠭᠤ ᠬᠦᠴᠦ ᠲᠠᠢ᠂ | ᠮᠠᠯᠴᠢᠳ ᠤᠨ ᠮᠠᠩᠨᠠᠢ ᠲᠡᠨᠡᠶᠢᠭᠰᠡᠨ ᠰᠠᠶᠢᠨ ᠵᠤᠨ ᠪᠤᠯᠵᠠᠢ᠃ ᠨᠢᠭᠡ ᠮᠡᠳᠡᠬᠦ ᠳᠤ ᠣᠬᠳᠠᠷᠭᠤᠢ ᠳᠤ ᠤᠳᠤᠨ ᠮᠡᠴᠢᠳ | ᠲᠦᠭᠡᠵᠦ᠂ ᠰᠠᠷᠠᠨ ᠤ ᠬᠡᠷᠡᠯ ᠳᠤ ᠬᠤᠨᠢᠳ ᠬᠤᠳᠠᠨ ᠳᠤ ᠪᠠᠨ ᠨᠠᠮ ᠬᠡᠪᠳᠡᠨᠡ᠂ ᠲᠠᠯᠠ ᠶᠢᠨ ᠮᠤᠩᠭᠤᠯ ᠠᠶᠢᠯ | ᠲᠠᠶᠢᠪᠤᠩ ᠠᠮᠤᠭᠤᠯᠠᠩ᠃ ᠬᠤᠭᠤᠯᠠᠨ ᠤ ᠳᠠᠷᠠᠭᠠ ᠪᠢᠳᠡ ᠣᠨᠳᠠᠬᠤ ᠠᠮᠠᠷᠠᠬᠤ ᠪᠠᠷ ᠬᠡᠷ ᠲᠤ ᠨᠢ ᠤᠴᠢᠯᠠ᠂ ᠬᠡᠷ ᠤᠨ | ᠬᠠᠵᠠᠭᠤ ᠪᠠᠷ ᠲᠦᠷᠦᠭᠡ ᠰᠢᠭᠦᠷᠦᠮᠡ ᠡᠪᠡᠰᠦ ᠰᠢᠷᠠᠯᠵᠢ ᠤᠷᠭᠤᠵᠠᠢ᠂ ᠴᠢᠭᠢᠭᠯᠢᠭ ᠠᠭᠠᠷ ᠢ ᠠᠮᠢᠰᠬᠤᠯᠯᠠᠬᠤ ᠳᠤ | ᠴᠡᠭᠡᠵᠢ ᠠᠭᠤᠵᠢᠷᠠᠨᠠ᠂ ᠬᠠᠶᠠ ᠨᠤᠬᠠᠶᠢᠳ ᠤᠨ ᠬᠤᠴᠠᠬᠤ ᠲᠠᠭᠤᠨ ᠰᠦᠨᠢ ᠶᠢᠨ ᠨᠠᠮ ᠬᠦᠮ ᠢ ᠡᠪᠳᠡᠨᠡ᠂ ᠱᠦᠯᠦ | ᠤᠭᠤᠤᠵᠤ ᠮᠢᠬᠠ ᠢᠳᠡᠭᠰᠡᠨ ᠤ ᠶᠤᠮ ᠤᠤ᠂ ᠲᠡᠷᠭᠡ ᠪᠠᠷᠢᠵᠤ ᠪᠡᠶᠡ ᠶᠠᠳᠠᠷᠠᠭᠰᠠᠨ ᠴᠤ ᠶᠤᠮ ᠤᠤ ᠪᠣᠦ ᠮᠡᠳᠡ᠂ ᠨᠢᠭᠡ | ᠰᠡᠷᠢᠬᠦ ᠳᠤ ᠦᠷᠯᠦᠭᠡ ᠪᠤᠯᠴᠢᠬᠠᠭᠰᠠᠨ ᠪᠠᠶᠢᠯᠠ᠃ | ᠬᠦᠬᠡ ᠲᠡᠭᠷᠢ ᠳᠤ ᠬᠦᠪᠦᠩ ᠴᠠᠭᠠᠨ ᠡᠭᠦᠯᠡᠰ ᠬᠦᠪᠦᠯᠵᠡᠵᠦ᠂ ᠪᠠᠶᠠᠨ ᠲᠠᠩᠰᠤᠬ ᠪᠠᠶᠠᠨ ᠠᠭᠤᠯᠠ ᠶᠢᠨ ᠲᠠᠯᠠ | ᠨᠤᠲᠤᠭ ᠢ ᠤᠷᠭᠤᠬᠤ ᠨᠠᠷᠠᠨ ᠭᠡᠶᠢᠭᠦᠯᠵᠦ᠂ ᠪᠠᠷᠠᠭᠠ ᠰᠦᠷᠯᠢᠭ ᠪᠠᠶᠠᠨ ᠬᠠᠨ ᠤ ᠬᠢᠷᠠ ᠪᠠᠷ ᠲᠠᠪᠤᠨ ᠬᠤᠰᠢᠭᠤ ᠮᠠᠯ | ᠲᠠᠷᠬᠠᠨ ᠪᠡᠯᠴᠢᠵᠦ᠂ ᠴᠡᠴᠡᠭᠡᠰ ᠬᠦᠷᠳᠡᠯᠡ ᠠᠳᠠᠭᠠᠷᠬᠠᠮᠠᠷ ᠵᠢᠷᠤᠭ ᠰᠢᠭ᠋ ᠲᠠᠩᠰᠤᠬ ᠪᠠᠶᠢᠭᠠᠯᠢ ᠨᠠᠢᠮᠠᠨ ᠰᠠᠷᠠ ᠢᠶᠠᠨ | ᠤᠭᠳᠤᠯᠠ᠂ ᠡᠶᠢᠮᠦ ᠰᠠᠶᠢᠬᠠᠨ ᠦᠵᠡᠮᠵᠢᠳᠦ ᠨᠤᠳᠤᠭ ᠢ ᠪᠢ ᠰᠡᠳᠬᠢᠯ ᠳᠤ ᠪᠠᠨ ᠵᠢᠷᠤᠭᠯᠠᠨ ᠪᠤᠴᠠᠵᠤ ᠪᠢᠯᠡ︕ | ᠪᠠᠭ᠋ᠠᠷᠤᠮᠠ ᠰᠠᠶᠢᠬᠠᠨ ᠪᠠᠶᠠᠨ ᠠᠭᠤᠯᠠ ᠰᠡᠳᠭᠢᠯ ᠳᠤ ᠬᠤᠨᠤᠭᠰᠢᠭᠰᠠᠨ ᠨᠤᠲᠤᠭ ᠡ᠃ | ᠬᠡᠰᠢᠭᠮᠡᠨᠳᠠ 2015.8.1 |